കണ്ണൂരില്‍ തിയേറ്ററിന്റെ വാട്ടര്‍ ടാങ്ക് തകര്‍ന്ന് വീണു; സിനിമ രണ്ടു കൊണ്ടിരുന്ന രണ്ടു പേര്‍ക്ക് പരുക്കേറ്റു

കണ്ണൂര്‍: കണ്ണൂരിലെ മട്ടന്നൂരില്‍ സിനിമാ പ്രദര്‍ശനം നടക്കുന്നതിനിടെ തിയേറ്ററിലെ വാട്ടര്‍ ടാങ്ക് തകര്‍ന്നു വീണ് രണ്ടുപേര്‍ക്ക് പരിക്കേറ്റു. ഇരിട്ടി റോഡില്‍ സ്ഥിതി ചെയ്യുന്ന മട്ടന്നൂരിലെ സഹിന സിനിമാസിലെ വാട്ടര്‍ ടാങ്കാണ് തകര്‍ന്നത്.

ടാങ്ക് സ്ഥാപിച്ചിരുന്ന കെട്ടിടത്തിന്റെ ഒരു ഭാഗവും തകര്‍ന്നു വീണു. വാട്ടര്‍ ടാങ്ക് പൊട്ടിയതോടെ മുകളില്‍ നിന്ന് വെള്ളം തിയറ്ററിലേക്ക് ഒഴുകിയെത്തി. ടാങ്കിനൊപ്പം കെട്ടിടത്തിലെ സിമന്റ് കട്ടകളും സീലിംഗും വീണാണ് രണ്ടുപേര്‍ക്ക് പരുക്കേറ്റത്. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. ഇവരുടെ പരുക്ക് ഗുരുതരമല്ലെന്നാണ് പൊലീസ് നല്‍കുന്ന വിവരം. സംഭവത്തെ തുടര്‍ന്ന് സഹി നാസിലെ ഷോ നിര്‍ത്തിവെച്ചിട്ടുണ്ട്