ഗാൽവൻ താഴ്‌വരയിലെ ഏറ്റുമുട്ടലിനു പിന്നാലെ കിഴക്കൻ ലഡാക്കിലെ നിയന്ത്രണ രേഖയിൽ വൻ സേനാവിന്യാസം; ചുരുങ്ങിയ സമയത്തിനുള്ളിൽ 68000-ത്തോളം സൈനികരെയും ആയുധ സാമഗ്രികളും എയർലിഫ്റ്റ് ചെയ്തു; നീക്കങ്ങൾ ഒരു പ്രത്യേക ഓപ്പറേഷന് വേണ്ടി; ചൈന അന്ന് വിരണ്ടോടി; ഗാൽവനിൽ ഇന്ത്യ മുൻതൂക്കം നേടിയത് ഇങ്ങനെ
ന്യൂഡൽഹി: മൂന്ന് വർഷം മുമ്പ് ഗൽവാൻ താഴ്‌വരയിൽ ഉണ്ടായ ഇന്ത്യ-ചൈന സൈനിക ഏറ്റുമുട്ടലിന് പിന്നാലെ നിയന്ത്രണ രേഖയിൽ ഇന്ത്യ നടത്തിയത് വലിയ മുന്നൊരുക്കങ്ങൾ. 68,000 സൈനികർ, 90 ടാങ്കുകൾ, 330 ബിഎംപി ഇൻഫൻട്രി ഫൈറ്റിങ് വാഹനങ്ങൾ, റഡാർ സംവിധാനങ്ങൾ, പീരങ്കി തോക്കുകൾ അടക്കമുള്ളവ ചുരുങ്ങിയ സമയത്തിനുള്ളിൽ കിഴക്കൻ ലഡാക്കിലേക്ക് എയർലിഫ്റ്റ് ചെയ്ത് എത്തിച്ചു. ഒരു പ്രത്യേക ഓപ്പറേഷനുകൾ നടത്തിയാണ് ആയുധങ്ങളും സൈനികരെയും സംഘർഷബാധിത പ്രദേശത്തേക്ക് എത്തിച്ചത്. പ്രതിരോധ മേഖലയുമായി ബന്ധപ്പെട്ട ഉന്നത വൃത്തങ്ങളാണ് ഇക്കാര്യം അറിയിച്ചത്.
2020 മെയ്‌ മാസത്തിൽ ഗാൽവൻ താഴ്‌വരയിലുണ്ടായ ഏറ്റുമുട്ടലിന് പിന്നാലെയാണ് കിഴക്കൻ ലഡാക്കിലെ നിയന്ത്രണ രേഖയിൽ (എൽഎസി) ഇന്ത്യ വൻ സേനാവിന്യാസം നടത്തിയത്. സംഘർഷത്തിന് പിന്നാലെ രാജ്യത്തിന്റെ വിവിധ ഭാഗങ്ങളിൽ നിന്നായി 68000-ത്തോളം സൈനികരെയും മറ്റ് ആയുധ സാമഗ്രികളും വ്യോമസേനയുടെ സഹായത്തോടെ കിഴക്കൻ ലഡാക്കിലേക്ക് എയർലിഫ്റ്റ് ചെയ്തതിരുന്നതായി സൈനിക വൃത്തങ്ങളെ ഉദ്ധരിച്ച് വാർത്താ ഏജൻസികൾ റിപ്പോർട്ട് ചെയ്തു.
68,000 സൈനികർ, 90-ലധികം ടാങ്കുകൾ, ഏകദേശം 330 ബിഎംപി ഇൻഫൻട്രി കോംബാറ്റ് വാഹനങ്ങൾ, റഡാർ സംവിധാനങ്ങൾ, പീരങ്കികൾ എന്നിവയടങ്ങിയ കരസേനയുടെ ഒന്നിലധികം ഡിവിഷനുകളെ വ്യോമസേന എയർലിഫ്റ്റ് ചെയ്തതായാണ് വെളിപ്പെടുത്തൽ. നിയന്ത്രണ രേഖയിലെ ജനവാസയോഗ്യമല്ലാത്ത വിവിധ പ്രദേശങ്ങളിൽ വേഗത്തിൽ സേനയെ വിന്യസിക്കുന്നതിനായി വളരെ ചുരുങ്ങിയ സമയത്തിനുള്ളിലാണ് എയർലിഫ്റ്റ് നടപടികൾ പൂർത്തിയാക്കിയത്. ഒരു പ്രത്യേക ഓപ്പറേഷന് വേണ്ടിയായിരുന്നു എയർലിഫ്റ്റ് എന്നാണ് സൂചനകൾ.
