ലഹരി വസ്തു നല്‍കി പത്താം ക്ലാസുകാരനെ ഭര്‍ത്താവിന്റെ അറിവോടെ പീഡിപ്പിച്ചു; പീഡിപ്പിച്ചത് നാല് വര്‍ഷം; സംഭവത്തില്‍ യുവതി അറസ്റ്റില്‍; ഭര്‍ത്താവ് ഒളിവില്‍
തിരൂര്‍: സ്‌കൂളില്‍ പോയിരുന്ന പത്താം ക്ലാസ് വിദ്യാര്‍ത്ഥിയുടെ ജീവിതം ഭീകരമായി മാറിയത് ലഹരിവസ്തുവിന്റെ മറവിയില്‍ നടത്തിയ പീഡനത്തിലൂടെ. സംഭവത്തില്‍ യുവതിയെയും ഭര്‍ത്താവിനെയും തിരൂര്‍ പോലീസ് കേസില്‍ ഉള്‍പ്പെടുത്തി അന്വേഷണം തുടരുകയാണ്.
പാലക്കാട് വാക്കോട് കോളനിയിലെ സത്യഭാമ (30) എന്ന യുവതിയെയാണ് തിരൂര്‍ പോലീസ് പോക്സോ വകുപ്പ് പ്രകാരം അറസ്റ്റ് ചെയ്തത്. തിരൂര്‍ ബി.പി. അങ്ങാടിയിലെ സാബിയാണ് ഭര്‍ത്താവ്. ഇയാള്‍ ഇപ്പോഴും ഒളിവിലാണെന്നും ഉടന്‍ പിടികൂടും എന്നുമാണ് പോലീസ് ഉറപ്പു നല്‍കുന്നത്.
2021 മുതലാണ് വിദ്യാര്‍ത്ഥിക്ക് നേരെയുള്ള പീഡനമെന്ന് പോലീസ് പറഞ്ഞു. ആദ്യം കുട്ടിയുടെ സ്വഭാവത്തില്‍ ശ്രദ്ധേയമായ മാറ്റങ്ങളുണ്ടായി. ഇതേ തുടര്‍ന്ന് കുടുംബം നടത്തിയ അന്വേഷണത്തില്‍ ഞെട്ടിക്കുന്ന വെളിപ്പെടുത്തലുകള്‍ പുറത്തു വന്നു.
വിദ്യാര്‍ത്ഥിയുടെ ബന്ധുക്കള്‍ നല്‍കിയ പരാതിയിലാണ് കേസെടുത്തത്. കുട്ടികളുടെ സുരക്ഷ സംബന്ധിച്ച് സമൂഹത്തോടുള്ള ചോദ്യങ്ങളുയര്‍ത്തുന്ന ഈ സംഭവത്തില്‍, കുറ്റക്കാരെ നിയമത്തിന് മുമ്പില്‍ കൊണ്ടുവരാന്‍ പോലീസ് ശക്തമായ നടപടികളാണ് സ്വീകരിക്കുന്നത്.
