കണ്ണൂർ : ഒൻപതാം ക്ലാസുകാരനെ കഞ്ചാവ് നൽകി മയക്കി പീഡനത്തിന് ഇരയാക്കിയ ആൾ കണ്ണൂരിൽ പിടിയിലായി.പീഡനം നടന്ന് മാസങ്ങൾക്ക് ശേഷമാണ് വിവരം പഉത്തറിയുന്നത്.തുടർന്ന് കുട്ടിയുടെ അമ്മ നൽകിയ പരാതിയിൽ ആയിക്കര സ്വദേശി ഷഫീഖിനെയാണ് സിറ്റി പൊലീസ് അറസ്റ്റ് ചെയ്തത്.സെപ്റ്റംബറിലാണ് കണ്ണൂർ നഗരത്തിലെ സ്വകാര്യ സ്‌കൂളിൽ ഒൻപതാം ക്ലാസിൽ പഠിക്കുന്ന പതിനാലുകാരൻ പീഡനത്തിന് ഇരയാകുന്നത്.കുട്ടിയുടെ അയൽവാസി റഷാദാണ് കഞ്ചാവ് ഉപയോഗിക്കുന്ന ഷഫീഖിന്റെ അടുത്തേക്ക് കുട്ടിയെ എത്തിച്ചതെന്നാണ് പൊലീസ് നൽകിയ വിവരം.

വിദ്യാർത്ഥിയെ ഷഫീഖ് ആയിക്കരയിൽ മത്സ്യത്തൊഴിലാളികൾ മോട്ടോറും മറ്റ് ഉപകരണങ്ങളും സൂക്ഷിക്കുന്ന ഷെഡിൽ കൊണ്ടുപോയി. കഞ്ചാവ് നൽകി മയക്കി പീഡിപ്പിച്ചു.മാസങ്ങൾക്ക് ശേഷം കുട്ടിയുടെ അസ്വാഭാവിക പെരുമാറ്റം ശ്രദ്ധയിൽ പെട്ടപ്പോൾ കുട്ടി ഉപയോഗിക്കുന്ന ഫോണിൽ നിന്നാണ് വിവരം ബന്ധുക്കൾക്ക് കിട്ടുന്നത്.പിന്നീട് കുട്ടി ബന്ധുക്കളോട് നടന്ന സംഭവങ്ങൾ വിശദീകരിക്കുകയായിരുന്നു.

ഷെഫീഖിനെതിരെ പൊലീസ് പോക്‌സോ കേസ് രജിസ്റ്റർ ചെയ്തു.ഒൻപതാം ക്ലാസുകാരനിൽ നിന്നും പൊലീസ് വിവരങ്ങൾ ചോദിച്ചറിഞ്ഞതിന് ശേഷം മജിസ്‌ട്രേറ്റിന് മുമ്പാകെയെത്തിച്ച് രഹസ്യമൊഴി രേഖപ്പെടുത്തി.അതേ സമയം ഷെഫീഖിനെ കുട്ടിക്ക് പരിചയപ്പെടുത്തിയ അയൽവാസി റഷാദ് ഒളിവിലാണ്.പതിനാലുകാരനെ ഉപയോഗിച്ച് ഷഫീഖ് കഞ്ചാവ് വിതരണം നടത്തിയിട്ടുണ്ടോ എന്നും വിശദമായ അന്വേഷണം നടത്തുമെന്നും പൊലീസ് വ്യക്തമാക്കി.

മറുനാടന്‍ മലയാളി

    മറുനാടന്‍ മലയാളി ബ്യൂറോ