കുഴിയിൽ വീഴാതിരിക്കാൻ ഓട്ടോറിക്ഷ ബ്രേക്കിട്ടു; പിന്നാലെ വന്ന ബൈക്ക് നിയന്ത്രണം വിട്ട് റോഡിലേക്ക് വീണു; യുവാവിന് ദാരുണാന്ത്യം

കോഴിക്കോട്: ബൈക്ക് നിയന്ത്രം വിട്ട് റോഡിലേക്ക് വീണുണ്ടായ അപകടത്തിൽ യുവാവിന് ദാരുണാന്ത്യം. ജോലി സ്ഥലത്തേയ്ക്കുള്ള യാത്രക്കിടെ ബൈക്ക് അപകടത്തിൽപ്പെട്ട്. അപകടത്തിൽ കോഴിക്കോട് പെരുവയൽ ചിറ്റാരിക്കുഴിയിൽ കൃഷ്ണൻകുട്ടിയുടെ മകൻ അഭിൻ കൃഷ്ണ (22) ആണ് മരിച്ചത്.

ഇന്ന് രാവിലെ ഒൻപത് മണിയോടെ വീടിന് സമീപത്തുവച്ചാണ് അപകടമുണ്ടായത്. റോഡിലേക്ക് വീണ അഭിന്റെ തലയിൽ മറ്റൊരു വാഹനം ഇടിച്ചതായിരുന്നു മരണ കാരണം.

സംഭവസ്ഥലത്ത് റോഡിന്റെ സമീപത്തായി ജലജീവൻ മിഷന്റെ കുഴിയുണ്ടായിരുന്നു. കുഴിയുടെ സമീപമെത്തിയപ്പോൾ മുന്നിൽ പോവുകയായിരുന്ന ഓട്ടോറിക്ഷ പെട്ടെന്ന് ബ്രേക്കിട്ടു. പിന്നാലെ ബൈക്കിൽ വരികയായിരുന്നു അഭിനും ബ്രേക്ക് ചവിട്ടി.

എന്നാൽ നിയന്ത്രണം വിട്ട ബൈക്ക് റോഡിൽ വീഴുകയായിരുന്നു. ഇതേസമയം എതിർദിശയിൽ നിന്നുവന്ന ബൈക്ക് അഭിന്റെ തലയിൽ ഇടിക്കുകയായിരുന്നു. അഭിൻ സംഭവസ്ഥലത്തുതന്നെ മരണപ്പെട്ടു.