കോട്ടയം: അസാപ് (അഡീഷണൽ സ്‌കിൽ അക്വിസിഷൻ പ്രോഗ്രാം) പ്രകാരം പരിശീലനം ലഭിച്ച ജൂനിയർ റബ്ബർ ടെക്‌നീഷ്യന്മാർക്കും ലാബ് കെമിസ്റ്റുകൾക്കുമായി റബ്ബർ ട്രെയിനിങ് ഇൻസ്റ്റിറ്റിയൂട്ടിൽ ഓറിയന്റേഷൻ പ്രോഗ്രാമും പ്ലേസ്‌മെന്റ് ഡ്രൈവും നടത്തുന്നു. സെപ്റ്റംബർ 15-നു രാവിലെ 10 മുതലാണ് പരിപാടി. 

യഥാക്രമം +2, ഡിഗ്രി വിദ്യാർത്ഥികൾക്കായി റബ്ബർ സ്‌കിൽ ഡെവലപ്‌മെന്റ് കൗൺസിൽ (ആർ.എസ്.ഡി.സി.) നിശ്ചയിച്ച മാനദണ്ഡങ്ങൾക്കും ആവശ്യകതയ്ക്കും അനുസരിച്ച് രൂപകൽപന ചെയ്തിട്ടുള്ള പരിശീലനം നേടിയവർക്കുവേണ്ടിയാണ് ഈ പ്ലേസ്‌മെന്റ് നടത്തുന്നത്.  പങ്കെടുക്കുന്ന  സ്ഥാപനങ്ങൾക്കുള്ള രജിസ്‌ട്രേഷൻ ഫീസ് 500 രൂപ (സേവനനികുതി പുറമെ) ആയിരിക്കും.

        കൂടുതൽ വിവരങ്ങൾക്ക് ഫോൺ: 0481-2353325,2353201, ഇ-മെയിൽ training@rubberboard.org.in