കൊച്ചി: സമൂഹമാധ്യമങ്ങളിലൂടെ അപകീർത്തിപ്പെടുത്തിയെന്ന നടൻ ടൊവിനോ തോമസിന്റെ പരാതിയിൽ കേസ്. എറണാകുളം പനങ്ങാട് പൊലീസ് ആണ് നടന്റെ പരാതിയിൽ കേസ് രജിസ്റ്റർ ചെയ്തത്.

ഇൻസ്റ്റഗ്രാമിലൂടെ തന്നെ അപകീർത്തിപ്പെടുത്തുന്നുവെന്ന് കാട്ടി ഡിസിപിക്കാണ് ടൊവിനോ പരാതി നൽകിയത്. പരാതിക്ക് ആസ്പദമായ ലിങ്കും താരം നൽകിയിരുന്നു. തനിക്കുലഭിച്ച പരാതി ഡിസിപി പനങ്ങാട് പൊലീസിന് കൈമാറുകയായിരുന്നു. തുടർന്ന് ശനിയാഴ്ച രാത്രിയാണ് പനങ്ങാട് പൊലീസ് എഫ്‌ഐആർ രജിസ്റ്റർ ചെയ്തത്. തന്നെ നിരന്തരം അപകീർത്തിപ്പെടുത്തുകയും അസഭ്യം പറയുകയും ചെയ്യുന്നതാണ് പരാതിയിലുള്ളത്. അന്വേഷണം തുടങ്ങിയതായി പനങ്ങാട് പൊലീസ് അറിയിച്ചു.