പോപ്പുലർ ഫ്രണ്ടിന് അനുകൂലമായ മുദ്രാവാക്യം വിളി; പി.എഫ്.ഐ നിരോധനത്തിന് പിന്നാലെ മുങ്ങിയ രണ്ട് പേർ കീഴടങ്ങി; കീഴടിങ്ങിയവർ യു.എ.പി.എ ചുമത്തപ്പെട്ട പ്രതികൾ

കട്ടപ്പന:പോപ്പുലർ ഫ്രണ്ടിന്റെ നിരോധനത്തിന് പിന്നാലെ യു.എ.പി.എ ചുമത്തപ്പെട്ടതിനെ തുടർന്ന് ഒളിവിലായിരുന്ന രണ്ട് പ്രതികൾ കട്ടപ്പന ഡിവൈ.എസ്‌പിക്ക് മുന്നിൽ കീഴടങ്ങി.പി.എഫ്.ഐ പ്രവർത്തകരായ രാമക്കൽമേട് ഇടത്തറമുക്ക് ഓണമ്പള്ളിൽ ഷെമീർ (28), ബാലൻപിള്ളസിറ്റി വടക്കേത്താഴെ വി എസ്. അമിർഷാ (25) എന്നിവരാണ് വ്യാഴാഴ്ച രാവിലെ കീഴടങ്ങിയത്.

പോപുലർ ഫ്രണ്ടിനെ കേന്ദ്രസർക്കാർ നിരോധിച്ചതിന് പിന്നാലെ ഇവർ രാമക്കൽമേട് ബാലൻപിള്ളസിറ്റിയിൽ സംഘടനക്ക് അനുകൂലമായി മുദ്രാവാക്യം വിളിച്ചിരുന്നു.ഇതിനെ തുർന്നാണ് ഇവർക്കെതിരെ നെടുങ്കണ്ടം പൊലീസ് യു.എ.പി.എ പ്രകാരം കേസെടുത്തത്. കേസിനെ തുടർന്ന രണ്ട് പേരും ഒളിവിൽ പോയിരുന്നു.കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.