കാർക്കിവും ഖേഴ്‌സണും തിരിച്ചുപിടിച്ച് മുന്നേറുമ്പോൾ യുക്രൈൻ സൈന്യം കാണുന്നത് സ്വന്തം ട്രഞ്ചുകളിൽ സ്വയം പൊട്ടിത്തെറിച്ച് കവചം തീർക്കുന്ന റഷ്യൻ സൈനികരെ; ഒരു വർഷത്തിലേറെയായി നടക്കുന്ന റഷ്യൻ - യുക്രൈൻ യുദ്ധമുഖത്ത് സംഭവിക്കുന്നത്
കീവ്: റഷ്യൻ പട്ടാളം കീഴടക്കി സ്വന്തമാക്കിയ പ്രദേശങ്ങൾ തിരിച്ചു പിടിക്കുകയാണ് യുക്രൈൻ സൈന്യം ഇപ്പോൾ. അതേസമയം, രാജ്യത്തിന്റെ തെക്ക് ഭാഗത്ത് അതിശക്തമായി പോരാടുന്ന യുക്രൈൻ സൈനികർക്ക് മുന്നിൽ സ്വയം പൊട്ടിത്തെറിക്കുകയാണ് റഷ്യൻ സൈനികർ. സ്വന്തം ഖനികളിൽ കനത്ത നാശനഷ്ടങ്ങൾ വിതച്ചുകൊണ്ടാണ് ജീവിതം അവസാനിപ്പിക്കുന്ന റഷ്യൻ സൈനികരെയാണ് യുക്രൈൻ പട്ടാളക്കാർ കാണുന്നത്. റഷ്യക്കാരിൽ നിന്ന് കൂടുതൽ പ്രദേശങ്ങൾ തിരിച്ചുപിടിക്കാൻ ശ്രമിച്ച സെലെൻസ്‌കിയുടെ സൈന്യത്തിനെതിരെ ജൂൺ മാസം ആദ്യമാണ് പ്രത്യാക്രമണം ആരംഭിച്ചത്.
ഖാർകിവ്, ഖേർസൺ തുടങ്ങിയ മേഖലകൾ തിരിച്ചു പിടിച്ച് അതിശയകരമായ വിജയങ്ങൾ നേടിയാണ് യുക്രൈൻ സൈന്യത്തിന്റെ മുന്നേറ്റം. എന്നിരുന്നാലും, റഷ്യക്കാർ ശക്തമായ പ്രതിരോധ സംവിധാനങ്ങളും നിർമ്മിച്ചിട്ടുണ്ട്. അക്കൂട്ടത്തിൽ ട്രഞ്ചുകളുടെ വിപുലമായ ശൃംഖലയും 'ഡ്രാഗൺസ് പല്ലുകൾ' എന്ന് വിളിക്കപ്പെടുന്ന ആന്റി ടാങ്ക് ബാരിയേഴ്സും എല്ലാറ്റിനുമുപരിയായി മൈൻഫീൽഡുകളും ഉൾപ്പെടുന്നു. വലിയ ആത്മവിശ്വാസത്തോടെ തന്നെയാണ് റഷ്യൻ സൈന്യത്തിന്റെ പോരാട്ടവും ചെറുത്തു നിൽപ്പും തുടരുന്നത്. ഇക്കാര്യം യുക്രൈൻ പ്രസിഡന്റ് സെലെൻസ്‌കി കഴിഞ്ഞ ദിവസം നടത്തിയ പ്രസംഗത്തിൽ വിശദമാക്കുകയും ചെയ്തു.
പുടിന്റെ സൈന്യം യുക്രൈൻ സൈനികരെ തടയാൻ തങ്ങളാൽ കഴിയുന്നതെല്ലാം ചെയ്യുന്നുണ്ടെന്ന് സെലെൻസ്‌കി പറഞ്ഞു. എന്നാൽ യുക്രൈയ്‌നിന്റെ പ്രത്യാക്രമണത്തിന് ഏറ്റവും വലിയ തടസ്സമായി മാറിയത് കുഴിബോംബുകളാണ്. എങ്കിലും അതിനെയെല്ലാം തരണം ചെയ്ത് 253 ചതുരശ്ര കിലോമീറ്റർ വീണ്ടെടുത്തതായും വിദഗ്ദ്ധർ പറയുന്നുണ്ട്. ചില സ്ഥലങ്ങളിൽ പരന്നു കിടക്കുന്ന വയലുകൾ മുഴുവൻ മൈൻ നിരത്തിയിരിക്കുകയാണ് എന്നാണ് യുക്രൈൻ സൈനികർ നേരിട്ട് മാധ്യമപ്രവർത്തകരോട് വ്യക്തമാക്കിയിരിക്കുന്നത്. തങ്ങൾക്ക് സങ്കൽപ്പിക്കാൻ കഴിയുന്നതിനും അപ്പുറമായിരുന്നു കാര്യങ്ങളെന്നാണ് ഇവർ വ്യക്തമാക്കിയത്.
