അതിജീവിത ശക്തമായി നിലകൊണ്ടില്ലായിരുന്നെങ്കില് മഞ്ജു വാര്യര് പോലും വലിയ ദുരിതം അനുഭവിച്ചേനേ! ആ ഒറ്റ പോസ്റ്റില് തീര്ന്നോ താരരാജാവിന്റെ ധാര്മികത; അതിജീവിതയ്ക്കു വേണ്ടി പ്രാര്ത്ഥിച്ച നാവുകൊണ്ട് ദിലീപിന്റെ സിനിമയെ പിന്തുണച്ചത് എന്തിന്? ലാലിനെ 'വിവേകമില്ലാത്തവന്' ആക്കുന്നത് ഭഭബ! ഭാഗ്യലക്ഷ്മിയ്ക്ക് ആരും മറുപടി നല്കില്ല
തിരുവനന്തപുരം: മലയാള സിനിമയുടെ താരരാജാവായ മോഹന്ലാലിന് നേരെ വിമര്ശനം. അതിജീവിതയ്ക്കുവേണ്ടി നിലകൊള്ളുന്ന മലയാള സിനിമയിലെ ശക്തയായ ശബ്ദമായ ഭാഗ്യലക്ഷ്മി നേരിട്ടാണ് ഇതിന് പിന്നില്. സംസ്ഥാന ചലച്ചിത്രമേളയുടെ (ഐഎഫ്എഫ്കെ) വേദിയില് വെച്ച് മോഹന്ലാലിനെ ഭാഗ്യലക്ഷ്മി 'വിവേകമില്ലാത്തവന്' എന്ന് വിളിച്ചത് ഞെട്ടലോടെയാണ് സിനിമാ ലോകം കേട്ടത്. കഴിഞ്ഞ ദിവസം നടത്തിയ പ്രതികരണത്തില് സിനിമാ ലോകത്തില് ചര്ച്ച സജീവമാണ്. തല്കാലം ആരും ഇതിനോട് പ്രതികരിക്കില്ല.
നടി ആക്രമിക്കപ്പെട്ട കേസില് ദിലീപിനെ കോടതി വെറുതെ വിട്ടതിന് പിന്നാലെ, ദിലീപിന്റെ പുതിയ സിനിമയായ 'ഭയം ഭക്തി ബഹുമാനം' (ഭ ഭ ബ) എന്ന ചിത്രത്തിന്റെ പോസ്റ്റര് മോഹന്ലാല് പങ്കുവെച്ചതായിരുന്നു ഈ വലിയ വിവാദത്തിന് കാരണം. വിധി വന്ന ഉടന് തന്നെ ദിലീപിന്റെ സിനിമയെ പിന്തുണച്ച മോഹന്ലാലിന്റെ നടപടി 'ശരിയല്ലാത്തതും' 'ആലോചനയില്ലാത്തതും' ആണെന്ന് ഭാഗ്യലക്ഷ്മി തുറന്നടിച്ചു. 'അതിജീവിതയ്ക്കുവേണ്ടി താന് പ്രാര്ത്ഥിക്കുന്നു' എന്ന് ആവര്ത്തിച്ച് പറഞ്ഞിട്ടുള്ള മോഹന്ലാല്, ഈ പോസ്റ്റര് പങ്കുവെക്കുന്നതിന് മുന്പ് ഒരു നിമിഷം പോലും ആലോചിച്ചില്ലേ എന്നും അവര് ചോദിച്ചു.
ആ ഒറ്റ പോസ്റ്റില് തീര്ന്നോ താരരാജാവിന്റെ ധാര്മികത. അതിജീവിതയ്ക്കുവേണ്ടി പ്രാര്ത്ഥിച്ച അതേ നാവുകൊണ്ട് ദിലീപിന്റെ സിനിമയെ പിന്തുണച്ചത് എന്തിനായിരുന്നു എന്നാണ് ഭാഗ്യലക്ഷ്മിയുടെ ചോദ്യം. ഈ വിഷയത്തില് മറുപടി പറയാന് മോഹന്ലാല് വരുമോ അതോ പതിവ് പോലെ മൗനം പാലിക്കുമോ എന്നറിയാതെ ആകാംഷയോടെ കാത്തിരിക്കുകയാണ് ആരാധകരും സിനിമാ പ്രേമികളും.
ഇത്രയും സ്വാധീനമുള്ള ഒരു വ്യക്തി ഇങ്ങനെയൊരു പ്രവര്ത്തി ചെയ്യുമ്പോള്, അതിജീവിതകള്ക്ക് അദ്ദേഹം നല്കുന്ന സന്ദേശം എന്താണ് എന്നും ഭാഗ്യലക്ഷ്മി ചോദ്യമുയര്ത്തി. ഇതൊരു സിനിമയുടെ മാത്രം വിഷയമല്ല, മറിച്ച് ധാര്മികതയുടെയും പൊതുസമൂഹത്തില് നമ്മള് എന്തിനെ പിന്തുണയ്ക്കുന്നു എന്നതിന്റെയും വിഷയമാണ് എന്നും അവര് ഉറപ്പിച്ചു പറഞ്ഞു. വിധിക്ക് ശേഷം ദിലീപ് നടത്തിയ പ്രതികരണങ്ങളെയും ഭാഗ്യലക്ഷ്മി രൂക്ഷമായ ഭാഷയില് വിമര്ശിച്ചു. കോടതി വിധി വന്നപ്പോള് ദിലീപ് ആഹ്ളാദിക്കുകയും അന്വേഷണത്തെ പിന്തുണച്ച മുന് ഭാര്യ മഞ്ജു വാര്യരെ ആക്രമിക്കുകയും ചെയ്തതായി അവര് ആരോപിച്ചു.
അതിജീവിത ശക്തമായി നിലകൊണ്ടില്ലായിരുന്നെങ്കില് മഞ്ജു വാര്യര് പോലും വലിയ ദുരിതം അനുഭവിച്ചേനേ എന്നും ഭാഗ്യലക്ഷ്മി കൂട്ടിച്ചേര്ത്തു. ആക്രമിക്കപ്പെട്ട സമയത്തേക്കാള് കൂടുതല് അപമാനം അതിജീവിതയ്ക്ക് കോടതി മുറിയില് നേരിടേണ്ടി വന്നു എന്നും, എങ്കിലും അവര് ശക്തമായി നിലനിന്നു എന്നും ഭാഗ്യലക്ഷ്മി വികാരപരമായി ഓര്ത്തെടുത്തു. ദിലീപിനെ തിരിച്ചെടുക്കാനുള്ള ഫെഫ്കയുടെ തീരുമാനത്തില് പ്രതിഷേധിച്ച് ഭാഗ്യലക്ഷ്മി സംഘടനയില് നിന്ന് രാജിവെച്ചിരുന്നു.
ഇരട്ടത്താപ്പ് കാണിക്കുന്ന സിനിമാ സംഘടനകള്ക്കെതിരെ ശക്തമായ പോരാട്ടം തുടരുമെന്നും അവര് മുന്നറിയിപ്പ് നല്കി. അതിജീവിതയ്ക്ക് നീതി ലഭിക്കാനായി സര്ക്കാര് മേല്ക്കോടതിയെ സമീപിക്കുമെന്നും പ്രഖ്യാപിച്ചിട്ടുണ്ട്.
