പരിശോധനയിൽ ബാഗിൽ സൂക്ഷിച്ച 14.952 ഗ്രാം ഹൈബ്രിഡ് കഞ്ചാവ് കണ്ടെടുത്തു; വിദേശത്ത് നിന്നെത്തിയ യുവാക്കൾ കസ്റ്റംസിന്റെ പിടിയിൽ

കൊച്ചി: വിദേശത്ത് നിന്നും എത്തിയ യുവാക്കളിൽ നിന്നും പിടികൂടിയത് കോടികൾ വില വരുന്ന ഹൈബ്രിഡ് കഞ്ചാവ്. ബാഗിൽ സൂക്ഷിച്ച കഞ്ചാവുമായി മൂന്ന് പേരാണ് പിടിയിലായത്. കൊച്ചി രാജ്യാന്തര വിമാനത്താവളത്തിലെത്തിയ മലപ്പുറം, എറണാകുളം, കോഴിക്കോട് സ്വദേശികളായ യുവാക്കളാണ് പിടിയിലായത്. ഇവരിൽ നിന്നും 14.952 ഗ്രാം ഹൈബ്രിഡ് കഞ്ചാവാണ് കണ്ടെടുത്തത്.

മലപ്പുറം സ്വദേശി ജംഷീർ, എറണാകുളം സ്വദേശി നിസാമുദ്ദീൻ, കോഴിക്കോട് സ്വദേശി മുഹമ്മദ് സക്കീർ എന്നിവരാണ് കസ്റ്റംസിന്റെ പിടിയിലായത്. പിടിച്ചെടുത്ത ലഹരിയ്ക്ക് അന്താരാഷ്ട്ര വിപണിയിൽ ഏഴ് കോടിയിലേറെ രൂപ വിലവരുമെന്ന് കസ്റ്റംസ് അറിയിച്ചു. കോടതിയിൽ ഹാജരാക്കിയ പ്രതികളെ റിമാൻറ് ചെയ്തു.