ഇന്ധനവില കത്തിക്കയറുന്നു; ക്രൂഡോയിൽ വിലക്കയറ്റത്തിൽ ഒപെക് രാജ്യങ്ങളെ ആശങ്കയറിയിച്ച് ഇന്ത്യ

ഇന്ധനവില കത്തിക്കയറുന്ന സാഹചര്യത്തിൽ ക്രൂഡോയിൽ വിലയിൽ ഒപെക് രാജ്യങ്ങളെ ആശങ്കയറിയിച്ച് ഇന്ത്യ. ക്രൂഡോയിൽ വില വർധനയിൽ അങ്ങേയറ്റത്തെ ആശങ്കയുണ്ടെന്ന് ഒപെക് സെക്രട്ടറി ജനറൽ മുഹമ്മദ് സനുസി ബർകിൻഡോയോട് പെട്രോളിയം മന്ത്രി ധർമേന്ദ്ര പ്രധാൻ പറഞ്ഞു.

ജനജീവിതത്തെയും സാമ്പത്തിക പ്രതിസന്ധി മറികടക്കുന്നതിനെയും ക്രൂഡോയിൽ വില ബാധിക്കുന്നു. ഇന്ത്യയിൽ വിലക്കയറ്റത്തിന്റെ സമ്മർദസാഹചര്യമുണ്ട്. ഉൽപ്പാദകരുടെയും ഉപഭോക്താക്കളുടെയും താൽപര്യത്തിന് അനുസരിച്ചുള്ള ന്യായമായ നിരക്കേ ക്രൂഡോയിലിന് ഈടാക്കാവൂവെന്നും ധർമേന്ദ്ര പ്രധാൻ കൂട്ടിച്ചേർത്തു.