കർണാടക ആകാശത്ത് തലങ്ങും വിലങ്ങും പറന്ന കടൽ കാക്ക; ചിറകടിച്ചുള്ള അതിന്റെ സഞ്ചാരത്തിലും വേഗതയിലും തന്നെ സംശയം; ഇടയ്ക്ക് പരിക്കേറ്റ് നിലത്ത് വീണതും പ്രദേശം മുഴുവൻ അലർട്ടായി; സ്ഥലത്ത് പോലീസ് അടക്കം പാഞ്ഞെത്തി; ശരീരത്തിൽ ഒട്ടും പരിചയമില്ലാത്തൊരു അജ്ഞാത വസ്തു; അത് അയൽരാജ്യത്തിന്റെ കെണിയോ?
കാർവാർ: കർണാടകയിലെ കാർവാർ തീരത്ത് ചൈനീസ് നിർമ്മിത ജിപിഎസ് ട്രാക്കർ ഘടിപ്പിച്ച നിലയിൽ ഒരു കടൽക്കാക്കയെ കണ്ടെത്തി. പ്രദേശവാസികൾക്കിടയിലും സുരക്ഷാ ഏജൻസികൾക്കിടയിലും വലിയ ആശങ്കയ്ക്ക് ഇത് ഇടയാക്കിയിട്ടുണ്ട്. സംഭവത്തിൽ പോലീസ് അന്വേഷണം ആരംഭിച്ചു.
കഴിഞ്ഞ ചൊവ്വാഴ്ച കാർവാറിലെ രവീന്ദ്രനാഥ ടാഗോർ ബീച്ചിൽ വെച്ച് തീരദേശ മറൈൻ പോലീസ് ആണ് പരിക്കേറ്റ നിലയിൽ പക്ഷിയെ കണ്ടെത്തിയത്. മറൈൻ പോലീസ് സെൽ പിന്നീട് പക്ഷിയെ വനംവകുപ്പിന് കൈമാറി. പരിശോധനയിൽ പക്ഷിയുടെ ശരീരത്തിൽ ഒരു ജിപിഎസ് ട്രാക്കർ ഘടിപ്പിച്ചതായി അധികൃതർ കണ്ടെത്തി.
ചെറിയൊരു സോളാർ പാനലോടുകൂടിയ ഇലക്ട്രോണിക് യൂണിറ്റായിരുന്നു ഈ ഉപകരണം. 'ചൈനീസ് അക്കാദമി ഓഫ് സയൻസസ്' എന്ന ഇ-മെയിൽ വിലാസവും, പക്ഷിയെ കണ്ടെത്തുന്നവർ ഈ വിലാസത്തിൽ ബന്ധപ്പെടണം എന്ന സന്ദേശവും ട്രാക്കറിലുണ്ടായിരുന്നു. കൂടുതൽ വ്യക്തത തേടുന്നതിനായി അധികൃതർ ഈ ഇ-മെയിൽ വിലാസത്തിൽ ബന്ധപ്പെടാൻ ശ്രമിച്ചുവരികയാണ്.
പക്ഷികളുടെ ദേശാടന രീതികളെക്കുറിച്ചുള്ള ഏതെങ്കിലും ശാസ്ത്രീയ ഗവേഷണ പദ്ധതിയുടെ ഭാഗമാണോ ഇതെന്ന് ഉൾപ്പെടെയുള്ള വിവിധ വശങ്ങൾ പരിശോധിച്ചുവരികയാണെന്ന് ഉത്തര കന്നഡ പോലീസ് സൂപ്രണ്ട് ദീപൻ എം.എൻ. അറിയിച്ചു. ഇന്ത്യയിലെ ഏറ്റവും പ്രധാനപ്പെട്ട നാവിക താവളങ്ങളിൽ ഒന്നാണ് കാർവാർ എന്നതിനാൽ, ഈ സംഭവം അതീവ സുരക്ഷാ പ്രാധാന്യത്തോടെയാണ് അധികൃതർ പരിഗണിക്കുന്നത്.
കടൽക്കാക്കയെ കണ്ടെത്തിയ സംഭവം, തന്ത്രപ്രധാനമായ ഈ മേഖലയിലെ സുരക്ഷാ നിരീക്ഷണത്തിന്റെ പ്രാധാന്യം വർദ്ധിപ്പിക്കുകയും, ട്രാക്കറിന്റെ ഉദ്ദേശ്യശുദ്ധിയിൽ കൂടുതൽ വ്യക്തത വരുത്താനുള്ള ശ്രമങ്ങൾ തുടരുകയും ചെയ്യുന്നു.
പക്ഷികളുടെ ദേശാടന രീതികളെക്കുറിച്ച് പഠിക്കാനുള്ള ഏതെങ്കിലും ശാസ്ത്രീയ ഗവേഷണ പദ്ധതിയുടെ ഭാഗമാണോ ഇതെന്ന് ഉൾപ്പെടെയുള്ള വിവിധ വശങ്ങൾ പരിശോധിച്ചുവരികയാണെന്ന് ഉത്തര കന്നഡ പൊലീസ് സൂപ്രണ്ട് ദീപൻ എം.എൻ പറഞ്ഞു. ഇന്ത്യയിലെ തന്നെ ഏറ്റവും പ്രധാനപ്പെട്ട നാവിക താവളങ്ങളിൽ ഒന്ന് കാർവാറിലുള്ളതിനാൽ അതീവ സുരക്ഷാ പ്രാധാന്യത്തോടെയാണ് ഈ സംഭവത്തെ അധികൃതർ കാണുന്നത്.
