കസേരയോട് വല്ലാത്ത ഇഷ്ടം, ഒഴിഞ്ഞുതരില്ല; കോഴിക്കോട് ഡി എം ഒ ഓഫീസില്‍ കസേരയ്ക്കായി വടംവലി; പഴയ ഡി എം ഒ ഇരിപ്പുറപ്പിച്ചതോടെ കസേര കിട്ടാതെ വലഞ്ഞ് പുതിയ ആള്‍; ഒടുവില്‍ സംഭവിച്ചത്

കോഴിക്കോട്: കോഴിക്കോട് ഡി എം ഒ ഓഫീസില്‍ കസേരയ്ക്കായി 'അടി'.ഒരേ സമയം രണ്ട് ഉദ്യോഗസ്ഥര്‍ ഡി എം ഒ ആയി ഓഫീസില്‍ എത്തിയതോടെയാണ് കസേരക്കായി വടംവലിയുണ്ടായത്.

സ്ഥലം മാറിയെത്തിയ ഡോ. ആശാദേവിക്ക് കസേര ഒഴിഞ്ഞ് കൊടുക്കാന്‍ നിലവിലെ ഡി എം ഒ തയ്യാറായില്ല. സ്ഥലം മാറ്റത്തില്‍ കോഴിക്കോട് ഡി എം ഒ രാജേന്ദ്രന്‍ സ്റ്റേ വാങ്ങിയിരുന്നു. സ്റ്റേ നീക്കിയതിനെ തുടര്‍ന്ന് സ്ഥാനം ഏറ്റെടുക്കാനാണ് ഡോ. ആശാദേവി ഓഫീസില്‍ എത്തിയത്.

ഏറെ നേരം രണ്ട് പേരും ഡി എം ഒയുടെ കാബിനില്‍ ഇരിക്കുകയായിരുന്നു. രാജേന്ദ്രന്‍ കസേര ഒഴിഞ്ഞ് കൊടുക്കാതെ വന്നതോടെ ആശാദേവി ഓഫീസില്‍ നിന്ന് മടങ്ങി.