ഇന്‍സ്റ്റയിലൂടെ അശ്ലീല വീഡിയോയും മെസേജുകളും; എതിര്‍ത്തപ്പോള്‍ ലൈവ് വീഡിയോയിലൂടെ നഗ്നതാ പ്രദര്‍ശനം; കൊല്ലത്ത് പോക്‌സോ കേസ്സിലെ പ്രതി അറസ്റ്റില്‍
കൊല്ലത്ത് പോക്‌സോ കേസ്സിലെ പ്രതി അറസ്റ്റില്‍
കൊല്ലം: പോക്‌സോ കേസ്സിലെ പ്രതിയെ അറസ്റ്റ് ചെയ്തു. കാക്കാംകുന്ന് സ്വദേശിയായ രൂപേഷ് (22 വയസ്സ്) എന്നയാളെയാണ് മട്ടാഞ്ചേരി പോലീസ് അറസ്റ്റ് ചെയ്തത്. മട്ടാഞ്ചേരി സ്വദേശിയായ അതിജീവിതയുടെ പരാതിയിലാണ് പ്രതി പിടിയിലായത്. പ്രതിയുടെ ഇന്‍സ്റ്റാഗ്രാം അക്കൌണ്ടിലുടെ അതിജീവിതയ്ക്ക് അശ്ലീല വീഡിയോകളും മെസ്സേജുകളും അയച്ച് കൊടുക്കുകയും, ഇതിനെ എതിര്‍ത്ത അതിജീവിതയെ ഭീഷണിപ്പെടുത്തുകയും, കൂടാതെ ലൈവ് വീഡിയോയിലൂടെ നഗ്നതാ പ്രദര്‍ശനം നടത്തുകയും, അതിജീവിതയുടെ ഫോട്ടോകള്‍ മോര്‍ഫ് ചെയ്ത് വാട്‌സാപ്, ഇന്‍സ്റ്റഗ്രാം ഗ്രൂപ്പുകളിലൂടെ പ്രചരിപ്പിക്കുകയും ചെയ്തതായി പരാതി കിട്ടിയതിനെ തുടര്‍ന്ന് മട്ടാഞ്ചേരി പോലീസ് പോക്‌സോ ആക്ട് പ്രകാരം കേസ്സ് രജിസ്റ്റര്‍ ചെയ്ത് അന്വേഷണം നടത്തി വരികയായിരുന്നു.
തുടര്‍ന്ന് പ്രതിയെക്കുറിച്ച് സൂചന കിട്ടിയതനുസരിച്ച് പ്രത്യോക അന്വേഷണ സംഘം പ്രതിയുടെ സ്വദേശമായ കൊല്ലത്തെത്തി പ്രതിയെ പിടികൂടുകയായിരുന്നു. മട്ടാഞ്ചേരി അസ്സിസ്റ്റന്റ് കമ്മീഷണര്‍ കിരണ്‍ . പി ബി ഐപിഎസി ന്റെ നിര്‍ദ്ദേശാനുസരണം മട്ടാഞ്ചേരി പോലീസ് സ്റ്റേഷ9 ഇന്‌സ്‌പെക്ട4 ഷിബിന്‍ കെ എ യുടെ നേതൃത്വത്തില്‍ എസ്. ഐ. മധുസൂദനന്‍, സീനിയര്‍ സിവില്‍ പോലീസ് ഓഫീസര്‍ എഡ്വിന്‍ റോസ്, സിവില്‍ പോലീസ് ഓഫീസര്‍മാരായ ബേബിലാല്‍, വിനോദ്, ഉമേഷ് ഉദയന്‍, അനീഷ് വിനോദ്, അക്ഷര രാധാകൃഷ്ണന്‍ എന്നിവരാണ് പ്രതിയെ പിടികൂടി അറസ്റ്റ് ചെയ്തത്.
