ഹെഡ് ലൈറ്റ് ഡിം ചെയ്യാതെ വന്ന വാഹനം കാഴ്ച മറച്ചു; റോഡരികില്‍ കൂട്ടിയിട്ടിരുന്ന പൈപ്പിലേക്കു ബൈക്ക് ഇടിച്ചുകയറി യുവാവിനു ദാരുണാന്ത്യം
ഹെഡ് ലൈറ്റ് ഡിം ചെയ്യാതെ വന്ന വാഹനം കാഴ്ച മറച്ചു; ബൈക്ക് ഇടിച്ചുകയറി യുവാവിനു ദാരുണാന്ത്യം
കോട്ടയം: നിയന്ത്രണം വിട്ട ബൈക്ക് റോഡരികില്‍ കൂട്ടിയിട്ടിരുന്ന പൈപ്പിലേക്കു ഇടിച്ചുകയറി യുവാവിനു ദാരുണാന്ത്യം. ഇരവിനല്ലൂര്‍ പാറേപ്പറമ്പില്‍ ശ്രീകുമാര്‍ (30) ആണു മരിച്ചത്. പാറയ്ക്കല്‍ക്കടവ്‌നാല്‍ക്കവല റോഡില്‍ ചൊവ്വാഴ്ച രാത്രി ഏഴരയ്ക്കാണ് അപകടം.
എതിരെ വന്ന വാഹനം ഹെഡ് ലൈറ്റ് ഡിം ചെയ്യാതിരുന്നതോടെ ശ്രീകുമാറിന്റെ കാഴ്ച മറഞ്ഞ് ബൈക്ക് നിയന്ത്രണംവിട്ടു റോഡരികില്‍ കൂട്ടിയിട്ട പൈപ്പിലേക്ക് ഇടിച്ച് കയറുകയായിരുന്നു. ഇരുമ്പുപൈപ്പിലേക്കു വീണ് വാരിയെല്ല് തകര്‍ന്നു ശ്വാസകോശത്തില്‍ തറച്ചുകയറിയ നിലയിലാണു ശ്രീകുമാറിനെ കോട്ടയം മെഡിക്കല്‍ കോളജ് ആശുപത്രിയില്‍ എത്തിച്ചത്. ഇന്നലെ പുലര്‍ച്ചെ മരിച്ചു. അപകടസ്ഥലത്തുനിന്നു ശ്രീകുമാറിന്റെ വീട്ടിലേക്ക് ഒരു കിലോമീറ്റര്‍ ദൂരമേ ഉണ്ടായിരുന്നുള്ളൂ.
സംസ്‌കാരം നടത്തി. പിതാവ്: ബാബു. അമ്മ: സരസു. സഹോദരി: ലക്ഷ്മി. അപകടസാധ്യതയുയര്‍ത്തി ജില്ലയില്‍ പലയിടങ്ങളിലും റോഡരികില്‍ ജലജീവന്‍ മിഷനുവേണ്ടിയുള്ള പൈപ്പുകള്‍ ഇറക്കിയിട്ടിട്ടുണ്ട്.
