കൊച്ചി: വനിത കമീഷൻ എറണാകുളം ജില്ല സിറ്റിങ്ങിന്റെ ആദ്യ ദിനത്തിൽ 40 പരാതികൾ തീർപ്പാക്കി. രണ്ടു പരാതികളിൽ വിശദമായ അന്വേഷണ റിപ്പോർട്ട് ആവശ്യപ്പെട്ടു. ബാക്കി 46 പരാതികൾ അടുത്ത സിറ്റിങ്ങിൽ പരിഗണിക്കും.

കാക്കനാട് ജില്ല പഞ്ചായത്ത് പ്രിയദർശിനി ഹാളിൽ നടന്ന സിറ്റിങ്ങിൽ വനിത കമീഷൻ അംഗം അഡ്വ. ഇന്ദിരാ രവീന്ദ്രൻ, ഡയറക്ടർ ഷാജി സുഗുണൻ എന്നിവർ പരാതികൾ കേട്ടു.

കുടുംബപ്രശ്‌നങ്ങൾ, അയൽവാസികൾ തമ്മിലുള്ള തർക്കങ്ങൾ, സാമ്പത്തിക വിഷയവുമായി ബന്ധപ്പെട്ട പരാതികൾ, ഗാർഹിക പീഡന പരാതികൾ തുടങ്ങിയ പരാതികളാണ് സിറ്റിങ്ങിൽ പരിഗണിച്ചത്. സിറ്റിങ് വ്യാഴാഴ്ചയും തുടരും.