തിരുവനന്തപുരം വിമാനത്താവളം ഇന്ന് അഞ്ചുമണിക്കൂർ അടച്ചിടും; എയർപോർട്ട് അടച്ചിടുക പത്മനാഭസ്വാമി ക്ഷേത്രത്തിലെ അൽപശി ആറാട്ടിന്റെ ഭാഗമായി; വിമാനത്താവളം വഴിയുള്ള ആഭ്യന്തര,രാജ്യാന്തര സർവീസുകൾ പുനഃക്രമീകരിച്ചു

തിരുവനന്തപുരം: തിരുവനന്തപുരം അന്താരാഷ്ട്രാ വിമാനത്താവളം ഇന്ന് അഞ്ച് മണിക്കൂർ നേരത്തേക്ക് അടച്ചിടും.ശ്രീപത്മനാഭസ്വാമി ക്ഷേത്രത്തിലെ പ്രസിദ്ധമായ അൽപശി ആറാട്ട് ഘോഷയാത്രയുടെ ഭാഗമായാണ് എയർപോർട്ടിന്റെ റൺവേ വൈകിട്ട് 4 മണി മുതൽ 9 മണി വരെ അടച്ചിടുന്നത്.നിയന്ത്രണത്തിന്റെ ഭാഗമായി എയർപോർട്ട് വഴി ഈ സമയത്തുള്ള ആഭ്യന്തര,രാജ്യാന്തര സർവീസുകൾ പുനഃക്രമീകരിച്ചിട്ടുണ്ട്.

വിമാനങ്ങളുടെ പുതുക്കിയ സമയ വിവരം അതത് എയർലൈനുകളിൽ നിന്ന് യാത്രക്കാർക്ക ലഭ്യമാകും.1932ൽ വിമാനത്താവളം സ്ഥാപിതമായ കാലം മുതൽ പിന്തുടരുന്ന ഒരു നടപടിയാണിത്.

ക്ഷേത്രത്തിന്റെ പരമ്പരാഗത അവകാശികൾ തിരുവിതാംകൂർ രാജവംശമാണ്.അതിന്റെ ഭാഗമായാണ് എല്ലാ വർഷവും പരമ്പരാഗത ആറാട്ടു ഘോഷയാത്രയുടെ (ആറാട്ടു ദേവതയുടെ ആചാരപരമായ കുളി) സമയത്ത് വിമാനത്താവളത്തിൽ സർവീസുകൾ നിർത്തിവയ്ക്കുന്നത്.വർഷത്തിൽ രണ്ടുതവണ ഇത്തരത്തിൽ എയർപോർട്ട് അടച്ചിടാറുണ്ട്.