പശ്ചിമേഷ്യന് സംഘര്ഷം; യുഎഇയില് സ്കൂളുകള്ക്ക് രണ്ടാഴ്ച അവധി; ക്ലാസുകള് പുനരാരംഭിക്കുക മാര്ച്ച് 23ന്
ദുബായ്: പശ്ചിമേഷ്യന് സംഘര്ഷത്തിന്റെ പശ്ചാത്തലത്തില് മുന് നിശ്ചയിച്ചതില് നിന്ന് വ്യത്യസ്തമായി രാജ്യത്തുടനീളം വസന്തകാല അവധി ഒരാഴ്ച മുന്പ് ആരംഭിക്കുമെന്ന് പ്രഖ്യാപിച്ച് യുണൈറ്റഡ് അറബ് എമിറേറ്റ്സ്. യുഎഇയില് ഇനി വസന്തകാല അവധി കഴിഞ്ഞ് മാര്ച്ച് 23ന് വിദ്യാഭ്യാസ സ്ഥാപനങ്ങളില് ക്ലാസുകള് പുനരാരംഭിക്കുമെന്നും വിദ്യാഭ്യാസമന്ത്രാലയം പ്രസ്താവനയില് അറിയിച്ചു.
وزارة التربية والتعليم ووزارة التعليم العالي والبحث العلمي تعلنان عن إجازة الربيع للطلبة والكادر التربوي والإداري للمدارس والجامعات على مستوى الدولة pic.twitter.com/jyj0M51gJw
— UAEGOV (@UAEmediaoffice) March 4, 2026
ഇതനുസരിച്ച് മാര്ച്ച് 9 തിങ്കളാഴ്ച മുതല് സ്കൂള് അവധി ആരംഭിക്കും. പൊതു, സ്വകാര്യ സ്കൂളുകളിലെയും സര്വകലാശാലകളിലെയും എല്ലാ വിദ്യാര്ഥികള്ക്കും അക്കാദമിക്, അഡ്മിനിസ്ട്രേറ്റീവ് ജീവനക്കാര്ക്കും രണ്ടാഴ്ചത്തെ അവധി ലഭിക്കും. രാജ്യത്തുടനീളമുള്ള ഒരാഴ്ചത്തെ വിദൂര പഠനത്തിനും അക്കാദമിക് കലണ്ടറിലെ ചെറിയ മാറ്റങ്ങള്ക്കും ശേഷമാണ് തീരുമാനം. മാര്ച്ച് 9 വരെ റിമോട്ട് ക്ലാസുകള് മാത്രമാണ് ഉണ്ടാവുക. പശ്ചിമേഷ്യന് സംഘര്ഷത്തിന്റെ പശ്ചാത്തലത്തില് ദിവസങ്ങള്ക്ക് മുന്പാണ് റിമോട്ട് ക്ലാസുകളിലേക്ക് മാറിയത്.
