പ്രശസ്ത ബോളിവുഡ് നടൻ ഓംപുരി അന്തരിച്ചു; അന്ത്യം ഹൃദയാഘാതത്തെ തുടർന്ന് വീട്ടിൽ വച്ച്; വിട പറഞ്ഞത് ഹോളിവുഡിൽ അടക്കം സാന്നിധ്യം അറിയിച്ച ഇന്ത്യൻ സിനിമാ പ്രതിഭ; മലയാളം അടക്കമുള്ള ഭാഷാ സിനിമകളുടെയും ഭാഗമായി
മുംബൈ: പ്രശസ്ത ബോളിവുഡ് നടൻ ഓംപുരി അന്തരിച്ചു. 66 വയസായിരുന്നു. ഹൃദയാഘാതത്തെ തുടർന്നായിരുന്നു ഇന്ന് പുലർച്ചെ മുംബൈയിലെ വീട്ടിൽ വച്ചായിരുന്നു അന്ത്യം സംഭവിച്ചത്. ഓംപുരിയോടെ അടുത്ത സുഹൃത്തായ അശോക് പണ്ഡിറ്റാണ് അദ്ദേഹം മരിച്ച വിവരം പുറത്തുവിട്ടത്. ഹോളിവുഡ് സിനിമകളിൽ അടക്കം അഭിനയിച്ചിട്ടുള്ള ശ്രദ്ധേയ വ്യക്തിത്വമാണ് ഓംപുരിയുടേത്. പാക്കിസ്ഥാൻ, ബ്രിട്ടീഷ് സിനിമകളിലെയും ഭാഗമായിരുന്നു അദ്ദേഹം. പത്മശ്രീ പുരസ്‌ക്കാരം നൽകി രാജ്യം ആദരിച്ചിരുന്നു ഓംപുരിയെ. മലയാള സിനിമയിലും അഭിനയിച്ചിട്ടുണ്ട് അദ്ദേഹം. ഇന്ത്യൻ സിനിമയിൽ വിവിധ ഭാഷകളിൽ അഭിനയിച്ച ശ്രദ്ധേയ വ്യക്തിത്വമായിരുന്നു ഓംപുരിയുടേത്. മറാഠി, പഞ്ചാബി, കന്നഡ തുടങ്ങിയ സിനിമകളിൽ അഭിനയിച്ചിട്ടുണ്ട്. പുരാവൃത്തം, ആടുപുലിയാട്ടം എന്നീ മലയാള സിനിമകളിലാണ് അദ്ദേഹം അഭിനയിച്ചത്. മികച്ച നടനുള്ള ദേശീയ പുരസ്‌ക്കാരം രണ്ട് തവണ നേടിയിട്ടുണ്ട് ഓംപുരി. നാടക രംഗത്തു നിന്നുമാണ് ഓംപുരി സിനിമാ രംഗത്തേക്ക് ചുവടുവച്ചത്. ഇന്ത്യൻ സിനിമയിൽ നാലു പതിറ്റാണ്ട് ശ്രദ്ധേയ വേഷം ചെയ്ത അദ്ദേഹം
മുംബൈ: പ്രശസ്ത ബോളിവുഡ് നടൻ ഓംപുരി അന്തരിച്ചു. 66 വയസായിരുന്നു. ഹൃദയാഘാതത്തെ തുടർന്നായിരുന്നു ഇന്ന് പുലർച്ചെ മുംബൈയിലെ വീട്ടിൽ വച്ചായിരുന്നു അന്ത്യം സംഭവിച്ചത്. ഓംപുരിയോടെ അടുത്ത സുഹൃത്തായ അശോക് പണ്ഡിറ്റാണ് അദ്ദേഹം മരിച്ച വിവരം പുറത്തുവിട്ടത്.
