മൂന്ന് വോട്ടിന്റെ ഭൂരിപക്ഷം; തൃപ്പൂണിത്തുറ നഗസഭയില് ബിജെപി ഭരിക്കും; അഡ്വ. പി എല് ബാബു ചെയര്പേഴ്സണ്; എല്ഡിഎഫിന്റെ രണ്ട് വോട്ട് അസാധു
കൊച്ചി: തൃപ്പുണിത്തുറ നഗരസഭയില് ആദ്യമായി ബിജെപി അധികാരത്തിലേറി. മൂന്ന് വോട്ടിന്റെ ഭൂരിപക്ഷത്തിലാണ് ബിജെപി നേതാവ് അഡ്വ. പി.എല്. ബാബു മുന്സിപ്പല് ചെയര്മാനായി തിരഞ്ഞെടുക്കപ്പെട്ടത്. 21 വോട്ടുകളാണ് ബാബുവിന് ലഭിച്ചത്. എല്ഡിഎഫിനെ അട്ടിമറിച്ചാണ് എന്ഡിഎ ഭരണംപിടിച്ചത്. വോട്ടെണ്ണലിന് പിന്നാലെ പി.എല്. ബാബു നഗരസഭാ ചെയര്മാനായി സത്യപ്രതിജ്ഞ ചെയ്ത് അധികാരമേറ്റു.
രണ്ട് റൗണ്ടായി നടന്ന വോട്ടെടുപ്പില് പി.എല്. ബാബുവിന് 21 വോട്ടുകളും എല്ഡിഎഫിന് 18 വോട്ടുകളും ലഭിച്ചു. ഇടതുമുന്നണിയുടെ രണ്ട് വോട്ടുകള് അസാധുവായി. നഗരസഭയില് എല്ഡിഎഫിന് 20-ഉം എന്ഡിഎയ്ക്ക് 21 സീറ്റുകളുമാണ് ലഭിച്ചിരുന്നത്. യുഡിഎഫിന് 12 സീറ്റുകളുമായിരുന്നു ലഭിച്ചത്. 40 വര്ഷം എല്ഡിഎഫും അഞ്ച് വര്ഷം യുഡിഎഫുമാണ് തൃപ്പൂണിത്തുറ നഗരസഭ ഭരിച്ചത്.
കൗണ്സിലര്മാരുടെ ഭൂരിപക്ഷപിന്തുണയുണ്ടായിരുന്ന യു മധുസൂദനന് പാര്ലമെന്ററി പാര്ട്ടി യോഗത്തില് നിന്നും ഇറങ്ങിപ്പോകുന്ന സാഹചര്യമുണ്ടായി. പാര്ട്ടിഭാരവാഹികളും രാജി ഭീഷണി മുഴക്കി രംഗത്തെത്തിയിരുന്നു. എസ് സുരേഷിന്റെ പിന്തുണയുള്ള ബിജെപി സംസ്ഥാന കമ്മിറ്റി അംഗം കൂടിയാണ് മധുസൂദനന്.
രണ്ടു റൗണ്ടായിട്ടാണ് വോട്ടെടുപ്പ് നടന്നത്. സിപിഎം സ്ഥാനാര്ത്ഥിക്ക് 18 വോട്ടുകളാണ് ലഭിച്ചത്. ആദ്യ റൗണ്ടില് ആര്ക്കും വ്യക്തമായ ഭൂരിപക്ഷം ലഭിച്ചില്ല. തുടര്ന്ന് രണ്ടാം റൗണ്ടില് കോണ്ഗ്രസ് വോട്ടെടുപ്പില് നിന്നും വിട്ടു നിന്നു. തുടര്ന്ന് നടന്ന വോട്ടെടുപ്പില് ബിജെപിയുടെ പി എല് ബാബുവിന് 21 വോട്ടുകള് ലഭിച്ചു. എല്ഡിഎഫിന് 18 വോട്ടുകളും ലഭിച്ചു. ഇടതുമുന്നണിയുടെ രണ്ട് വോട്ടുകള് അസാധുവായി.
ബിജെപിയെ ഭരണത്തില് നിന്നും അകറ്റി നിര്ത്താനായി സിപിഎമ്മിനെ പിന്തുണയ്ക്കേണ്ടതില്ലെന്ന് കോണ്ഗ്രസ് തീരുമാനിച്ചിരുന്നു. ഇതോടെയാണ് ബിജെപിക്ക് ഭരണത്തിന് വഴിതുറന്നത്. വോട്ടെണ്ണലിന് പിന്നാലെ പി എല് ബാബു നഗരസഭ ചെയര്മാനായി സത്യപ്രതിജ്ഞ ചെയ്ത് അധികാരമേറ്റു. ചരിത്രത്തില് ആദ്യമായിട്ടാണ് ബിജെപി തൃപ്പൂണിത്തുറ മുനിസിപ്പാലിറ്റിയില് അധികാരത്തിലേറുന്നത്.
