പെരുമ്പാവൂർ: സോഷ്യൽ മീഡിയാ വഴി പരിചയപ്പെട്ട അതിഥി തൊഴിലാളി ദമ്പതികളുടെ
പ്രായപൂർത്തിയാകാത്ത മകളെ പീഡിപ്പിച്ച സംഭവത്തിലെ പ്രതി പിടിയിൽ. കരുനാഗപ്പള്ളി ഐനിക്കുളങ്ങര പൊട്ടുശേരി സജീർ (29) ആണ് പെരുമ്പാവൂർ പൊലീസിന്റെ പിടിയിലായത്. ഏഴു മാസം മുമ്പ് സോഷ്യൽ മീഡിയാ വഴി പരിചയപ്പെടുകയും പ്രണയം നടിച്ച് പെൺകുട്ടിയെ പീഡിപ്പിക്കുകയുമായിരുന്നു ഇയാൾ.

ഇതിനകം നിരവധി സ്ഥാപനങ്ങളിൽ ജോലി ചെയ്ത സജീർ പെരുമ്പാവൂരിലെ അതിഥി തൊഴിലാളിയുടെ ഏ.ടി.എം കാർഡ് മോഷ്ടിച്ച് മുപ്പതിനായിരം രൂപ എടുക്കുകയും കടന്നുകളയുകയുമായിരുന്നു. പോകുന്ന വഴി ചെങ്ങനാശേരിയിലെ ഒരു വൃദ്ധയുടെ മാലയും പൊട്ടിച്ചെടുത്തു.

പൊലീസ് പിടികൂടുമെന്നായപ്പോൾ സിം ഉപേക്ഷിച്ച് ഒളിച്ചു താമസിച്ച ഇയാളെ ശ്രമകരമായാണ് പിടികൂടിയത്. ഇതുമായി ബന്ധപ്പെട്ട് സജീറിന്റെ രണ്ട് ബന്ധുക്കാരെയും ഒരു സുഹൃത്തിനേയും നേരത്തെ അറസ്റ്റ് ചെയ്തിരുന്നു.

റൂറൽ ജില്ലാ പൊലീസ് മേധാവി കെ. കാർത്തിക്കിന്റെ നേതൃത്വത്തിൽ പെരുമ്പാവൂർ ഇൻസ്‌പെക്ടർ ജയകുമാർ.സി, സബ് ഇൻസ്‌പെക്ടർ രാധാകൃഷ്ണൻ ഒ.എസ് , സീനിയർ സിവിൽ പൊലീസ് ഓഫീസർമാരായ ബാബു കുര്യാക്കോസ്, സി.പി.ഒ മാരായ പ്രജിത് പി.എൻ, റജിമോൻ എന്നിവരാണ് ഉണ്ടായിരുന്നത്.

പ്രണയം നടിച്ച് പീഡനംപ്രതി പിടിയിൽ

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.