ഹോളിവുഡ് സിനിമകളിൽ അടക്കം അഭിനയിച്ചിട്ടുള്ള ശ്രദ്ധേയ വ്യക്തിത്വമാണ് ഓംപുരിയുടേത്. പാക്കിസ്ഥാൻ, ബ്രിട്ടീഷ് സിനിമകളിലെയും ഭാഗമായിരുന്നു അദ്ദേഹം. പത്മശ്രീ പുരസ്‌ക്കാരം നൽകി രാജ്യം ആദരിച്ചിരുന്നു ഓംപുരിയെ. മലയാള സിനിമയിലും അഭിനയിച്ചിട്ടുണ്ട് അദ്ദേഹം. ഇന്ത്യൻ സിനിമയിൽ വിവിധ ഭാഷകളിൽ അഭിനയിച്ച ശ്രദ്ധേയ വ്യക്തിത്വമായിരുന്നു ഓംപുരിയുടേത്. മറാഠി, പഞ്ചാബി, കന്നഡ തുടങ്ങിയ സിനിമകളിൽ അഭിനയിച്ചിട്ടുണ്ട്. പുരാവൃത്തം, ആടുപുലിയാട്ടം എന്നീ മലയാള സിനിമകളിലാണ് അദ്ദേഹം അഭിനയിച്ചത്. മികച്ച നടനുള്ള ദേശീയ പുരസ്‌ക്കാരം രണ്ട് തവണ നേടിയിട്ടുണ്ട് ഓംപുരി.
നാടക രംഗത്തു നിന്നുമാണ് ഓംപുരി സിനിമാ രംഗത്തേക്ക് ചുവടുവച്ചത്. ഇന്ത്യൻ സിനിമയിൽ നാലു പതിറ്റാണ്ട് ശ്രദ്ധേയ വേഷം ചെയ്ത അദ്ദേഹം ശാരീരിക അസ്വസ്ഥതയെ തുടർന്ന് ചികിത്സയിലായിരുന്നു. നൂറിലധികം സിനിമകൾ ചെയ്തിട്ടുള്ള ഓംപുരി അടുത്ത കാലത്ത് കലാരംഗത്ത് നിന്നും വിട്ടു നിൽക്കുകയായിരുന്നു. ഹരിയാനയിലെ അംബാലയിൽ ഒരു പഞ്ചാബി കുടുംബത്തിൽ 1950 ൽ ജനിച്ച ഓംപുരി നാടകത്തിലൂടെയാണ് സിനിമയിൽ എത്തിയത്.
1973 ൽ സ്‌കൂൾ ഓഫ് ഡ്രാമയിൽ വിദ്യാർത്ഥിയായിരുന്ന അദ്ദേഹത്തിന്റെ സഹപാഠിയായിരുന്നു ബോളിവുഡിലെ മറ്റൊരു പ്രമുഖനായ നസറുദ്ദീൻ ഷാ. 1976 ൽ മറാത്തി സിനിമയായ ഗാഷിറാം കോട്‌വാളിലൂടെ സിനിമയിൽ എത്തിയ അദ്ദേഹം ഇതിനകം വിവിധ ഭാഷകളിലായി ഒട്ടേറെ സിനിമകളിൽ അഭിനയിച്ചു. വാണിജ്യ സിനിമയ്ക്കപ്പുറത്ത് കലാപരമായ സിനിമകളിൽ കൂടുതൽ സാന്നിദ്ധ്യം അർപ്പിച്ച ഓംപുരി 1988 ൽ പുറത്തിറങ്ങിയ പുരാവൃത്തം എന്ന മലയാള ചിത്രത്തിലും അഭിനയിച്ചിട്ടുണ്ട്.
റിച്ചാർഡ് ആറ്റൻബറോ ഒരുക്കിയ 1982 ലെ ഗാന്ധി യിൽ അതിഥിവേഷത്തിലും പ്രത്യക്ഷപ്പെട്ടിരുന്നു. സിറ്റി ഓഫ് ജോയ്, വോൾഫ്, ജാക്ക് നിക്കോൾസൺ, ദി ഗോസ്റ്റ് ഓഫ് ദി ഡാർക്ക്‌നെസ്സ് തുടങ്ങി ഒട്ടേറെ സിനിമകളിൽ അഭിനയിച്ചു. ഹോളിവുഡ് പ്രമുഖരായ ടോം ഹാങ്ക്‌സിനും ജൂലിയാ റോബർട്‌സിനും ഒപ്പം അഭിനയിച്ച ചാർളീസ് വാറിൽ സിയാ ഉൾ ഹക്കായുള്ള അദ്ദേഹത്തിന്റെ പ്രകടനവും ശ്രദ്ധിക്കപ്പെട്ടിരുന്നു. പാക്കിസ്ഥാനി സിനിമയായ ആക്ടർ ഇൻ ലോയിൽ അഭിനയിച്ചു വരികയായിരുന്നു.
