ഇന്ത്യയിലെ ഏറ്റവും പ്രായം കുറഞ്ഞ കുഞ്ഞ് കോടീശ്വരന്‍; ഒന്നേകാല്‍ വയസ്സുള്ള ഏകാഗ്ര രോഹന്‍ മൂര്‍ത്തി; സ്വന്തമായി ഉള്ളത് 15 ലക്ഷം ഓഹരികള്‍; ഇന്ത്യയുടെ രണ്ടാമത്തെ വലിയ ഐടി കമ്പിനിയുടെ ഏറ്റവും പ്രായം കുറഞ്ഞ ഓഹരി ഉടമ; ലാഭവിഹിതം കേട്ടല്‍ ഞെട്ടും
ബെംഗളൂരു: ഇന്ത്യയുടെ ഏറ്റവും ചെറുപ്പം കൊണ്ടുള്ള കോടീശ്വരന്മാരില്‍ മുന്‍പന്തിയില്‍ എത്തിയിരിക്കുകയാണ് ഏകാഗ്ര രോഹന്‍ മൂര്‍ത്തി പ്രായം വെറും ഒന്നര വയസ്സ് മാത്രമെങ്കിലും സമ്പന്നതയിലും പ്രാധാന്യത്തിലും ഏറെ ശ്രദ്ധിക്കപ്പെടുന്ന ഒറ്റനാമം. ഐടി ഭീമനായ ഇന്‍ഫോസിസ് സ്ഥാപകരില്‍ ഒരാളായ എന്‍.ആര്‍. നാരായണ മൂര്‍ത്തിയുടെ കൊച്ചുമകനായ ഏകാഗ്ര, രോഹന്‍ മൂര്‍ത്തിയുടെയും അപര്‍ണ കൃഷ്ണന്റെയും പുത്രനാണ്. വളരെ ചെറുപ്പത്തിലേ ഇവന്റെ പേരില്‍ വിഹിതങ്ങള്‍ സ്വത്ത് കൈമാറലുകള്‍ നടന്നിരിക്കാമെന്ന റിപ്പോര്‍ട്ടുകളാണ് ഇതിനു പിന്നില്‍. മൗലികമായി എത്രയെങ്കിലും വ്യക്തമായ ധനം കൈവശമുണ്ടെന്നത് തന്നെ കുട്ടിയെ ഇന്ത്യയുടെ അഭിമാനകരമായ കോടീശ്വര പട്ടികയില്‍ ഉള്‍പ്പെടുത്തുന്നു.
ഏകാഗ്രയ്ക്ക് നാല് മാസം പ്രായമുള്ളപ്പോള്‍ 240 കോടി രൂപ വിലമതിക്കുന്ന 15 ലക്ഷം ഓഹരികള്‍ നാരായണ മൂര്‍ത്തി സമ്മാനിച്ചത് വലിയ വാര്‍ത്തയായിരുന്നു. ഇന്‍ഫോസിസിന്റെ 0.04 ശതമാനം ഓഹരിയാണിത്. ഇതോടെ ഇന്ത്യയിലെ രണ്ടാമത്തെ വലിയ ഐടി കമ്പനിയുടെ ഏറ്റവും പ്രായം കുറഞ്ഞ ഓഹരി ഉടമയായി ഏകാഗ്ര മാറുകയായിരുന്നു. ഇതിനകം മൂന്ന് തവണയാണ് ഏകാഗ്രയ്ക്ക് ലാഭവിഹിതം ലഭിച്ചത്.
മാര്‍ച്ചില്‍ അവസാനിച്ച സാമ്പത്തിക വര്‍ഷത്തില്‍ ഇന്‍ഫോസിസില്‍ നിന്ന് ആകെ 10.65 കോടി രൂപയാണ് ലാഭവിഹിതമായി ഏകാഗ്രയ്ക്ക് ലഭിച്ചത്. തന്റെ പേരിലുള്ള ഓഹരികളിലെ ഡിവിഡന്റുകളില്‍ നിന്നാണ് ഏകാഗ്ര രോഹന്‍ മൂര്‍ത്തി ഇത്രയും പണം നേടിയത്. കഴിഞ്ഞ വ്യാഴാഴ്ച ഇന്‍ഫോസിസ് ഒരു ഓഹരിക്ക് 22 രൂപയാണ് ലാഭവിഹിതമായി പ്രഖ്യാപിച്ചത്. ഇതിന്റെ അടിസ്ഥാനത്തില്‍ ഏകാഗ്രയ്ക്ക് ഏറ്റവും ഒടുവിലായി 3.3 കോടി രൂപ ലഭിക്കും. ഈ വര്‍ഷം ആദ്യം ഇടക്കാല ലാഭവിഹിതത്തിലൂടെ ഏകാഗ്ര 7.35 കോടി രൂപ നേടിയിരുന്നു. അങ്ങനെയാണ് കഴിഞ്ഞ സാമ്പത്തിക വര്‍ഷത്തില്‍ മൊത്തത്തില്‍ ലാഭവിഹിതമായി 10.65 കോടി രൂപ ലഭിച്ചത്.
നാരായണ മൂര്‍ത്തിയുടെ ആദ്യത്തെ രണ്ട് പേരക്കുട്ടികള്‍ അക്ഷതാ മൂര്‍ത്തിയുടെയും യുകെ മുന്‍ പ്രധാനമന്ത്രി ഋഷി സുനക്കിന്റെയും പെണ്‍മക്കളാണ്. കൃഷ്ണയും അനുഷ്‌കയും. നാരായണമൂര്‍ത്തിയുടെ കുടുംബാംഗങ്ങളില്‍ ഓരോരുത്തര്‍ക്കും ഇന്‍ഫോസിസില്‍ ഓഹരികളുണ്ട്. അക്ഷതയ്ക്കും കമ്പനിയില്‍ 3.89 ലക്ഷം ഓഹരികളുണ്ട്. ലാഭവിഹിത പ്രഖ്യാപനത്തിലൂടെ 85.71 കോടി രൂപ അക്ഷതയ്ക്കു ലഭിക്കും. ലാഭവിഹിതത്തില്‍ നിന്ന് നാരായണ മൂര്‍ത്തിക്ക് 33.3 കോടി രൂപയും ഭാര്യ സുധ മൂര്‍ത്തിക്ക് 76 കോടി രൂപയും ലഭിക്കും.
1981 ല്‍ 10,000 രൂപയുടെ ചെറിയ നിക്ഷേപത്തില്‍ ആരംഭിച്ച ഇന്‍ഫോസിസ്, പിന്നീട് ഇന്ത്യയിലെ ഏറ്റവും വലിയ കമ്പനികളില്‍ ഒന്നായി വളര്‍ന്നു. കമ്പനിയുടെ വളര്‍ച്ചയില്‍ ആദ്യ കാലത്ത് സുധാ മൂര്‍ത്തി വഹിച്ച പങ്കും വളരെ വലുതാണ്. ഇന്‍ഫോസിസ് ഫൗണ്ടേഷനെ 25 വര്‍ഷത്തിലേറെ നയിച്ച ശേഷം 2021 ഡിസംബറില്‍ സുധാ മൂര്‍ത്തി ആ സ്ഥാനത്തുനിന്നും വിരമിച്ചു. 2024 മാര്‍ച്ചില്‍ അവര്‍ രാജ്യസഭാംഗവുമായി.