എന്നാൽ ഈ മൈനുകൾ യുക്രൈനുകാർക്ക് മാത്രമല്ല, റഷ്യൻ സൈനികർക്കും പ്രശ്നങ്ങൾ സൃഷ്ടിക്കുന്നുണ്ട്. സപ്പോരിജിയയിൽ കീവിന്റെ സൈന്യം അസോവ് കടൽത്തീരത്തേക്ക് നീങ്ങുമ്പോൾ കടുത്ത റഷ്യൻ പ്രതിരോധമാണ് നേരിട്ടത്. തീരപ്രദേശത്ത് എത്തുന്നതോടെ റഷ്യൻ സൈന്യം രണ്ടായി വിഭജിച്ചു കൊണ്ടായിരിക്കും ഇതിനെ നേരിടുക. കൂടാതെ, കൂടാതെ ക്രിമിയയിലേക്കുള്ള ഭൂഗർഭ വിതരണ ലൈനുകളെ തടസ്സപ്പെടുത്തുകയും ചെയ്യും. ഇത് തിരിച്ചുപിടിക്കുക എന്നത് കീവിന്റെ പ്രധാന യുദ്ധ ലക്ഷ്യമാണ്. ഈ പ്രദേശത്ത് മൈനുകളാൽ വൻതോതിൽ മാലിന്യം നിറഞ്ഞിരിക്കുകയാണെന്നും റഷ്യൻ സൈന്യം യുക്രേനിയൻ ഉദ്യോഗസ്ഥനായ മേജർ ഒലെക്സി പറഞ്ഞു.
സ്വയം പൊട്ടിത്തെറിച്ചുകൊണ്ടു പോലും റഷ്യക്കാർ പ്രതിരോധിക്കുന്നു. പക്ഷേ ഇത് ഞങ്ങളുടെ പ്രവർത്തനങ്ങളെ കൂടുതൽ ബുദ്ധിമുട്ടാക്കുന്നു. റഷ്യൻ സൈന്യം എല്ലായ്‌പ്പോഴും അവരുടെ യുദ്ധ പ്രദേശങ്ങളിൽ മൈനുകൾ ധാരാളമായി ഉപയോഗിച്ചിട്ടുണ്ട്. അഫ്ഗാനിസ്ഥാനിലും ചെച്‌നിയയിലും 2014-ൽ ഡോൺബാസിൽ യുദ്ധം പൊട്ടിപ്പുറപ്പെട്ടപ്പോഴും അവ വ്യാപകമായി ഉപയോഗിച്ചിട്ടുണ്ട്. മാത്രമല്ല, കൂടുതൽ സങ്കീർണ്ണമായ സ്ഫോടകവസ്തുക്കൾ ഉൾപ്പെടുന്ന ജമ്പിങ് മൈനുകൾ എന്ന് വിളിക്കപ്പെടുന്നവ അടക്കമാണ് റഷ്യൻ സൈന്യം ഉപയോഗിക്കുന്നത്.
മൈൻഫീൽഡുകൾ മറികടക്കുവാൻ ഉക്രേനിയക്കാർ വിജയിച്ച പ്രദേശങ്ങളിൽ, റഷ്യൻ സൈന്യം റോക്കറ്റുകൾ തൊടുക്കുകയും മറ്റും ചെയ്ത് സെലെൻസ്‌കിയുടെ സൈനികർക്ക് കൂടുതൽ മാരകമായ തടസ്സങ്ങൾ സൃഷ്ടിക്കുകയും ചെയ്യുന്നു. എങ്കിലും യുക്രൈയ്ൻ സൈന്യത്തിന് നിരവധി ബുദ്ധിമുട്ടുകൾ അഭിമുഖീകരിക്കേണ്ടതായി വന്നിട്ടും പ്രത്യാക്രമണത്തിൽ ശക്തമായ പുരോഗതി കൈവരിക്കുന്നുണ്ട്. അസോവ് കടലിലെത്തുക എന്നത് മാത്രമാണ് ഇപ്പോഴത്തെ ലക്ഷ്യം.
