തിരഞ്ഞെടുപ്പില്‍ വീണ്ടും വിജയം നേടി അഡോള്‍ഫ് ഹിറ്റ്ലര്! നാസി ഏകാധിപതിയുടെ പേരിലുള്ള നമീബിയന്‍ രാഷ്ട്രീയക്കാരന്‍ വന്‍ ഭൂരിപക്ഷത്തോടെ തന്റെ സീറ്റ് നിലനിര്‍ത്തി; അഡോള്‍ഫ് ഹിറ്റ്ലര് ഉനോന വിജയിച്ചത് തദ്ദേശ തിരഞ്ഞെടുപ്പില്‍
തിരഞ്ഞെടുപ്പില്‍ വീണ്ടും വിജയം നേടി അഡോള്‍ഫ് ഹിറ്റ്ലര്!
വിന്‍ഡ്‌ഹോക്ക്: അഡോള്‍ഫ് ഹിറ്റ്‌ലറിന് തിരഞ്ഞെടുപ്പില്‍ വന്‍ വിജയം. ഹിറ്റ്ലര് മരിച്ചിട്ട് പതിറ്റാണ്ടുകള്‍ കഴിഞ്ഞ കാര്യം ചൂണ്ടിക്കാട്ടുന്നവര്‍ ശ്രദ്ധിക്കുക ഇത് ജര്‍മ്മനിയിലെ ഹിറ്റ്ലര് അല്ല നമീബിയയിലെ ഹിറ്റ്ലറാണ്. തദ്ദേശ ഭരണ തെരഞ്ഞെടുപ്പിലാണ് ഇദ്ദേഹം സ്ഥിരമായി മല്‍സരിക്കുന്നത്. ഇത് അഞ്ചാം തവണയാണ് ഹിറ്റ്ലര് തെരഞ്ഞെടുപ്പില്‍ തുടര്‍ച്ചയായി വിജയിക്കുന്നത്. അഡോള്‍ഫ് ഹിറ്റ്ലര് ഉനോന എന്നാണ് ഇദ്ദേഹത്തെിന്റെ മുഴുവന്‍ പേര്.
2020ല്‍ നമീബിയയില്‍ നടന്ന തദ്ദേശ സ്വയംഭരണ തിരഞ്ഞെടുപ്പില്‍ അഡോള്‍ഫ് ഹിറ്റ്ലര് വന്‍ ഭൂരിപക്ഷത്തോടെ വിജയിച്ചു എന്ന വാര്‍ത്ത വൈറലായി മാറിയിരുന്നു. അമ്പത്തി ഒമ്പതുകാരനായ ഹിറ്റ്ലര് ഓംപുണ്ഡ്ജ മേഖലയിലെ ജില്ലാ ഭരണാധികാരി സ്ഥാനത്തേക്കാണ് മത്സരിച്ചത്. 2004 മുതല്‍ ഇദ്ദേഹം അധികാരസ്ഥാനത്താണ്. തന്റെ പിതാവാണ് ഈ പേര് നല്‍കിയത്, എന്നാണ് അദ്ദേഹം പറയുന്നത്. ഈ പേരിന്റെ പ്രാധാന്യത്തെ കുറിച്ച് അറിഞ്ഞു കൊണ്ടു തന്നെയാണോ ഈ പേര് നല്‍കിയതെന്ന് ഹിറ്റ്ലര് പറയുന്നു.
കുട്ടിക്കാലത്ത് താന്‍ തികച്ചും സാധാരണമായ ഒരു പേരായിട്ടാണ് കണ്ടത്. എന്നാല്‍ വളര്‍ന്നപ്പോഴാണ് ഈ മനുഷ്യന്‍ ലോകം മുഴുവന്‍ കീഴടക്കാന്‍ ആഗ്രഹിച്ച വ്യക്തിയാണെന്ന് മനസിലായത.് ഭാര്യ തന്നെ അഡോള്‍ഫ് എന്നാണ് വിളിച്ചിരുന്നതെന്നാണ് ഹിറ്റ്ലര് പറയുന്നത്. സര്‍ക്കാര്‍ ഗസറ്റില്‍ അച്ചടിച്ച സ്ഥാനാര്‍ത്ഥികളുടെ പട്ടികയില്‍ അദ്ദേഹത്തിന്റെ പേര് 'അഡോള്‍ഫ് എച്ച്' എന്നാണ് ചുരുക്കിയാണ് കൊടുത്തിരുന്നത്. എന്നാല്‍ ഈ പേരുളളത് കൊണ്ട്.
തന്റെ നിയോജകമണ്ഡലമായ ഓഷാന കീഴടക്കണമെന്ന് അര്‍ത്ഥമില്ലെന്നാണ് അദ്ദേഹം വിശദീകരിക്കുന്നത്. ലോകാധിപത്യത്തിനായി താന്‍ പരിശ്രമിക്കും എന്നല്ല ഇതിന്റെ അര്‍ത്ഥം എന്നും ഹിറ്റ്ലര് പറയുന്നു. എന്നാല്‍ തന്റെ പുതിയ തിരഞ്ഞെടുപ്പ് വിജയത്തിന് ശേഷം ഔദ്യോഗികമായി പേര് മാറ്റിയതായി അദ്ദേഹം വ്യക്തമാക്കി.
ഇനി മുതല്‍ തന്റെ പേര് അഡോള്‍ഫ് ഹിറ്റ്ലര് അല്ല അഡോള്‍ഫ് ഉനോനയാണ് എന്നാണ് അദ്ദേഹം വെളിപ്പെടുത്തിയത്. 'മുന്‍കാലങ്ങളില്‍ ആളുകള്‍ തന്നെ അഡോള്‍ഫ് ഹിറ്റ്ലര് എന്ന് വിളിക്കുന്നതും തനിക്ക് പരിചയമില്ലാത്ത ഒരാളുമായി ബന്ധപ്പെടുത്താന്‍ ശ്രമിക്കുന്നതും പലപ്പോഴും ശ്രദ്ധിച്ചിരുന്നു. നമീബിയ 1884 മുതല്‍ ഒരു ജര്‍മ്മന്‍ കോളനിയായിരുന്നു. നമീബിയില്‍ ഇപ്പോഴും ജര്‍മ്മന്‍ ഭാഷ സംസാരിക്കുന്ന നിരവധി പേരുണ്ട്. ഇവരില്‍ പലര്‍ക്കും ജര്‍മ്മന്‍ പേരുകളും ഉണ്ട്.