ചൈനയിൽ നിന്നുമുണ്ടായേക്കാവുന്ന നീക്കങ്ങൾ കണക്കിലെടുത്ത് നിരവധി യുദ്ധവിമാനങ്ങളും പ്രദേശത്ത് വിന്യസിച്ചിരുന്നു. പട്രോളിങ്ങിനായി റഫാൽ, മിഗ് -29 എന്നീ വിമാനങ്ങളായിരുന്നു ഉപയോഗിച്ചിരുന്നത്. കൂടാതെ, സുഖോയ് സു-30 എംകെഐ, ജാഗ്വാർ യുദ്ധവിമാനങ്ങളും ചൈനീസ് സൈനികരുടെ സ്ഥാനവും നീക്കങ്ങളും നിരീക്ഷിക്കുന്നതിനായി പ്രദേശത്തുണ്ടായിരുന്നു. ഇവയുടെ നിരീക്ഷണ പരിധി ഏകദേശം 50 കിലോമീറ്ററുകളോളം വരുമെന്നാണ് റിപ്പോർട്ട്.
സി-17 ഗ്ലോബ്മാസ്റ്റർ വിമാനങ്ങളടക്കം 9000 ടണ്ണോളം ഭാരമടങ്ങുന്ന സാമഗ്രികളാണ് വ്യോമസേന എയർലിഫ്റ്റ് ചെയ്തത്. ചുരുങ്ങിയ സമയത്തിനുള്ളിൽ പ്രദേശത്ത് നിരീക്ഷണത്തിനാവശ്യമായ എല്ലാ സംവിധാനവും ഒരുക്കുന്നതിൽ വ്യോമസേന വഹിച്ച് പങ്കാണ് പുറത്തുവന്നിരിക്കുന്നത്. ഏറെ പ്രതികൂലമായ സാഹചര്യങ്ങളിൽ നിന്നുകൊണ്ടായിരുന്നു വ്യോമസേന തങ്ങളുടെ ലക്ഷ്യം പൂർത്തീകരിച്ചത്.ആയുധങ്ങൾ ഒരിടത്ത് നിന്ന് മറ്റൊരിടത്തേക്ക് മാറ്റാൻ വ്യോമസേനയ്ക്ക് ഇപ്പോൾ നിരവധി മാർഗങ്ങളുണ്ട്.ചിനൂക്ക് ഹെലികോപ്റ്ററുകളിൽ ആയുധങ്ങൾ വേഗത്തിൽ എത്തിക്കാൻ കഴിയും.
ഗാൽവൻ താഴ്‌വരയിലുണ്ടായ ഏറ്റുമുട്ടൽ ഇരുരാജ്യങ്ങൾ തമ്മിലുള്ള ബന്ധത്തെ ഏറെ ബാധിച്ചിരുന്നു. 2020 ജൂണിലുണ്ടായ സംഘർഷത്തിൽ 20 ഇന്ത്യൻ സൈനികർ വീരമൃത്യു വരിക്കുകയും ചെയ്തിരുന്നു. തുടർന്ന് നിരവധി നയതന്ത്ര, സൈനിക ചർച്ചകൾക്കാണ് രാജ്യം സാക്ഷിയായത്.
സംഘർഷം നടന്ന രാത്രി 38 ചൈനീസ് സൈനികർ മുങ്ങിമരിച്ചതായി ചൈനീസ് സോഷ്യൽ മീഡിയ പ്ലാറ്റ്‌ഫോമായ വെയ്‌ബോയെ ഉദ്ധരിച്ച് ഓസ്‌ട്രേലിയയിലെ 'ദി ക്ലാക്‌സൺ' എന്ന പത്രം റിപ്പോർട്ട് ചെയ്തു. 4 സൈനികരുടെ മരണം മാത്രമാണ് ചൈന അംഗീകരിച്ചത്. അന്ന് രാത്രി യഥാർത്ഥത്തിൽ എന്താണ് സംഭവിച്ചതെന്നും എന്താണ് സംഘർഷത്തിലേക്ക് നയിച്ചതെന്നും റിപ്പോർട്ടിൽ പറയുന്നു. ഇതിനെക്കുറിച്ചുള്ള പല വസ്തുതകളും ബീജിങ് മറച്ചുവച്ചിരിക്കുകയാണ്.
കിഴക്കൻ ലഡാക്കിലെ കുയി പ്രദേശങ്ങളിൽ കഴിഞ്ഞ മൂന്ന് വർഷമായി ഇന്ത്യയുടെയും ചൈനയുടെയും സൈനികർ തർക്കത്തിലാണ്.അതേസമയം, നയതന്ത്ര, സൈനിക തല ചർച്ചകൾക്ക് ശേഷം ഇരുപക്ഷവും പല മേഖലകളിൽ നിന്നും സൈന്യത്തെ പിൻവലിക്കാനുള്ള നടപടികൾ പൂർത്തിയാക്കി.ഈ സമയത്തും ഏകദേശം 50,000 മുതൽ 60,000 വരെ സൈനികരെ ഇന്ത്യയിൽ നിന്നും ചൈനയിൽ നിന്നും നിയന്ത്രണ രേഖയിൽ വിന്യസിച്ചിട്ടുണ്ട്.
