സാമ്പത്തിക പ്രശ്‌നങ്ങളെ തുടർന്ന് ഭാര്യയുമായി വഴക്കിട്ടു; പിഞ്ചു കുട്ടികളുമായി കിണറ്റിൽ ചാടിയ യുവാവ് മരിച്ചു; രണ്ടരയും നാലരയും വയസ്സുള്ള കുട്ടികളെ രക്ഷപ്പെടുത്തി

തൃശൂർ:ഭാര്യയുമായി വഴക്കിട്ട് പിഞ്ചു കുട്ടികളുമായി കിണറ്റിൽ ചാടിയ യുവാവ് മരിച്ചുതൃശൂർ മൂന്നുപീടികയിൽ ബീച്ച് സ്വദേശി ഷിഹാബ് (35) ആണ് മരിച്ചത്.രണ്ടര വയസ്സും നാലര വയസ്സും ഉള്ള കുട്ടികളെ ബന്ധുക്കൾ രക്ഷപ്പെടുത്തി.ഇന്ന് പുലർച്ചെ 5.15നാണ് സംഭവം.

സാമ്പത്തിക പ്രശ്‌നങ്ങളെ തുടർന്ന് ഷിഹാബും ഭാര്യം തമ്മിൽ വഴക്കുണ്ടായിരുന്നു.ഇതിനു പിന്നാലെ ഷിഹാബ് കുട്ടികളെയും എടുത്ത് വീടിനോട് ചേർന്നുള്ള കിണറ്റിൽ ചാടുകയായിരുന്നു.അഗ്‌നിശമനസേനയെത്തി ഷിഹാബിനെ പുറത്തെടുത്ത് ഉടൻ തന്നെ കൊടുങ്ങല്ലൂർ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.