യുജിസി നെറ്റ് പരീക്ഷ മാറ്റിവെച്ചു; പരീക്ഷകൾ സെപ്റ്റംബർ 24 മുതലാകും നടക്കുകയെന്ന് നാഷണൽ ടെസ്റ്റിങ് ഏജൻസി

ന്യൂഡൽഹി: യുജിസി നെറ്റ് മാറ്റിവെച്ചതായി നാഷണൽ ടെസ്റ്റിങ് ഏജൻസി അറിയിച്ചു. നേരത്തെ സെപ്റ്റംബർ 16 മുതൽ 23 പരീക്ഷകൾ നടത്താനായിരുന്നു ഏജൻസി തീരുമാനിച്ചിരുന്നത്. ഐ.സി.എ.ആർ പരീക്ഷകളും ഇതേ ദിവസങ്ങളിൽ നടക്കുന്ന പശ്ചാത്തലത്തിലാണ് പരീക്ഷകൾ മാറ്റുന്നതെന്ന് എൻ.ടി.എ അറിയിച്ചു. സെപ്റ്റംബർ 24 മുതലാകും പരീക്ഷകൾ നടക്കുകയെന്നും എൻ.ടി.എ വ്യക്തമാക്കി. പരീക്ഷാ ടൈംടേബിളും അഡ്‌മിറ്റ് കാർഡും ugcnet.nta.nic.in എന്ന വെബ്‌സൈറ്റിൽ വൈകാതെ ലഭ്യമാക്കും. അദ്ധ്യാപക/ ജൂനിയർ റിസേർച്ച് ഫെലോ യോഗ്യതാ പരീക്ഷയായ നെറ്റ് വർഷത്തിൽ രണ്ടുതവണയാണ് നടത്തുന്നത്.