കൊച്ചി: ക്രൂഡ് ഓയിൽ മോഷണം, സമുദ്രാതിർത്തി ലംഘനം തുടങ്ങിയ കുറ്റങ്ങൾ ചുമത്തി നൈജീരിയയിൽ തടവിൽ അടയ്ക്കപ്പെട്ട കപ്പൽ ജീവനക്കാരുടെ മോചനം നീളുന്നു. വിസ്മയയുടെ സഹോദരൻ വിജിത്ത് അടക്കമുള്ള ജീവനക്കാരുടെ മോചനമാണ് നീളുന്നത്. ഹീറോയിക് ഇഡൂൺ എന്ന ടാങ്കറിന്റെ ജീവനക്കാരെ മോചിപ്പിക്കുന്നതിനുള്ള അപേക്ഷ കരാർ ഒപ്പിട്ടതായി സ്ഥിരീകരിച്ച് നൈജീരിയൻ നാവികസേന ഒരു പ്രസ്താവന പുറപ്പെടുവിച്ചു, അതേസമയം ക്രൂവിനെ വിട്ടയച്ചുവെന്ന മാധ്യമ റിപ്പോർട്ടുകളും നിഷേധിച്ചു. കൂടാതെ കുറച്ചു വ്യവസ്ഥകൾ കൂടിയും നാവികസേന മുന്നോട്ടു വെച്ചിട്ടുണ്ട്.

മോചനത്തിന് മുൻകൂർ വ്യവസ്ഥകളുണ്ടെന്ന് നാവികസേന ഊന്നിപ്പറയുന്നു. കപ്പൽ മാപ്പ് എഴുതി നൽകി അന്താരാഷ്ട മാധ്യമങ്ങളിൽ പ്രസിദ്ധീകരിക്കണമെന്നാണ് വ്യവസ്ഥ. 1734 മുതൽ പ്രസിദ്ധീകരിക്കുന്ന കപ്പൽ വാർത്ത ഉൾക്കൊള്ളുന്ന മാധ്യമത്തിൽ മാപ്പ് പ്രസിദ്ധീകരിക്കണമെന്നുമാണ് വ്യവസ്ഥ ചെയ്യുന്നത്. ഇത് നടപ്പിൽ വരുത്തിയ ശേഷം മാത്രമായിരിക്കും മോചിപ്പിക്കുക എന്നതാണ് നൈജീരിയൻ നേവിയുടെ നിലപാട്. ഇതോടെ വിജിത്ത് അടക്കമുള്ളവരുടെ മോചനം ഇനിയും നീളാനാണ് സാധ്യത.

തർക്കം പരിഹരിക്കുന്നതിനായി മാർഷൽ ദ്വീപുകൾ ടാങ്കറിന്റെ പതാക സംസ്ഥാനമായി വീണ്ടും ഇന്റർനാഷണൽ ട്രിബ്യൂണൽ ഫോർ ലോ ഓഫ് ദ സീയുടെ സഹായം തേടിയതായും റിപ്പോർട്ടുകളുണ്ട്. നൈജീരിയയുടെ താൽപ്പര്യം സംരക്ഷിച്ചു കൊണ്ടാകും നടപടിയെന്നാണ് നേവി വ്യക്തമാക്കുന്നത്. ഇക്കാര്യം, പോർട്ട് ഹാർകോർട്ടിലെ ഫെഡറൽ ഹൈക്കോടതിയിൽ നടന്ന വിചാരണയിൽ വ്യക്തമാക്കി. കപ്പൽ വിട്ടയച്ചതിനെക്കുറിച്ചുള്ള ഓൺലൈൻ റിപ്പോർട്ടുകളും കഥകളും അങ്ങനെ തെറ്റായതും വികൃതവും തെറ്റിദ്ധരിപ്പിക്കുന്നതുമാണെന്നും നേവി വക്താവ് വ്യക്തമാക്കിത്.

