പാലക്കാട് ലോട്ടറി കടയിൽ കവർച്ച; 5 ലക്ഷം രൂപയുടെ ലോട്ടറി ടിക്കറ്റും പതിനായിരം രൂപയും മോഷ്ടിച്ചു; അന്വേഷണം ഊർജ്ജിതമാക്കി പോലീസ്

പാലക്കാട്: പാലക്കാട് പട്ടാമ്പിയിൽ ലോട്ടറി കടയിൽ നിന്നും പണവും ലക്ഷങ്ങളുടെ ലോട്ടറി ടിക്കറ്റും മോഷണം പോയ സംഭവത്തിൽ അന്വേഷണം ആരംഭിച്ച് പോലിസ്. കഴിഞ്ഞ ദിവസമായിരുന്നു സംഭവം. പട്ടാമ്പി ടൗണിലുള്ള സൗമ്യ ലോട്ടറി ഏജൻസിയിലാണ് മോഷണം നടന്നത്. സംഭവത്തില്‍ പട്ടാമ്പി പൊലീസ് അന്വേഷണം ആരംഭിച്ചു. സ്ഥാപന ഉടമയുടെ പരാതിയുടെ അടിസ്ഥാനത്തിൽ പൊലീസ് സ്ഥലത്തെത്തി പരിശോധന നടത്തി. ഡോഗ്സ്കോഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി.

പട്ടാമ്പി ഗുരുവായൂർ റോഡിൽ റെയിൽവേ സ്റ്റേഷൻ റോഡ് ജംഗ്ഷന് സമീപത്തെ സൗമ്യ ലോട്ടറി ഏജൻസിയുടെ ഔട്ട്ലെറ്റിലാണ് മോഷണം നടന്നത്. ഞായറാഴ്ച രാവിലെ ജീവനക്കാരനെത്തി കട തുറക്കാൻ നോക്കിയപ്പോഴാണ് മോഷണം നടന്ന വിവരം അറിയുന്നത്. പൂട്ട് പൊളിച്ചാണ് മോഷണം നടന്നത്. കടയിൽ നിന്നും 5 ലക്ഷത്തോളം രൂപയുടെ ലോട്ടറി ടിക്കറ്റുകളും പതിനായിരം രൂപയോളം നഷ്ടമായതുമായാണ് ലഭിക്കുന്ന വിവരം.