വിഴിഞ്ഞത്ത് തലയോട്ടിയും അസ്ഥികൂടവും; മൂന്നുമാസം മുമ്പ് കാണാതായ പ്രദേശവാസിയുടെ മൃതദേഹമെന്ന് സംശയം

തിരുവനന്തപുരം: വിഴിഞ്ഞം ചപ്പാത്ത് ചന്തയ്ക്ക് സമീപത്ത് തലയോട്ടിയും അസ്ഥികൂടവും കണ്ടെത്തി. കയറില്‍ കെട്ടിത്തൂങ്ങിയ നിലയില്‍ ആയിരുന്നു. ഇന്ന് വൈകിട്ട് മൂന്ന് മണിയോടെ തൊഴിലുറപ്പ് തൊഴിലാളികളാണ് അസ്ഥികൂടം കണ്ടെത്തിയത്.

മൂന്ന് മാസം മുമ്പ് കാണാതായ പ്രദേശവാസി കൃഷ്ണന്‍കുട്ടിയുടേതാണ് മൃതദേഹമെന്ന് സംശയം ഉയര്‍ന്നിട്ടുണ്ട്. സ്ഥലത്ത് നിന്ന് ഇയാളുടെ ആധാര്‍ കാര്‍ഡും കിട്ടി. ഡിഎന്‍എ പരിശോധനയ്ക്ക് ശേഷം മൃതദേഹം ബന്ധുക്കള്‍ക്ക് കൈമാറും.