ഇന്ത്യൻ എയർഫോഴ്സിന്റെ C-130J, സൂപ്പർ ഹെർക്കുലീസ്, C-17 ഗ്ലോബ്മാസ്റ്റർ വിമാനങ്ങൾ അതിർത്തിയിൽ വിന്യസിച്ചിരുന്നു.ഇവയുടെ ഭാരം ഏകദേശം 9 ആയിരം ടൺ ആണ്. റാഫേൽ, മിഗ് -29 വിമാനങ്ങൾ ഉൾപ്പെടെ നിരവധി യുദ്ധവിമാനങ്ങളും ഏറ്റുമുട്ടലിന് ശേഷം പട്രോളിംഗിനായി വിന്യസിക്കപ്പെട്ടു.വെടിക്കോപ്പുകളും മറ്റ് സൈനിക ഉപകരണങ്ങളും ഹിൽ സ്റ്റേഷനുകളിലേക്ക് എത്തിക്കാൻ ഇന്ത്യൻ വ്യോമസേന നിരവധി ഹെലികോപ്റ്ററുകളും വിന്യസിച്ചിരുന്നു.
വിന്യസിച്ചിരിക്കുന്ന Su-30 MKI, ജാഗ്വാർ യുദ്ധവിമാനങ്ങളുടെ നിരീക്ഷണ പരിധി 50 കിലോമീറ്ററായിരുന്നു.ഇവയിലൂടെ ചൈനീസ് സൈനികരുടെ സ്ഥാനവും പ്രവർത്തനങ്ങളും സൂക്ഷ്മമായി നിരീക്ഷിക്കാൻ കഴിയുമെന്ന് ഉറപ്പായി.നിരവധി റഡാറുകൾ സ്ഥാപിച്ച് ഇന്ത്യൻ വ്യോമസേന ഒരുക്കങ്ങൾ അതിവേഗം വർധിപ്പിച്ചിരുന്നു.
ഓപ്പറേഷൻ പരാക്രമിന് ശേഷം ഇത് രണ്ടാം തവണയാണ് ഇന്ത്യൻ വ്യോമസേനയുടെ എയർലിഫ്റ്റ് ശേഷി ഉയർത്തിയതിനെക്കുറിച്ച് അറിയുന്നത്.നേരത്തെ 2001 ഡിസംബറിൽ പാർലമെന്റിന് നേരെയുണ്ടായ ഭീകരാക്രമണത്തിന് ശേഷമായിരുന്നു 'ഓപ്പറേഷൻ പരാക്രം'. അതിന് കീഴിൽ നിയന്ത്രണ രേഖയിൽ ധാരാളം സൈനികരെ അണിനിരത്തിയിരുന്നു.ഇത്തവണ കിഴക്കൻ ലഡാക്കിലെ സംഘർഷാവസ്ഥയ്ക്ക് ശേഷം, ഏകദേശം 3,500 കിലോമീറ്ററോളം അടിസ്ഥാന സൗകര്യ വികസനത്തിന് സർക്കാർ ഊന്നൽ നൽകിയിട്ടുണ്ട്.
കിഴക്കൻ ലഡാക്കിലെ ന്യോമ അഡ്വാൻസ്ഡ് ലാൻഡിങ് ഗ്രൗണ്ടിൽ (എഎൽജി) എല്ലാത്തരം സൈനിക വിമാനങ്ങൾക്കുമായി മൊത്തത്തിലുള്ള അടിസ്ഥാന സൗകര്യങ്ങൾ വർധിപ്പിക്കുന്നതിനുള്ള പ്രവർത്തനങ്ങൾ പ്രതിരോധ മന്ത്രാലയം ആരംഭിച്ചു.ഗൽവാൻ ഏറ്റുമുട്ടലിനുശേഷം, പോരാട്ട ശേഷി വർധിപ്പിക്കാൻ സൈന്യവും നിരവധി നടപടികൾ സ്വീകരിച്ചിട്ടുണ്ട്.അരുണാചൽ പ്രദേശിലെ നിയന്ത്രണ രേഖയ്ക്ക് സമീപമുള്ള പർവതപ്രദേശങ്ങളിൽ എളുപ്പത്തിൽ കൊണ്ടുപോകാവുന്ന M-777 അൾട്രാ ലൈറ്റ് ഹോവിറ്റ്‌സറുകൾ ഇതിനകം തന്നെ വിന്യസിച്ചു കഴിഞ്ഞു.
