ഐ എ എസ് തലപ്പത്ത് വീണ്ടും അഴിച്ചുപണി; പി ബി നൂഹ് ഗതാഗത വകുപ്പ് സ്‌പെഷ്യല്‍ സെക്രട്ടറി; ശ്രീറാം വെങ്കിട്ടരാമന്‍ അഗ്രിക്കള്‍ച്ചര്‍ ഡെവലപ്മെന്റ് ആന്‍ഡ് ഫാര്‍മേഴ്സ് വെല്‍ഫയര്‍ വകുപ്പ് ഡയറക്ടര്‍
ഐഎഎസ് തലപ്പത്ത് വീണ്ടും അഴിച്ചുപണി
തിരുവനന്തപുരം: ഐഎഎസ് തലപ്പത്ത് വീണ്ടും അഴിച്ചുപണി. ധനവകുപ്പ് ജോയിന്റ് സെക്രട്ടറി ശ്രീറാം വെങ്കിട്ടരാമനെ അഗ്രിക്കള്‍ച്ചര്‍ ഡെവലപ്മെന്റ് ആന്‍ഡ് ഫാര്‍മേഴ്സ് വെല്‍ഫയര്‍ വകുപ്പ് ഡയറക്ടറായി നിയമിച്ചു. സിവില്‍ സപ്ലൈസ് കോര്‍പ്പറേഷന്‍ എംഡി പി.ബി.നൂഹിനെ ഗതാഗത വകുപ്പ് സ്പെഷല്‍ സെക്രട്ടറിയായി നിയമിച്ചു. ട്രാന്‍സ്‌പോര്‍ട്ട് ഡവലപ്‌മെന്റ് ഫിനാന്‍സ് കോര്‍പറേഷന്റെ (KTDFC) പൂര്‍ണ അധിക ചുമതലയും നല്‍കിയിട്ടുണ്ട്. പകരം ഡോ.അശ്വതി ശ്രീനിവാസിനാണ് സപ്ലൈകോയുടെ ചുമതല.
ഡോ. അദീല അബ്ദുല്ലയെ സാമൂഹ്യനീതി വകുപ്പ് സ്പെഷല്‍ സെക്രട്ടറിയായി നിയമിച്ചു. ഫിഷറീസ് ഡയറക്ടര്‍ ബി. അബ്ദുള്‍ നാസറിനെ കായികവകുപ്പ് സ്പെഷല്‍ സെക്രട്ടറിയായി മാറ്റി നിയമിച്ചു. കൊളീജിയറ്റ് വിദ്യാഭ്യാസ ഡയറക്ടര്‍ സുധീര്‍ കെ ന്യൂനപക്ഷ ക്ഷേമ വകുപ്പ് ഡയറക്ടര്‍ സ്ഥാനത്തിന്റെ പൂര്‍ണ്ണ അധിക ചുമതല വഹിക്കും.
Next Story
