'വര്‍ഷത്തിലെ ഏറ്റവും പ്രിയപ്പെട്ട സമയമാണ് ദീപാവലി'; ദീപാവലി ആശംസകളുമായി ഗൂഗിൾ സിഇഒ സുന്ദര്‍ പിച്ചൈ
ഒരോ ഇന്ത്യക്കാരന്റെയും അഭിമാനമാണ് ഗൂഗിളിന്റെയും ആല്‍ഫബെറ്റിന്റെയും സിഇഒ ആയ സുന്ദര്‍ പിച്ചൈ. രാജ്യമെങ്ങും ദീപാവലി ആഘോഷങ്ങളിൽ മുഴുകിയിരിക്കവെ എല്ലാവർക്കും ആശംസകളുമായി എത്തിയിരിക്കുകയാണ് സുന്ദർ പിച്ചൈ. സാമൂഹിക മാധ്യമത്തിലൂടെ അദ്ദേഹം പങ്കുവെച്ച പോസ്റ്റാണ് ഇപ്പോള്‍ ശ്രദ്ധ നേടുന്നത്. തന്റെ ഔദ്യോഗിക എക്‌സ് പേജിലാണ് അദ്ദേഹം ആശംസ അറിയിച്ചത്. വിവിധ സോഷ്യൽ പ്ലാറ്റ്‌ഫോമുകളിലുടനീളം ഗൂഗിൾ ഇന്ത്യയും ദീപാവലി ആശംസകൾ അറിയിച്ചിരുന്നു.
ഒരു റോക്കറ്റിനെ അനുസ്മരിപ്പിക്കുന്ന തരത്തിലുള്ള ചുവപ്പ്, സ്വർണ്ണ നിറങ്ങളിൽ മനോഹരമായി തയ്യാറാക്കിയ പേപ്പർ ലാൻ്റേണിൽ ഗൂഗിളിന്റെ ജി ലോഗോയോടൊപ്പമായിരുന്നു സുന്ദർ പിച്ചൈ ദീപാവലി ആശസകൾ നേർന്നത്.
'വര്‍ഷത്തിലെ ഏറ്റവും പ്രിയപ്പെട്ട സമയമാണ് ദീപാവലി. വീട് മുഴുവന്‍ ദീപങ്ങള്‍ കൊണ്ട് അലങ്കരിക്കുന്നത് സന്തോഷമുണ്ടാക്കുന്നതാണ്. ദീപാവലി ആഘോഷിക്കുന്ന ഏവര്‍ക്കും ആശംസകള്‍.' എന്നാണ് സുന്ദര്‍ പിച്ചൈ കുറിച്ചത്. അതേസമയം, ദീപാവലിയോട് അനുബന്ധിച്ച ഗൂഗിള്‍ അവതരിപ്പിച്ച ദീവാലി രംഗേലിയും വലിയ ചർച്ചയായി. പുതിയ ദീവാലി രംഗോലിയും പ്രേക്ഷകർ ഇരുകൈയും നീട്ടിയാണ് സ്വീകരിച്ചത്.
