റഷ്യയുടെ ഏക ക്രൂഡ് ബഹിരാകാശ വിക്ഷേപണ കേന്ദ്രത്തിന് തകരാർ; ബൈക്കോണൂർ കോസ്‌മോഡ്രോമിന്റെ ലോഞ്ച്പാഡിന് കേടുപാടുകൾ സംഭവിച്ചത് റോക്കറ്റ് വിക്ഷേപണത്തെ തുടർന്ന്; ബഹിരാകാശ പര്യവേക്ഷണ പദ്ധതികൾക്ക് വെല്ലുവിളി
കസാഖ്സ്ഥാൻ: കസാഖ്സ്ഥാനിലെ റഷ്യയുടെ ഏക ക്രൂഡ് ബഹിരാകാശ വിക്ഷേപണ കേന്ദ്രമായ ബൈക്കോണൂർ കോസ്‌മോഡ്രോമിന് കനത്ത കേടുപാടുകൾ സംഭവിച്ചു. വ്യാഴാഴ്ച നടന്ന ഒരു റോക്കറ്റ് വിക്ഷേപണത്തെ തുടർന്നാണ് ഈ അപകടം. ഇതോടെ, 1961-ന് ശേഷം ആദ്യമായി റഷ്യയ്ക്ക് മനുഷ്യരെ ബഹിരാകാശത്തേക്ക് അയക്കാനുള്ള കഴിവ് താൽക്കാലികമായി നഷ്ടപ്പെട്ടതായി റിപ്പോർട്ടുകൾ പറയുന്നു. അറ്റകുറ്റപ്പണികൾ പൂർത്തിയാകുന്നത് വരെ ഈ വിക്ഷേപണ കേന്ദ്രം ഉപയോഗിക്കാൻ സാധിക്കാത്ത അവസ്ഥയിലായെന്നാണ് സൂചന. 1961-ന് ശേഷം ആദ്യമായാണ് റഷ്യൻ ബഹിരാകാശ ഏജൻസിയായ റോസ്‌കോസ്‌മോസിന് ഇത്തരമൊരു പ്രതിസന്ധി നേരിടുന്നത്.
സോയുസ് എംഎസ്-28 ബഹിരാകാശ പേടകത്തിന്റെ വിക്ഷേപണ സമയത്താണ് സംഭവം. വിക്ഷേപണം വിജയകരമായി പൂർത്തിയാക്കി ക്രൂ അംഗങ്ങൾ സുരക്ഷിതമായി ബഹിരാകാശ നിലയത്തിൽ എത്തിയെങ്കിലും, ലോഞ്ച്പാഡിന് ഗുരുതരമായ തകരാറുകൾ സംഭവിച്ചതായി റഷ്യൻ ബഹിരാകാശ ഏജൻസിയായ റോസ്‌കോസ്‌മോസ് അറിയിച്ചു. റോക്കറ്റിന്റെ സ്ഫോടനത്തെ തുടർന്ന് വിക്ഷേപണത്തറയുടെ ഒരു ഭാഗം എക്‌സ്‌ഹോസ്റ്റ് കിടങ്ങിലേക്ക് തകർന്നുവീഴുന്ന ദൃശ്യങ്ങൾ റോസ്‌കോസ്‌മോസ് പുറത്തുവിട്ടിട്ടുണ്ട്. ലോഞ്ച്പാഡിലെ നിരവധി ഘടകങ്ങൾക്ക് കേടുപാടുകൾ സംഭവിച്ചതായും ഏജൻസി സ്ഥിരീകരിച്ചു.
നാസയുടെ ബഹിരാകാശ സഞ്ചാരി ക്രിസ് വില്യംസും രണ്ട് റഷ്യൻ ക്രൂ അംഗങ്ങളും ഉൾപ്പെടെയുള്ള മൂന്നംഗ സംഘം വ്യാഴാഴ്ച വൈകുന്നേരം അന്താരാഷ്ട്ര ബഹിരാകാശ നിലയത്തിൽ സുരക്ഷിതമായി എത്തിച്ചേർന്നു. യാത്രാ സംഘത്തിലെ ആർക്കും പരിക്കുകളില്ല. എന്നാൽ, അറ്റകുറ്റപ്പണികൾ പൂർത്തിയാകുന്നത് വരെ ബൈക്കോണൂർ കോസ്‌മോഡ്രോമിൽ നിന്ന് മനുഷ്യരെ വഹിച്ചുള്ള വിക്ഷേപണങ്ങൾ നടത്താൻ കഴിയില്ലെന്ന് റോസ്‌കോസ്‌മോസ് വ്യക്തമാക്കി. ഈ സാഹചര്യത്തിൽ, റഷ്യയുടെ ബഹിരാകാശ പര്യവേക്ഷണ പദ്ധതികൾക്ക് ഇത് കാര്യമായ വെല്ലുവിളിയാകുമെന്നാണ് വിലയിരുത്തൽ.