2022 ഓഗസ്റ്റ് 7-ന് നൈജീരിയയിൽ പ്രവേശിച്ചുവെന്നും യാതൊരുവിധ അനുമതിയോ അനുമതിയോ ഇല്ലാതെ അക്പോ ഫീൽഡിലേക്ക് പോകുകയും ചെയ്തുവെന്ന അവകാശവാദം അദ്ദേഹം നൈജീരിയ നാവികസേന ആവർത്തിക്കുന്നുണ്ട്. ജീവനക്കാർ കുറ്റക്കാരല്ലെന്നു നൈജീരിയൻ കോടതി പറയുന്നതെങ്കിലും കപ്പൽ അധികാരികൾ മാപ്പു പറയണമെന്ന പക്ഷത്താണ്. 8 മാസമായി കപ്പലും ജീവനക്കാരും നൈജീരിയയുടെ കസ്റ്റഡിയിലാണ്. കഴിഞ്ഞ ഓഗസ്റ്റിൽ പടിഞ്ഞാറൻ ആഫ്രിക്കൻ രാജ്യമായ ഇക്വിറ്റോറിയൽ ഗിനിയിൽ തടഞ്ഞു വയ്ക്കപ്പെട്ട കപ്പൽ നവംബറിലാണു നൈജീരിയയ്ക്കു കൈമാറിയത്. കൊച്ചി സ്വദേശികളായ ചീഫ് ഓഫിസർ ക്യാപ്റ്റൻ സനു ജോസ്, മിൽട്ടൻ ഡിക്കോത്ത്, കൊല്ലം സ്വദേശി വി.വിജിത് എന്നിവരാണു കപ്പലിലുള്ളത്.

ഓഗസ്റ്റ് 8 നു നൈജീരിയൻ എക്‌സ്‌ക്ലൂസീവ് ഇക്കണോമിക് സോണിലെ അക്‌പോ ഓഫ്‌ഷോർ ടെർമിനലിൽ ക്രൂഡ് ഓയിൽ നിറയ്ക്കാനെത്തിയ ഹീറോയിക് ഇഡുൻ അപ്രതീക്ഷിത സംഭവങ്ങൾക്ക് ഇരയാകുകയായിരുന്നു. ക്രൂഡ് ഓയിൽ നിറയ്ക്കാനുള്ള സാങ്കേതിക അനുമതി ലഭിക്കാത്തതിനാൽ സോൺ വിട്ടു പുറത്തുപോകാൻ നിർദ്ദേശം ലഭിച്ച കപ്പലിനെ രാത്രി അജ്ഞാത കപ്പൽ സമീപിച്ചു.

നൈജീരിയൻ നാവിക സേനയാണെന്നും കപ്പൽ പരിശോധിക്കണമെന്നും ആവശ്യപ്പെട്ടു. എന്നാൽ, തിരിച്ചറിയുന്നതിന് ആവശ്യമായ ഓട്ടമാറ്റിക് ഐഡന്റിഫിക്കേഷൻ സിസ്റ്റംസ് പ്രവർത്തിപ്പിക്കാതെയാണു കപ്പൽ എത്തിയത് എന്നതിനാൽ കടൽക്കൊള്ളക്കാരാണെന്നു ഭയന്നു ഹീറോയിക് ഇഡുൻ ജീവനക്കാർ കപ്പലുമായി അവിടെ നിന്നു നീങ്ങുകയും അപായ മുന്നറിയിപ്പു നൽകുകയും ചെയ്തു. നൈജീരിയൻ കപ്പൽ പിന്തുടർന്നെങ്കിലും പിൻവാങ്ങി. എന്നാൽ, ഓഗസ്റ്റ് 14 ന് ഗിനി നാവികസേന ഹീറോയിക് ഇഡുൻ തടഞ്ഞു കസ്റ്റഡിയിലെടുത്തു. പിന്നീട്, നൈജീരിയയ്ക്കു കൈമാറിയ കപ്പൽ ജീവനക്കാരെ ക്രൂഡ് ഓയിൽ മോഷണക്കുറ്റം ആരോപിച്ചാണു തടവിലാക്കിയത്.

കപ്പൽ ജീവനക്കാരുടെ മോചനത്തിനു ശക്തമായ രാജ്യാന്തര സമ്മർദമാണു നൈജീരിയയ്ക്കു നേരിടേണ്ടിവന്നത്. വിവിധ രാജ്യക്കാരായ 26 ജീവനക്കാരിൽ 16 േപരും ഇന്ത്യക്കാരായതിനാൽ കേന്ദ്ര സർക്കാരും സജീവ ഇടപെടൽ നടത്തി. നൈജീരിയയിലെ പോർട്ട് ഹാർകോർട്ട് കോടതിയിലാണു കേസിന്റെ വാദം നടന്നത്. കപ്പൽ ഉടമകളായ റേ കാരിയർ കാരിയേഴ്‌സും ഓപ്പറേറ്റർമാരായ ഒഎസ്എം ഷിപ്പ് മാനേജ്‌മെന്റ് ആൻഡ് ചാർട്ടർ ബിപിയും തുടക്കം മുതൽ ഗിനിയുടെയും നൈജീരിയയുടെയും നടപടികൾക്കെതിരെ രംഗത്തുണ്ടായിരുന്നു.

മറുനാടന്‍ ഡെസ്‌ക്‌

    മറുനാടന്‍ ഡെസ്‌ക്‌