ചരിത്രത്തില് ആദ്യമായി ആലായിലും ബുധനൂരിലും കാര്ത്തികപ്പള്ളിയിലും; ആലപ്പുഴ സൗത്ത് ജില്ലയിലെ ആറ് പഞ്ചായത്തുകള് ബിജെപി ഭരിക്കും; മുന്സിപ്പാലിറ്റിയിലും നാല് പഞ്ചായത്തിലും പ്രധാന പ്രതിപക്ഷം
ചെങ്ങന്നൂര്: ആലപ്പുഴ ജില്ലയിലെ ചെങ്ങന്നൂര് മണ്ഡലത്തിലെ അഞ്ച് പഞ്ചായത്തുകളില് ബിജെപി ഭരണം പിടിച്ചു. ആകെയുള്ള 10 പഞ്ചായത്തുകളില് 5 ല് ഭരണവും 4 പഞ്ചായത്തുകളിലും ചെങ്ങന്നൂര് മുന്സിപ്പാലിറ്റിയിലും ബിജെപി മുഖ്യ പ്രതിപക്ഷവുമാണ്.
ആലപ്പുഴ സൗത്ത് ജില്ലയിലെ ആറ് പഞ്ചായത്തുകളിലാണ് ബിജെപി ഭരണം ഉറപ്പിച്ചത്. ആലായിലും ബുധനൂരിലും കാര്ത്തികപ്പള്ളിയിലും തിരുവന്വണ്ടൂരിലും പാണ്ടനാട്ടും ചെന്നിത്തലയിലും ബിജെപി ഭരണത്തിലേറി. ആലായിലും ബുധനൂരിലും കാര്ത്തികപ്പള്ളിയിലും ചരിത്രത്തില് ആദ്യമായാണ് ബിജെപി ഭരണം നേടിയത്. ചെങ്ങന്നൂര് നിയോജകമണ്ഡലത്തിലെ 10 പഞ്ചായത്തില് 5 ഇടത്തും ബിജെപി ഭരണത്തില് എത്തി.
ആലാ പഞ്ചായത്ത് പ്രസിഡന്റായി അനീഷാ ബിജുവും, ബുധനൂര് പ്രസിഡന്റായി പ്രമോദ് കുമാറും കാര്ത്തികപ്പള്ളി പ്രസിഡന്റായി പി ഉല്ലാസനും തിരുവന്വണ്ടൂര് പ്രസിഡന്റായി സ്മിതാ രാജേഷും പാണ്ടനാട് പഞ്ചായത്ത് പ്രസിഡന്റായി ജിജി കുഞ്ഞുകുഞ്ഞും ചെന്നിത്തല പ്രസിഡന്റായി ബിനുരാജും തിരഞ്ഞെടുക്കപ്പെട്ടു.
ബിജെപി ഭരണം നേടിയ ചെങ്ങന്നൂരിലെ പഞ്ചായത്തുകള്
1 പാണ്ടനാട്
2 തിരുവന്വണ്ടൂര്
3 ആലാ
4 ബുധനൂര്
5 ചെന്നിത്തല
