മകളുടെ നഗ്‌ന ദൃശ്യങ്ങൾ ഷെയർ ചെയ്യുന്ന പിതാക്കന്മാർ; മൂന്ന് വയസ്സിൽ താഴെയുള്ള കുട്ടികളെ ഉപദ്രവിക്കുന്നത് കാണാൻ ആഗ്രഹിക്കുന്ന ഞരമ്പു രോഗികൾ; നഗ്‌ന ചിത്രങ്ങൾ പോസ്റ്റ് ചെയ്യാൻ ഇനിയും ആളുകളെ പ്രേരിപ്പിക്കുമെന്ന് ആവർത്തിക്കുന്ന അഡ്‌മിൻ; പൂമ്പാറ്റയിലെ സന്ദേശങ്ങൾ വായിച്ച് ഞെട്ടി പൊലീസും; ഷറഫ് അലിയുടെ അറസ്റ്റിൽ തെളിയുന്നത് സോഷ്യൽ മീഡിയയിലെ പെഡോഫീലിയ നെറ്റ്‌വർക്കിന്റെ വ്യാപ്തി തന്നെ
മലപ്പുറം: പ്രായപൂർത്തിയാവാത്ത കുട്ടികളുടെ അശ്ലീല ചിത്രങ്ങളും വീഡിയോകളും കൈമാറുന്ന സോഷ്യൽ മീഡിയ ഗ്രൂപ്പുകൾ സജീവം. ഇത്തരത്തിലൊരു ഗ്രൂപ്പിലെ പ്രധാനിയായ ഷറഫ് അലി അറസ്റ്റിലായതിനെത്തുടർന്ന് പൊലീസ് നടത്തിയ തിരച്ചിലിൽ ഞെട്ടിക്കുന്ന വിവരമാണു ലഭിച്ചത്. തുടർന്ന് ഇത്തരം ഗ്രൂപ്പുകളുടെ പ്രവർത്തനം കണ്ടെത്താനായി കേരള പൊലീസ് വിശദമായ പരിശോധന ആരംഭിച്ചുകഴിഞ്ഞു. പൂമ്പാറ്റ എന്ന പേരിൽ പ്രവർത്തിച്ചിരുന്ന ഗ്രൂപ്പിന്റെ അഡ്‌മിനാണ് അറസ്റ്റിലായ ഷറഫ് അലി. തന്നെ അറസ്റ്റ് ചെയ്യാൻ പൊലീസിനെന്നല്ല ആർക്കും അധികാരമില്ലെന്ന് കുട്ടികളുടെ നഗ്‌ന ചിത്രങ്ങൾ കൈമാറുന്ന ഗ്രൂപ്പുകളുടെ അഡ്‌മിന്റെ വിചിത്ര വാദം. കഴിഞ്ഞ ദിവസം മലപ്പുറത്ത് നിന്നും അറസ്റ്റിലായ ഷറഫ് അലിയാണ് തന്നെ അറസ്റ്റ് ചെയ്യാൻ ആർക്കും അധികാരമില്ലെന്നും കുട്ടികളുടെ നഗ്‌ന ചിത്രങ്ങൾ പോസ്റ്റ് ചെയ്യാൻ ഇനിയും ആളുകളെ പ്രേരിപ്പിക്കുമെന്നും വാദിച്ചത്. ഇത് പൊലീസിനെ ഞെട്ടിച്ചിട്ടുണ്ട്. കുട്ടികളുടെ ദൃശ്യങ്ങൾ പങ്കുവയ്ക്കുന്നവർ വരെ പൂമ്പാറ്റ ഗ്രൂപ്പിൽ ഉണ്ടായിരുന്നതായി പൊലീസ് കണ്ടെത്തി.
