പ്ലാസ്റ്റിക് സര്‍ജറിയിലൂടെ മുഖഭാവം മാറ്റി വൈറ്റ് ഹൗസിലേക്ക് നടക്കാന്‍ മെലീനിയ; ഇവാങ്കക്ക് പകരം ഇക്കുറി ട്രംപിനൊപ്പം താരമാവുക മരുമകള്‍ ലാറ; ആള്‍ക്കൂട്ടത്തില്‍ ഉയര്‍ന്ന നില്‍ക്കുന്നത് ഏഴടി പൊക്കമുള്ള ബാരന്‍ ട്രംപ്
വാഷിങ്ടണ്‍: നാല് വര്‍ഷത്തെ ഇടവേളക്ക് ശേഷം ഡൊണാള്‍ഡ് ട്രംപ് വൈറ്റ്ഹൗസിലേക്ക് മടങ്ങി എത്തുമ്പോള്‍ മാധ്യമ ശ്രദ്ധ പിടിച്ചു പറ്റുന്നത് അദ്ദേഹത്തിന്റെ കുടുംബാംഗങ്ങളാണ്. ട്രംപിന്റെ പത്നിയായ മെലിനിയ തന്നെയാണ് ഇക്കുറിയും താരമായിരിക്കുന്നത്. കഴിഞ്ഞ ചൊവ്വാഴ്ച മുന്‍ മോഡല്‍ കൂടിയായ മെലിനിയ ട്രംപും ഒത്ത് വോട്ട് വോട്ട ചെയ്യാന്‍ എത്തിയപ്പോള്‍ അവിടെയെത്തിയ ചില ഓണ്‍ലൈന്‍ മാധ്യമപ്രവര്‍ത്തകര്‍ ട്രംപിനോടൊപ്പം ഉണ്ടായിരുന്നത് മെലനിയ അല്ല എന്ന ആരോപണവുമായി രംഗത്ത് എത്തിയിരുന്നു.
സാധാരണയില്‍ നിന്ന് വ്യത്യസ്തമായി അസാധാരണ വലുപ്പമുള്ള കൂളിംഗ് ഗ്ലാസ് ധരിച്ചാണ് അവര്‍ വോട്ട് ചെയ്യാന്‍ എത്തിയത്. എന്നാല്‍ പ്ലാസ്റ്റിക് സര്‍ജറിയിലൂടെ മുഖഭാവം മാറ്റിയാണ് മെലീനിയ ഇപ്പോള്‍ വൈറ്റ്ഹൗസിലേക്ക് താമസിക്കാന്‍ ഒരുങ്ങുന്നത് എന്നാണ് പറയപ്പെടുന്നത്. എന്നാല്‍ മെലിനിയ ഇക്കാര്യം നിഷേധിക്കുകയാണ്. എന്നാല്‍ കവിളുകളിലും മൂക്കിലും എല്ലാം അവര്‍ പ്ലാസ്റ്റിക് സര്‍ജറി നടത്തി മുഖഛായ മാറ്റി എന്ന് തന്നെയാണ് ആരോഗ്യമേഖലയിലെ വിദഗ്ധര്‍ പറയുന്നത്. ഇക്കുറി മെലിനിയ തെരഞ്ഞെടുപ്പ് പ്രചാരണവേദികളില്‍ അധികം പ്രത്യക്ഷപ്പെടാത്ത കാരണവും ഇതായിരിക്കും എന്നാണ് മാധ്യമങ്ങള്‍ പറയുന്നത്.
എന്നാല്‍ മെലിനീയക്ക് നാളുകളായി ഉറക്കക്കുറവ് അനുഭവപ്പെട്ടിരിക്കാം എന്നും ഭാരവും കുറഞ്ഞതായിട്ടാണ് തോന്നുന്നത് എന്നും അത് കൊണ്ടാണ്് അവര്‍ പ്ലാസ്റ്റിക് സര്‍ജറി ചെയ്തതായി സംശയം ഉയര്‍ന്നതെന്നും ചിലര്‍ കരുതുന്നു. വോട്ടെടുപ്പ് സമയത്ത് അവരെ കണ്ടവര്‍ താടിയുടെ ഭാഗം ചുരുങ്ങിയിരിക്കുന്നതായും സൂചിപ്പിച്ചിരുന്നു. അതേ സമയം ഇക്കുറി വൈറ്റ് ഹൗസില്‍ താരമാകാന്‍ പോകുന്നത് ട്രംപിന്റെ മരുമകള്‍ ലാറ ആയിരിക്കുമെന്നാണ് മറ്റ് ചിലര്‍ പറയുന്നത്. ട്രംപിന്റെ മാസങ്ങള്‍ നീണ്ട തെരഞ്ഞെടുപ്പ് പ്രചാരണ പരിപാടികളില്‍ അദ്ദേഹത്തിനൊപ്പം നിറഞ്ഞു നിന്നത് മരുമകളായ ലാറയായിരുന്നു.
കഴിഞ്ഞ ദിവസം ട്രംപ് തന്റെ തെരഞ്ഞടുപ്പ് വിജയം പ്രഖ്യാപിക്കുമ്പോഴും അവര്‍ വേദിയില്‍ ഒപ്പം ഉണ്ടായിരുന്നു. ട്രംപിന്റെ മകളായ ഇവാങ്ക ഇക്കുറി പ്രചരണ വേദികളില്‍ നിന്ന് വിട്ടുനില്‍ക്കുകയായിരുന്നു. ട്രംപ് വീണ്ടും വിജയിച്ചതിന്റെ ക്രെഡിറ്റ് ലാറയ്ക്കാണ് എന്നാണ് ഇപ്പോള്‍ റിപ്പബ്ലിക്കന്‍ പാര്‍ട്ടി പ്രവര്‍ത്തകര്‍ പലരും പറയുന്നത്. 41 കാരിയായ ലാറ ട്രംപിന്റെ മകനായ എറിക്കിന്റെ ഭാര്യയാണ്. എന്നാല്‍ 2016 ല്‍ ട്രംപ് വിജയം പ്രഖ്യാപിച്ച വേദിയില്‍ മകള്‍ ഇവാങ്കയാണ് ഒപ്പമുണ്ടായിരുന്നത്. ഇവരൊക്കെ സജീവമായി നില്‍ക്കുമ്പോഴും ട്രംപിന്റെ വിജയാഘോ, വേളയില്‍ ഏററവും ശ്രദ്ധ പിടിച്ചു പറ്റിയത് ട്രംപിന്റെ പതിനെട്ടുകാരനായ മകന്‍ ബാരണ്‍ ട്രംപാണ്.
ഏഴടിയോളം പൊക്കമുള്ള ബാരണ്‍ ഏത് ആള്‍ക്കൂട്ടത്തിലും ഉയര്‍ന്ന് നില്‍ക്കുന്ന വ്യക്തിത്വമായി മാറിക്കഴിഞ്ഞു. കൃത്യമായി പറഞ്ഞാല്‍ ആറടി 9 ഇഞ്ചാണ് ബാരന്റെ പൊക്കം. അമേരിക്കന്‍ പ്രസിഡന്റുമാരുടെ ചരിത്രത്തില്‍ ഏറ്റവും ഉയരം കൂടിയ വ്യക്തിയായ ഡൊണാള്‍ഡ് ട്രംപിന്റെ ഉയരം 6 അടി മൂന്ന് ഇഞ്ചാണ്. ലിററില്‍ ഡൊണാള്‍ഡ് എന്നാണ് ബാരണെ പ്രിയപ്പെട്ടവര്‍ വിളിക്കുന്നത്.
