കോഴിക്കോട്: കോഴിക്കോട് കണ്ണാടിക്കൽ, പൊളിച്ച പീടികയിൽ ഓടയിൽ യുവാവിന്റെ മൃതദേഹം. കുരുവട്ടൂർ അണിയം വീട്ടിൽ വിഷ്ണുവിന്റെ മൃതദേഹമാണ് കണ്ടെത്തിയത്. ഓടയിൽ ഇയാളുടെ ബൈക്കും കണ്ടെത്തി. ബൈക്ക് തെറിച്ച് പോയി വീണതാകാനാണ് സാധ്യതയെന്നാണ് പൊലീസ് നിഗമനം.
രാവിലെ എട്ടു മണിയോടെയാണ് മൃതദേഹം കണ്ടെത്തിയത്. തിരക്കേറിയ റോഡിന് സമീപത്താണ് അപകടം നടന്നിരിക്കുന്നത്. കുറച്ച് ആഴമുള്ള ഓവുചാലിലാണ് മൃതദേഹം കിടന്നിരുന്നത്. തൊട്ടടുത്ത് അയാളുടെ ഹെൽമെറ്റും കിടപ്പുണ്ട്. അപകടമുണ്ടായി എന്ന നിഗമനത്തിലാണ് പൊലീസ്. ഒരുപക്ഷേ വേഗത്തിൽ വന്ന് തെന്നിപ്പോകാൻ സാധ്യതയുണ്ട്. അങ്ങനെയെങ്കിൽ വിഷ്ണു ഇവിടേക്ക് തെറിച്ച് വീഴാൻ സാധ്യതയുണ്ട്.
ഇന്ന് രാവിലെ തൊട്ടടുത്ത വീട്ടുകാരാണ് ഓടയിൽ മൃതദേഹം കിടക്കുന്നത് കണ്ടത്. അതിന് പിന്നാലെയാണ് പൊലീസിൽ വിവരമറിയിച്ചത്. ബോക്‌സിം?ഗ് പരിശീലകനായിരുന്നു മരിച്ച വിഷ്ണു. രാവിലെ കുട്ടികൾക്ക് ക്ലാസെടുക്കാൻ പോയതാകാമെന്നാണ് വിലയിരുത്തൽ. അപകടത്തിന്റെ കാരണം കൃത്യമായി പുറത്തുവന്നിട്ടില്ല. സിസിടിവികൾ പൊലീസ് പരിശോധിക്കും.
