ശ്രദ്ധിക്കൂ.., പുരുഷന്‍മാരെ.., വിവാഹാഭ്യര്‍ത്ഥന നടത്താനുള്ള മോതിരം ദയവ് ചെയ്ത് ഭക്ഷണത്തില്‍ ഒളിപ്പിക്കരുത്...., വിശന്ന് വന്നാല്‍ ഒന്നും നോക്കാതെ എടുത്ത് കഴിക്കും; പ്രണയം പറയാന്‍ കേക്കിനുള്ളില്‍ മോതിരം ഒളിപ്പിച്ച് കാമുകള്‍; എടുത്ത് കഴിച്ച് യുവതി; കുറിപ്പ് വൈറല്‍
പ്രണയം പറയാന്‍ കേക്കിനുള്ളില്‍ സ്വര്‍ണ മോതിരം ഒളിപ്പിച്ച് കാമുകന്‍. വിശന്ന് വന്ന് കാമുകി കേക്ക് മുഴുവന്‍ കഴിച്ച് തീര്‍ത്തു. ഒപ്പം കേക്കിനുള്ളില്‍ വച്ച സ്വര്‍ണ മോതിരവും ചവച്ച് തിന്നു. തെക്കന്‍ ചൈനയിലെ സിയാച്ചിന്‍ പ്രവിശ്യയിലാണ് സംഭവമെന്ന് സൗത്ത് ചൈന മോര്‍ണിങ് പോസ്റ്റ് റിപ്പോര്‍ട്ട് ചെയ്യുന്നു. മോതിരം കഴിച്ച യുവതി തന്നെയാണ് ഇക്കാര്യം സോഷ്യല്‍ മീഡിയയിലുടെ പങ്കുവെച്ചത്.
പുരുഷന്‍മാരെ ഒന്നു ശ്രദ്ധിക്കണെ, വിവാഹാഭ്യാര്‍ഥന നടത്താനുള്ള മോതിരം ദയവ് ചെയ്ത് ഭക്ഷണത്തില്‍ ഒളിപ്പിക്കരുത്' എന്ന കുറിപ്പിലൂടെയാണ് ഇക്കാര്യം യുവതി പങ്കുവെക്കുന്നത്. വിശന്ന് വലഞ്ഞാണ് എത്തിയത്. അതുകൊണ്ടാക് കേക്ക് കണ്ട പാടെ എടുത്ത് കഴിച്ചത്. കേക്കിന് പുറത്ത് മീറ്റ് ഫ്‌ലോസുണ്ടായിരുന്നുവെന്നും അതല്‍പ്പം കട്ടിയുള്ളതായതിനാലാണ് താന്‍ ചവച്ചതെന്നും യുവതി പറയുന്നു. പക്ഷേ കുറച്ച് കൂടുതല്‍ കട്ടിയേറിയ എന്തോ ഒന്നില്‍ കടിച്ചെന്ന് തോന്നിയപ്പോള്‍ തുപ്പുകയായിരുന്നുവെന്നും യുവതി വെളിപ്പെടുത്തി. അപ്പോള്‍ മാത്രമാണ് താന്‍ വിവാഹാഭ്യര്‍ഥന നടത്തുന്നതിനായി ഉള്ളിലൊളിപ്പിച്ച മോതിരത്തിന്റെ കഷ്ണമാണതെന്ന് കാമുകന്‍ പറഞ്ഞതെന്നും ലിയു കൂട്ടിച്ചേര്‍ത്തു.
കാമുകന്‍ തമാശ പറയുകയാണെന്നാണ് ലിയു ആദ്യം കരുതിയത്. സംശയം തോന്നി തുപ്പിയ കഷ്ണം പരിശോധിച്ചപ്പോഴാണ് രണ്ടായി ഒടിഞ്ഞ മോതിരത്തിന്റെ കഷ്ണമാണെന്ന് തിരിച്ചറിഞ്ഞതെന്നും ലിയു പറയുന്നു. കുറച്ച് നേരത്തേക്ക് സ്തബ്ധയായിപ്പോയി താനെന്നും 'ഞാനിനി മുട്ടില്‍ നിന്ന് വില്‍ യൂ മാരീ മീ' എന്ന് ചോദിക്കണോ എന്ന കാമുകന്റെ ചോദ്യത്തില്‍ പൊട്ടിച്ചിരിച്ചുപോയെന്നും യുവതി പറയുന്നു. മോതിരം കഴിച്ചുവെങ്കിലും ലിയു കാമുകനെ വിവാഹം കഴിക്കാമെന്ന് സമ്മതം മൂളിയാണ് മടങ്ങിയത്.
