'ചാറ്റുകള്‍ പോസ്റ്റ് ചെയ്ത വ്യക്തി ഞാന്‍ തന്നെയാണ്; ഞാനല്ല ആ കൊറിയോഗ്രാഫര്‍, അഥവാ അദ്ദേഹം വഞ്ചിച്ച വ്യക്തി; ഞാന്‍ സ്മൃതി മന്ദാനയെ ആരാധിക്കുന്നു; അതുകൊണ്ടാണ് ഞാന്‍ അദ്ദേഹത്തെ തുറന്നുകാട്ടിയത്'; പലാഷിന്റെ ചാറ്റില്‍ അഭ്യൂഹങ്ങള്‍ക്കിടെ വ്യക്തത വരുത്തി മേരി ഡി കോസ്റ്റ
ഇന്‍ഡോര്‍: ഇന്ത്യന്‍ വനിത ക്രിക്കറ്റ് താരം സ്മൃതി മന്ഥനയും സംഗീത സംവിധായകന്‍ പലാഷ് മുച്ചലും തമ്മിലുള്ള വിവാഹത്തെ ചുറ്റിപ്പറ്റിയുള്ള അഭ്യൂഹങ്ങളും ചര്‍ച്ചകളും തുടരുന്നതിനിടെ സാമൂഹ്യ മാധ്യമങ്ങളില്‍ പ്രചരിച്ച ഇന്‍സ്റ്റഗ്രാം ചാറ്റുകളുടെ സ്‌ക്രീന്‍ഷോട്ടുകളില്‍ വ്യക്തത വരുത്തി മേരി ഡി കോസ്റ്റ. പലാഷ് നടത്തിയതെന്ന് കരുതുന്ന സ്വകാര്യ സംഭാഷണത്തിന്റെ സ്‌ക്രീന്‍ഷോട്ടുകള്‍ ഓണ്‍ലൈനില്‍ വൈറലായിരുന്നു. വിവാഹം മാറ്റിവച്ചതിന് പിന്നില്‍ പലാഷിന്റെ മറ്റുബന്ധങ്ങളാണെന്നുള്ള അഭ്യൂഹവും ശക്തമാണ്. ഇതിനിടെയാണ് മേരി ഡി കോസ്റ്റ എന്ന യുവതിയുമായുള്ള വാട്ട്‌സാപ്പ് ചാറ്റുകളാണ് പുറത്തുവന്നത്. ഈ ചാറ്റുകള്‍ പുറത്തുവന്നതില്‍ വ്യക്തത വരുത്തുകയാണ് മേരി ഡി കോസ്റ്റ. ക്രിക്കറ്റ് തനിക്ക് ഇഷ്ടമാണെന്നും സ്മൃതി മന്ദാനയെ ആരാധിക്കുന്നുവെന്നും അതിനാലാണ് പലാഷ് മുച്ചലിനെ തുറന്നുകാട്ടിയതെന്നും ഇതിന്റെ പേരില്‍ തന്നെ ദയവായി ലക്ഷ്യം വയ്ക്കരുതെന്നും മേരി ഡി കോസ്റ്റ പറയുന്നു.
'ചാറ്റുകള്‍ പോസ്റ്റ് ചെയ്ത വ്യക്തി ഞാന്‍ തന്നെയാണ്. എന്റെ വ്യക്തിത്വം വെളിപ്പെടുത്താന്‍ ഞാന്‍ ഒരിക്കലും ആഗ്രഹിച്ചിരുന്നില്ല. ചാറ്റുകള്‍ 2025 മെയ്-ജൂലൈ മാസങ്ങളിലെയാണ്, അത് ഒരു മാസം മാത്രമേ നീണ്ടുനിന്നുള്ളൂ. ഞാന്‍ അദ്ദേഹത്തെ ഒരിക്കലും കണ്ടിട്ടില്ല, അദ്ദേഹവുമായി ബന്ധപ്പെട്ടിട്ടുമില്ല. എനിക്ക് ക്രിക്കറ്റിനെ ഇഷ്ടമാണ്, ഞാന്‍ സ്മൃതി മന്ദാനയെ ആരാധിക്കുന്നു, അതുകൊണ്ടാണ് ആളുകള്‍ അറിയണമെന്ന് തോന്നിയതുകൊണ്ട് ഞാന്‍ അദ്ദേഹത്തെ തുറന്നുകാട്ടിയത്.'
