മണിപ്പൂർ കലാപത്തിൽ പ്രധാനമന്ത്രി ദുഃഖിതൻ; എല്ലാ പ്രശ്നങ്ങളും പരിഹരിക്കും; പി എസ് ശ്രീധരൻപിള്ള

ന്യൂഡൽഹി: മണിപ്പൂർ കലാപത്തിൽ പ്രധാനമന്ത്രി ദുഃഖിതനെന്ന് ഗോവ ഗവർണർ പി എസ് ശ്രീധരൻപിള്ള. ഹിന്ദു - ക്രിസ്ത്യൻ വർഗീയ കലാപമായി ചിത്രീകരിക്കാൻ ശ്രമിച്ചു. പ്രചാരണങ്ങൾ സത്യം മനസ്സിലാക്കാതെയാണെന്നും പ്രശ്നങ്ങൾ എല്ലാം പരിഹരിക്കുമെന്നും ശ്രീധരൻപിള്ള വ്യക്തമാക്കി.

അതേസമയം മണിപ്പൂർ കലാപത്തിന് അന്ത്യം കാണാത്തതിൽ സ്വന്തം സർക്കാരിനെ വിമർശിച്ച് ബിജെപി സംസ്ഥാന ഘടകം രംഗത്തെത്തിയിരുന്നു. സംസ്ഥാന സർക്കാർ സാഹചര്യം കൈകാര്യം ചെയ്യുന്നതിൽ പരാജയപ്പെട്ടു. അതേ പ്രതിഷേധവും ജനരോഷവും വർധിക്കുകയാണെന്നും നേതാക്കൾ ആരോപിച്ചു.അതൃപ്തി വ്യക്തമാക്കി ബിജെപി ദേശീയ അധ്യക്ഷൻ ജെപി നദ്ദക്ക് സംസ്ഥാന നേതാക്കൾ കത്തയച്ചു.

ബിജെപി മണിപ്പുർ അധ്യക്ഷ എ ശാരദാ ദേവിയും എട്ട് സംസ്ഥാന ഭാരവാഹികളും ഒപ്പുവച്ച കത്താണ് നൽകിയത്. പ്രധാനമന്ത്രിയുമായി കൂടിക്കാഴ്‌ച്ച നടത്തണമെന്ന് അഭ്യർത്ഥന. അഭയാർഥികൾക്ക് പുനരധിവാസം ഉറപ്പാക്കണമെന്നും ദേശീയപാതയുലെ ഉപരോധങ്ങൾ അവസാനിപ്പിക്കണമെന്നും കത്തിൽ പറയുന്നുണ്ട്. കൂടാതെ പ്രശ്നക്കാരെ അറസ്റ്റ് ചെയ്യണമെന്നും ഇരകൾക്ക് നഷ്ടപരിഹാരം ഉറപ്പാക്കണമെന്നും സംസ്ഥാന നേതാക്കൾ കത്തിൽ ആവശ്യപ്പെടുന്നു.