കൊച്ചിയിൽ എഎസ്ഐയെ റിട്ടയേഡ് എസ്ഐ കുത്തി പരിക്കേൽപ്പിച്ചു; അടിയന്തര ശസ്ത്രക്രിയ; ആക്രമണം കുടുംബപ്രശ്നത്തിലെ പരാതി അന്വേഷിക്കാൻ എത്തിയപ്പോൾ

കൊച്ചി: ഏലൂരിൽ എഎസ്ഐയെ റിട്ടയേഡ് എസ്ഐ കുത്തി പരിക്കേൽപ്പിച്ചു. എസ്ഐ സുനിൽ കുമാറിനാണ് കുത്തേറ്റത്. സംഭവവുമായി ബന്ധപ്പെട്ട് റിട്ടയേഡ് എസ്ഐ പോളിനെ പൊലീസ് കസ്റ്റഡിയിൽ എടുത്തു. കുടുംബപ്രശ്നത്തിലെ പരാതി അന്വേഷിക്കാൻ എത്തിയപ്പോളാണ് എസ്ഐക്ക് കുത്തേറ്റത്.

പോൾ മദ്യപിച്ച് ഭാര്യയെയും മക്കളെയും ഉപദ്രവിച്ചപ്പോഴാണ് പൊലീസ് എത്തിയത്. വാതിൽ തുറക്കുന്നതിനിടെ പോൾ എസ്ഐ സുനിൽ കുമാറിന്റെ കയ്യിൽ കുത്തുകയായിരുന്നു. കൂടെയുണ്ടായിരുന്ന പൊലാസുകാരെയും ആക്രമിക്കാൻ ശ്രമിച്ചു. മകൾ ആണ് അച്ഛനെതിരെ പൊലീസിൽ പരാതി നൽകിയത്. പൊലീസുകാരനെ അടിയന്തര ശസ്ത്രക്രിയക്ക് വിധേയമാക്കി.