'ഞാനല്ല ആ ഡാന്‍സ് കൊറിയോഗ്രാഫര്‍, അഥവാ അദ്ദേഹം വഞ്ചിച്ച വ്യക്തി. ഇത്രയും വലിയ തിരിച്ചടി ഞാന്‍ പ്രതീക്ഷിച്ചിരുന്നില്ല, അതുകൊണ്ട് എന്റെ അക്കൗണ്ട് പ്രൈവറ്റ് ആക്കേണ്ടി വന്നു. ചാറ്റുകളില്‍ എന്റേത് തെറ്റല്ല എന്ന് വ്യക്തമാണ് അദ്ദേഹത്തെ ഒഴിവാക്കിയത് (ghosted) ഞാന്‍ ആയിരുന്നു. ദയവായി എന്നെ ലക്ഷ്യം വെക്കരുത്; എനിക്ക് ഇത് കൈകാര്യം ചെയ്യാന്‍ കഴിയുന്നില്ല. ഇങ്ങനെയൊന്നും സംഭവിക്കാന്‍ ഞാന്‍ ആഗ്രഹിച്ചിട്ടില്ല.'
'ഞാന്‍ ചെയ്തത് ആളുകള്‍ക്ക് മനസ്സിലാകുമെന്ന് ഞാന്‍ കരുതി, കാരണം ചാറ്റില്‍ എന്റേത് തെറ്റല്ലെന്നും അദ്ദേഹത്തെ ഒഴിവാക്കിയത് (ghosted) ഞാന്‍ ആയിരുന്നെന്നും നിങ്ങള്‍ക്ക് വ്യക്തമായി കാണാന്‍ കഴിയും. പ്രശസ്തയായാലും അല്ലെങ്കിലും ഒരു സ്ത്രീയോടും ഞാന്‍ തെറ്റായി ഒന്നും ചെയ്യില്ല. ദയവായി ആരും എന്നെ ലക്ഷ്യം വെക്കരുതെന്ന് ഞാന്‍ അപേക്ഷിക്കുന്നു, കാരണം എനിക്കിത് കൈകാര്യം ചെയ്യാന്‍ കഴിയില്ല, എനിക്ക് ഇത് അനുഭവിക്കേണ്ടിവരുമെന്ന് ഞാന്‍ തീര്‍ത്തും വിചാരിച്ചിരുന്നില്ല. നന്ദി.'
പലാഷ് മുച്ചലും മേരി ഡി കോസ്റ്റയും തമ്മില്‍ നടത്തിയതെന്ന് കരുതുന്ന ഇന്‍സ്റ്റഗ്രാം ചാറ്റുകളുടെ സ്‌ക്രീന്‍ഷോട്ടുകള്‍ പുറത്തുവന്നതാണ് വിവാഹം മുടങ്ങാന്‍ കാരണമെന്ന രീതിയില്‍ സമൂഹമാധ്യമങ്ങളില്‍ പ്രചരിച്ചിരുന്നു. എന്നാല്‍ ഇതിന് സ്ഥീരികരണമൊന്നും ഉണ്ടായിട്ടില്ല. എങ്കിലും സ്‌ക്രീന്‍ഷോട്ടുകളില്‍ പലാഷിന്റെ പേരും ഐഡിയും ഉണ്ടായിരുന്നു. മേരി ഡി കോസ്റ്റയുടേത് പ്രൈവറ്റ് ഇന്‍സ്റ്റഗ്രാം അക്കൗണ്ടാണ്.
സ്മൃതിയും പലാഷും തമ്മിലുള്ള ബന്ധത്തെക്കുറിച്ച് മേരി ചോദിക്കുമ്പോള്‍ സ്മൃതിയുമായുള്ള ബന്ധം ഏകദേശം ഇല്ലാതായതുപോലെ എന്നാണ് പലാഷിന്റെ മറുപടി. 'ഡെഡ് മോസ്റ്റ്' എന്നും 'ലോങ്- ഡിസ്റ്റന്‍സ്' ബന്ധം എന്നുമാണ് പലാഷ് മേരിയോട് പറയുന്നത്. മാത്രമല്ല പലാഷ് മേരിയോട് കാണണമെന്ന് നിര്‍ബന്ധിക്കുന്നതായും ചാറ്റില്‍ കാണാം. യുവതിയെ ഹോട്ടലിലെ പൂളില്‍ ഒരുമിച്ച് നീന്താന്‍ ക്ഷണിക്കുന്നതും സ്പായിലേക്കും ബീച്ചിലേക്കും ക്ഷണിക്കുന്നതുമുണ്ട്.
