'തിരിഞ്ഞു കിടക്കുമ്പോൾ ഭർത്താവ് സമ്മതമില്ലാതെ കെട്ടിപ്പിടിച്ചു, മക്കളെ കരുതി നിലവിളിച്ചില്ല'; എതിർത്തിട്ടും ആവർത്തിച്ച് പീഡിപ്പിച്ചു; മുറിയിൽ പൂട്ടിയിട്ടു; ഭക്ഷണം കഴിച്ചിട്ടും ഉറങ്ങിയിട്ടും ദിവസങ്ങളായി; യുവതിക്ക് പൊലീസ് സംരക്ഷണയൊരുക്കാൻ ഉത്തരവിട്ട് കോടതി

സിംഗപ്പൂർ: വിവാഹമോചന നടപടികൾക്കിടെ ഭർത്താവ് ലൈംഗികമായി പീഡിപ്പിച്ചെന്ന പരാതിയിൽ യുവതിക്ക് പൊലീസ് സംരക്ഷണം നൽകാൻ ഉത്തരവിട്ട് സിംഗപ്പൂരിലെ കുടുംബ കോടതി. ലൈംഗിക ബന്ധം ഉഭയസമ്മതപ്രകാരമായിരുന്നുവെന്ന ഭർത്താവിൻ്റെ വാദം കോടതി തള്ളി. 2025 മെയ് 28-നാണ് സംഭവമെന്ന് യുവതി പരാതിയിൽ പറയുന്നു. ഭർത്താവിനാൽ താൻ ലൈംഗിക പീഡനത്തിനിരയാവുകയും മാനസികമായി തകർന്നുപോവുകയും ചെയ്തതായി അവർ കോടതിയെ അറിയിച്ചു.

സംഭവത്തിനുശേഷം ദിവസങ്ങളോളം തനിക്ക് ശരിയായി ഭക്ഷണം കഴിക്കാനോ ഉറങ്ങാനോ കഴിഞ്ഞിട്ടില്ലെന്നും, ഉറങ്ങുന്നതിനായി മദ്യത്തെ ആശ്രയിക്കേണ്ടി വന്നെന്നും യുവതി മൊഴി നൽകി. ഭർത്താവിൻ്റെ നിർദ്ദേശപ്രകാരം കുട്ടികളുടെ മുന്നിൽ മദ്യപിക്കുന്നത് ഒഴിവാക്കാൻ താൻ തയ്യാറായിരുന്നെങ്കിലും, അന്ന് രാത്രി താൻ എതിർത്ത് കിടക്കുമ്പോൾ ഭർത്താവ് ബലമായി കെട്ടിപ്പിടിക്കുകയും ലൈംഗികമായി പീഡിപ്പിക്കുകയുമായിരുന്നുവെന്ന് അവർ വെളിപ്പെടുത്തി.

മക്കളെ ഓർത്ത് താൻ നിലവിളിച്ചില്ലെന്നും, ആവർത്തിച്ച് എതിർത്തിട്ടും ഭർത്താവ് തന്നെ ബലാത്സംഗം ചെയ്യുകയായിരുന്നുവെന്നും യുവതിയുടെ പരാതിയിൽ പറയുന്നു. പരാതിപ്പെട്ടാൽ "ഞാനിത് പൂർത്തിയാക്കും" എന്ന് ഭീഷണിപ്പെടുത്തിയതായും അവർ ആരോപിച്ചു. ഈ സംഭവം തന്നെ വിഷാദത്തിലാഴ്ത്തുകയും, ദിവസങ്ങളോളം മുറിയിൽ ഒതുങ്ങിക്കൂടാൻ ഇടയാക്കുകയും ജോലിക്ക് പോകാൻ കഴിയാതിരിക്കുകയും ചെയ്തെന്ന് യുവതി കോടതിയെ അറിയിച്ചു. ഭർത്താവിൽ നിന്ന് സംരക്ഷണം, വീട്ടിൽ നിന്ന് ഒഴിപ്പിക്കൽ, ചികിത്സാ ചെലവുകൾ എന്നിവയും യുവതി ആവശ്യപ്പെട്ടിട്ടുണ്ട്.

അതേസമയം, 2025 മെയ് 28-ന് ഭാര്യയുമായി ലൈംഗിക ബന്ധത്തിൽ ഏർപ്പെട്ടുവെന്ന കാര്യം ഭർത്താവ് നിഷേധിച്ചില്ല. എന്നാൽ, ഇത് പരസ്പര സമ്മതത്തോടെയായിരുന്നുവെന്ന് അദ്ദേഹം വാദിക്കുകയായിരുന്നു. ഈ സാഹചര്യത്തിലാണ് യുവതിക്ക് അടിയന്തരമായി പൊലീസ് സംരക്ഷണം നൽകാൻ കുടുംബ കോടതി ഉത്തരവിട്ടത്.