തലശ്ശേരി: തലശ്ശേരിയിൽ ബോട്ട് കടലിൽ കുടുങ്ങി അപകടത്തിൽ പെട്ടവരെ രക്ഷപ്പെടുത്തി. കാഞ്ഞങ്ങാട് നിന്നും താനൂരിലേക്ക് പോകുന്ന ബോട്ടാണ് കടലിൽ കുടുങ്ങിയത്. എഞ്ചിൻ തകരാർ സംഭവിച്ചതാണ് ബോട്ട് കടലിൽ കുടുങ്ങാൻ കാരണം. കോസ്റ്റൽ പൊലീസും നാവിക സേനയും മണിക്കൂറുകളായി നടത്തിയ രക്ഷാപ്രവർത്തനമാണ് ഫലം കണ്ടത്. ഹെലികോപ്റ്റർ അടക്കം രക്ഷാപ്രവർത്തനത്തിന് എത്തിയിരുന്നു. ഒടുവിൽ മത്സ്യത്തൊഴിലാളികളും രക്ഷാപ്രവർത്തനത്തിൽ സജീവമായി.

കോസ്റ്റൽ പൊലീസും മറ്റു മത്സ്യത്തൊഴിലാളികളും ചേർന്നാണ് കടലിൽ കുടുങ്ങിയ മത്സ്യത്തൊഴിലാളികളെ രക്ഷപ്പെടുത്തിയത്. ഇന്ന് പുലർച്ചെ ഒരു മണിയോടെയാണ് ബോട്ടിലുണ്ടായിരുന്നവരെ രക്ഷപ്പെടുത്തിയത്. മാഹിയിൽ നിന്നും 10 നോട്ടിക്കൽ മൈൽ അകലെയായിരുന്നു രക്ഷാപ്രവർത്തനം. മത്സ്യബന്ധന ബോട്ടിൽ പോയാണ് കോസ്റ്റൽ പൊലീസ് രക്ഷാപ്രവർത്തനം നടത്തിയത്. മലപ്പുറം സ്വദേശികളായ നൗഫൽ, ജലാൽ എന്നിവരായിരുന്നു ബോട്ടിൽ ഉണ്ടായിരുന്നത്. ഇരുവരെയും ചികിത്സയ്ക്കായി തലശ്ശേരി ആശുപത്രിയിൽ പ്രവേശിപ്പിച്ചു. രക്ഷാപ്രവർത്തനത്തിന് പലപ്പോഴും കാറ്റ് വെല്ലുവിളിയായിരുന്നു.

നേരത്തെ ഹെലികോപ്റ്റർ ഉപയോഗിച്ച് എയർ ലിഫ്റ്റിങിന് ശ്രമിച്ചെങ്കിലും ശക്തമായ കാറ്റുള്ളതിനാൽ സാധിച്ചിരുന്നില്ല. റെസ്‌ക്യൂ ബോട്ടുകൾക്കും ഇവരുടെ സമീപം എത്താനായില്ല. തുടർന്നാണ് മത്സ്യബന്ധന ബോട്ട് ഉപയോഗിച്ച് തന്നെ രക്ഷാപ്രവർത്തനം നടത്തിയത്. നീലേശ്വരത്ത് നിന്ന് താനൂരേയ്ക്ക് പോവുകയായിരുന്നു ബോട്ടാണ് യന്ത്ര തകരാർ മൂലം കടലിൽ കുടുങ്ങിയത്.

കാഞ്ഞങ്ങാട്ടുനിന്ന് താനൂരിലേക്ക് പോകുന്ന ബോട്ടാണ് എൻജിൻ തകരാർ മൂലം കുടുങ്ങിയത്. രാത്രി 9 മണിയോടെയാണ് ബോട്ട് കടലിൽ കുടുങ്ങിയ വിവരം കോസ്റ്റൽ പൊലീസിനു ലഭിക്കുന്നത്. തുടർന്ന് തലശ്ശേരി കോസ്റ്റൽ പൊലീസിലെ എട്ടംഗ സംഘം കടലിലേക്കു തിരിക്കുകയും ബോട്ടിനടുത്തെത്തുകയും ചെയ്തു. എന്നാൽ, ബോട്ടിലുള്ളവരെ പുറത്തെത്തിക്കാൻ സാങ്കേതിക പ്രശ്നങ്ങൾ നേരിട്ടതിനെ തുടർന്ന് ഹെലികോപ്ടർ സഹായം തേടി. അതും വിജയിച്ചില്ല. ഇതേ തുടർന്നാണ് മത്സ്യത്തൊഴിലാളികളുടെ സഹായത്തോടെ രക്ഷാപ്രവർത്തനം നടത്തിയത്.

കരയിൽനിന്ന് ആറ് കിലോമീറ്റർ അകലെ കടലിലാണ് ബോട്ട് കുടുങ്ങിയത്. ബോട്ടിലുള്ളവരുമായി ഫോണിൽ ബന്ധപ്പെടാൻ സാധിച്ചതും രക്ഷാപ്രവർത്തനത്തിൽ നിർണ്ണായകമായിരുന്നു.