ഒരുമിച്ച് നീന്താന്‍ പോകാം എന്ന് പറയുമ്പോള്‍ നിങ്ങള്‍ ഡേറ്റിങിലല്ലേ എന്ന് യുവതി ചോദിക്കുന്നു. അതുകൊണ്ട് നമുക്ക് ഒരുമിച്ച് പോകാന്‍ പാടില്ല എന്നില്ല എന്നാണ് മറുപടി. ഞാന്‍ എന്റെ അസിസ്റ്റന്റിനേയും വിളിക്കാം അപ്പോള്‍ പിന്നെ ഗ്രൂപ്പായിട്ട് പോകുന്നതായേ ആളുകള്‍ക്ക് തോന്നൂ എന്നും ചാറ്റില്‍ പറയുന്നു. സ്‌ക്രീന്‍ഷോട്ടുകളില്‍ യുവതിയുമായുള്ള ഫ്‌ലര്‍ട്ടിങ് മെസേജുകളുമുണ്ട്.
ആ ചാറ്റില്‍ പ്രതികരണമില്ല
വിവാഹത്തിന് മുമ്പുള്ള ആഘോഷത്തിനിടെ സ്മൃതിയുടെ കുടുംബത്തിലെ ആരെങ്കിലും ഈ ചാറ്റുകള്‍ കണ്ടിട്ടുണ്ടാകാമെന്നാണ് റിപ്പോര്‍ട്ടുകള്‍. സ്മൃതിയുടെ പിതാവ് ശ്രീനിവാസിന് പെട്ടെന്ന് ദേഹസ്വാസ്ഥ്യം ഉണ്ടാകാന്‍ കാരണം ഇതാണെന്നും പറയപ്പെടുന്നു. സ്‌ക്രീന്‍ഷോട്ടുകള്‍ ആദ്യം പങ്കിട്ട യഥാര്‍ത്ഥ റെഡ്ഡിറ്റ് ത്രെഡ് ഇതിനകം നീക്കം ചെയ്തിട്ടുണ്ട്. എങ്കിലും ഇവ മറ്റു സമൂഹമാധ്യമങ്ങളില്‍ ഉള്‍പ്പെടെ ഇവ ഇപ്പോളും പ്രചരിക്കുന്നുണ്ട്. എങ്കിലും ഇക്കാര്യത്തില്‍ സ്മൃതിയോ പലാഷോ ഇരുവരുടേയും കുടുംബമോ ഇതുവരെ പ്രതികരിച്ചിട്ടില്ല.
ഞായറാഴ്ചയായിരുന്നു സ്മൃതിയും പലാഷുമായുള്ള വിവാഹം നടക്കേണ്ടിയിരുന്നത്. വിവാഹത്തിനുള്ള ഒരുക്കങ്ങള്‍ അന്തിമഘട്ടത്തിലേക്ക് കടന്നതിന് പിന്നാലെയാണ് സ്മൃതിയുടെ പിതാവ് ശ്രീനിവാസ് മന്ഥനയ്ക്ക് കടുത്ത നെഞ്ചുവേദന അനുഭവപ്പെടുകയും ആശുപത്രിയില്‍ പ്രവേശിപ്പിക്കുകയും ചെയ്തത്. അച്ഛന്‍ അടുത്തില്ലാതെ വിവാഹം നടത്തേണ്ടെന്ന് സ്മൃതി നിലപാടെടുത്തതോടെയാണ് വിവാഹം മാറ്റി വച്ചത്. അതേസമയം, വൈറല്‍ ഇന്‍ഫെക്ഷന്‍, അസിഡിറ്റി എന്നിവയെ തുടര്‍ന്നാണ് പലാഷ് ആശുപത്രിയില്‍ ചികില്‍സ തേടിയിത്. ആശങ്കാജനകമായ സാഹചര്യമില്ലെന്നും ചികില്‍സ നല്‍കി പലാഷിനെ മടക്കി അയച്ചുവെന്നും ആശുപത്രി അധികൃതര്‍ വ്യക്തമാക്കിയിട്ടുണ്ട്. 2019ലാണ് സ്മൃതിയും സംഗീത സംവിധായകനായ പലാഷും തമ്മില്‍ പ്രണയത്തിലായത്. 2024 വരെ ഇരുവരും സ്വകാര്യമായി സൂക്ഷിച്ച പ്രണയം കഴിഞ്ഞ വര്‍ഷമാണ് പരസ്യമായത്.
