ലാന്‍ഡിംഗിനിടെ ചരക്ക് വിമാനം റണ്‍വേയില്‍ നിന്ന് തെന്നിമാറി കടലില്‍ വീണ് രണ്ടുപേര്‍ മരിച്ചു; ദുബായ് വിമാനം അപകടത്തില്‍ പെട്ടത് ഹോങ്കോംഗ് വിമാനത്താവളത്തില്‍

ഹോങ്കോംഗ്: ലാന്‍ഡിംഗിനിടെ ചരക്ക് വിമാനം റണ്‍വേയില്‍ നിന്ന് തെന്നിമാറി കടലില്‍ വീണ് രണ്ടുപേര്‍ മരിച്ചു. ഹോങ്കോംഗ് അന്താരാഷ്ട്ര വിമാനത്താവളത്തില്‍ പ്രാദേശിക സമയം പുലര്‍ച്ചെ 3:50 ഓടെയാണ് അപകടമുണ്ടായത്. ദുബായിയില്‍ നിന്നു വന്ന എസിടി എയര്‍ലൈന്‍സിന്റെ ബോയിംഗ് 747 ചരക്കുവിമാനമാണ് കടലില്‍ വീണത്.

വിമാനം കടലില്‍ ഭാഗികമായി മുങ്ങിക്കിടക്കുന്ന ചിത്രം പുറത്തുവന്നിട്ടുണ്ട്. അതേസമയം, വിമാനത്തിലുണ്ടായിരുന്ന നാല് ജീവനക്കാരെ രക്ഷപ്പെടുത്തിയെന്ന് ഹോങ്കോംഗ് വിമാനത്താവളം പ്രസ്താവനയില്‍ അറിയിച്ചു. അപകടത്തെ തുടര്‍ന്ന്, ഹോങ്കോംഗ് അന്താരാഷ്ട്ര വിമാനത്താവളത്തിന്റെ വടക്കന്‍ റണ്‍വേ അപകടത്തെ തുടര്‍ന്ന് അടച്ചിട്ടിരിക്കുകയാണ്. അതേസമയം തെക്ക്, മധ്യ റണ്‍വേകള്‍ തുടര്‍ന്നും പ്രവര്‍ത്തിക്കുമെന്ന് വിമാനത്താവള അധികൃതര്‍ വ്യക്തമാക്കി.