റിയാദ്: നാട്ടിൽ അവധി കഴിഞ്ഞ് ഏതാനും ദിവസങ്ങൾക്ക് മുമ്പ് സൗദി അറേബ്യയിൽ തിരിച്ചെത്തിയ മലയാളി യുവ എൻജിനീയർക്ക് ദാരുണാന്ത്യം. മലപ്പുറം പുളിക്കൽ ആന്തിയൂർകുന്ന് സ്വദേശി പുളിക്കൽ നരികുത്ത് നൂർജഹാന്റെയും തിരൂരങ്ങാടി സ്വദേശി അബ്ദുൽ ഹഖിന്റെയും മകൻ അഫ്‌സലുൽ ഹഖ് (27) ആണ് സൗദിയിലെ ഖഫ്ജി സഫാനിയയിൽ വെച്ച് മരണപ്പെട്ടത്.

അഫ്‌സലുൽ ഹഖ് ഖഫ്ജി സഫാനിയയിലെ അരാംകൊ പ്രോജക്റ്റിൽ സിവിൽ എൻജിനീയറായി ജോലി ചെയ്തുവരികയായിരുന്നു. ഏതാനും ദിവസങ്ങൾക്ക് മുമ്പാണ് അദ്ദേഹം നാട്ടിൽ പോയി അവധി കഴിഞ്ഞ് മടങ്ങിയെത്തിയത്. മടങ്ങിയെത്തിയതിന് തൊട്ടുപിന്നാലെയാണ് മരണം സംഭവിച്ചത്.

അഫ്‌സലുൽ ഹഖിന്റെ മൃതദേഹം നിലവിൽ ഖഫ്ജി ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മൃതദേഹം നാട്ടിലേക്ക് കൊണ്ടുവരുന്നതിനും ഔദ്യോഗിക നടപടിക്രമങ്ങൾ പൂർത്തിയാക്കുന്നതിനുമായി സഹോദരീ ഭർത്താവ് ഫൈസൽ ഫാഹിം (കോഴിക്കോട് ഗ്രിൽ, വാസ്കോ), സാമൂഹിക പ്രവർത്തകൻ ജലീൽ, പ്രവാസി വെൽഫെയർ പ്രവർത്തകൻ അൻവർ ഫസൽ എന്നിവരുടെ നേതൃത്വത്തിൽ നടപടികൾ പുരോഗമിക്കുന്നു.

യുവാവ്ദാരുണാന്ത്യം

സ്വന്തം ലേഖകൻ