ശ്രീനഗര്‍: കേന്ദ്ര സർക്കാർ കശ്മീരികളോട് അനുകമ്പ കാണിക്കണമെന്ന് പിഡിപി നേതാവ് മെഹബൂബ മുഫ്തി വ്യക്തമാക്കി. ഭീകരവാദികൾക്കെതിരെ കടുത്ത നടപടി തന്നെ സ്വീകരിക്കണമെന്നും. അതേസമയം, അവിടെത്തെ സാധാരണ ആളുകളെ തിരിച്ചറിയാനും സാധിക്കണമെന്ന് അവർ വ്യക്തമാക്കി. സാധാരണക്കാർക്കെതിരെ കടുത്ത നടപടികൾ സ്വീകരിക്കരുത്. നിരവധി ആളുകളെ തടങ്കലിൽ വെച്ചിരിക്കുന്നത് ഒട്ടും ശരിയല്ല. വിനോദസഞ്ചാര മേഖലകൾ സുരക്ഷിതമാക്കണമെന്നും മെഹബൂബ കൂട്ടിച്ചേർത്തു.

അതേസമയം, പഹൽഗാം ആക്രമണത്തിന് പിന്നാലെ ശക്തമായ തിരിച്ചടി നൽകുമെന്ന് പ്രതിരോധമന്ത്രി രാജ് നാഥ് സിങ് വ്യക്തമാക്കി. ജപ്പാൻ പ്രതിരോധ മന്ത്രിയുമായി സിങ് ഇന്ന് കൂടിക്കാഴ്ച നടത്തും. തുർക്കിയുടെ നാവികസേന കപ്പൽ കറാച്ചി തുറമുഖത്ത് എത്തിയത് സൗഹൃദ സന്ദർശനം ആണെന്നാണ് പാക്കിസ്ഥാൻ വ്യക്തമാക്കി.

പഹൽഗാം ആക്രമണത്തിന് ശേഷം അതിർത്തിയിൽ പ്രകോപനം തുടരുന്ന പാക്കിസ്ഥാന് ശക്തമായി തിരിച്ചടി നൽകുമെന്നാണ് ഇന്ത്യ മുന്നറിയിപ്പ് നൽകുന്നത്. വനമേഖലകളിൽ അടക്കം സൈന്യം സുരക്ഷ ശക്തമാക്കിയിട്ടുണ്ട്. ആക്രമണത്തിന് തിരിച്ചടി നൽകുക എന്നത് പ്രതിരോധ മന്ത്രി എന്ന നിലയിൽ തന്‍റെ ഉത്തരവാദിത്തമാണെന്നും രാജ് നാഥ് സിങ് വ്യക്തമാക്കി.

പിഡിപി നേതാവ്മെഹബൂബ മുഫ്തി

സ്വന്തം ലേഖകൻ