പാർലമെന്റിൽ ഒരു ചുവടുതെറ്റി, ഇടതുകാലിന് ഉളുക്കുണ്ട്; പാർലമെന്റിൽ കാലുതെറ്റി വീണ് ശശി തരൂരിന് പരുക്ക്; പരിപാടികൾ റദ്ദാക്കി വിശ്രമത്തിൽ

ന്യൂഡൽഹി: പാർലമെന്റിൽ കാലുതെറ്റി വീണ് കോൺഗ്രസ് എംപി ശശി തരൂരിന് പരുക്ക്. കാലുതെറ്റിവീഴുകയായിരുന്നുവെന്നും കാലിന് ഉളുക്കുണ്ടെന്നും തരൂർ സോഷ്യൽ മീഡിയയിൽ അറിയിച്ചു. ഇന്ന് പാർലമെന്റിൽ പോകാൻ സാധിച്ചില്ലെന്നും വാരാന്ത്യ പരിപാടികൾ റദ്ദാക്കിയതായും പോസ്റ്റിലുണ്ട്.

'അൽപ്പം അസൗകര്യം: ഇന്നലെ പാർലമെന്റിൽ ഒരു ചുവടുതെറ്റി, ഇടതുകാലിന് ഉളുക്കുണ്ട്. കുറച്ച് മണിക്കൂറുകളോളം വീഴ്ച അവഗണിച്ചുവെങ്കിലും പിന്നീട് വേദന വല്ലാതെ മൂർച്ഛിച്ചു. അതിനാൽ ആശുപത്രിയിൽ പോകേണ്ടി വന്നു. ഇപ്പോൾ കിടപ്പിലാണ്. ഇന്ന് പാർലമെന്റ് കാണുന്നില്ല, വാരാന്ത്യത്തിലെ മണ്ഡല പരിപാടികളും റദ്ദാക്കി', തരൂർ ട്വീറ്റ് ചെയ്തു.