മലപ്പുറം: പ്രായപൂർത്തിയാവാത്ത കുട്ടികളുടെ അശ്ലീല ചിത്രങ്ങളും വീഡിയോകളും കൈമാറുന്ന സോഷ്യൽ മീഡിയ ഗ്രൂപ്പുകൾ സജീവം. ഇത്തരത്തിലൊരു ഗ്രൂപ്പിലെ പ്രധാനിയായ ഷറഫ് അലി അറസ്റ്റിലായതിനെത്തുടർന്ന് പൊലീസ് നടത്തിയ തിരച്ചിലിൽ ഞെട്ടിക്കുന്ന വിവരമാണു ലഭിച്ചത്. തുടർന്ന് ഇത്തരം ഗ്രൂപ്പുകളുടെ പ്രവർത്തനം കണ്ടെത്താനായി കേരള പൊലീസ് വിശദമായ പരിശോധന ആരംഭിച്ചുകഴിഞ്ഞു. പൂമ്പാറ്റ എന്ന പേരിൽ പ്രവർത്തിച്ചിരുന്ന ഗ്രൂപ്പിന്റെ അഡ്‌മിനാണ് അറസ്റ്റിലായ ഷറഫ് അലി.
തന്നെ അറസ്റ്റ് ചെയ്യാൻ പൊലീസിനെന്നല്ല ആർക്കും അധികാരമില്ലെന്ന് കുട്ടികളുടെ നഗ്‌ന ചിത്രങ്ങൾ കൈമാറുന്ന ഗ്രൂപ്പുകളുടെ അഡ്‌മിന്റെ വിചിത്ര വാദം. കഴിഞ്ഞ ദിവസം മലപ്പുറത്ത് നിന്നും അറസ്റ്റിലായ ഷറഫ് അലിയാണ് തന്നെ അറസ്റ്റ് ചെയ്യാൻ ആർക്കും അധികാരമില്ലെന്നും കുട്ടികളുടെ നഗ്‌ന ചിത്രങ്ങൾ പോസ്റ്റ് ചെയ്യാൻ ഇനിയും ആളുകളെ പ്രേരിപ്പിക്കുമെന്നും വാദിച്ചത്. ഇത് പൊലീസിനെ ഞെട്ടിച്ചിട്ടുണ്ട്. കുട്ടികളുടെ ദൃശ്യങ്ങൾ പങ്കുവയ്ക്കുന്നവർ വരെ പൂമ്പാറ്റ ഗ്രൂപ്പിൽ ഉണ്ടായിരുന്നതായി പൊലീസ് കണ്ടെത്തി. ടെലഗ്രാം എന്ന മെസേജിങ് ആപ്പ് വഴി പ്രവർത്തിക്കുന്ന ഗ്രൂപ്പുകളുടെ തലവനാണ് ഷറഫ് അലി. അലിയെ ചോദ്യംചെയ്തപ്പോഴാണ് കേരളത്തിൽ സജീവമായ പെഡോഫീലിയ നെറ്റ്‌വർക്കിനെക്കുറിച്ച് വിവരം ലഭിക്കുന്നത്.
പ്രായപൂർത്തിയെത്താത്ത പെൺകുട്ടികളുടെ അശ്ലീല ചിത്രങ്ങൾ പ്രചരിപ്പിക്കുന്ന നാല് ഗ്രൂപ്പുകൾ ഇയാൾ കൈകാര്യംചെയ്തിരുന്നു. ഇതിൽ നൂറുകണക്കിന് അംഗങ്ങളുമുണ്ട്. പെൺകുട്ടികളും ആൺകുട്ടികളും ഒരുപോലെ രതിവൈകൃതത്തിന് ഇരകളാവുന്നു എന്ന വിവരമാണ് പൊലീസിന് ലഭിക്കുന്നു. അലിയിൽ നിന്ന് പിടിച്ചെടുത്ത മൊബൈലിൽ 10 വയസ്സിൽ താഴെയുള്ള പെൺകുട്ടികളുടെ ചിത്രങ്ങളും വീഡിയോകളും ഉണ്ടായിരുന്നതായാണു വിവരം. അതേസമയം, ടെലഗ്രാം ഉപയോഗിച്ചുള്ള ഗ്രൂപ്പുകൾ ആയതിനാൽ മൊബൈൽ നമ്പറുകൾ കണ്ടെത്തുക പ്രയാസമാണ്. എന്നാൽ ചില അംഗങ്ങളുടെ മൊബൈൽ നമ്പറുകൾ തിരിച്ചറിഞ്ഞ പൊലീസ് ബന്ധപ്പെട്ട നെറ്റ്‌വർക് ഓപറേറ്റർമാരോട് ഇവരെ കണ്ടെത്താൻ ആവശ്യപ്പെട്ടിട്ടുണ്ട്.
കർശനമായ നിർദേശങ്ങളോടെ മാത്രമേ ഗ്രൂപ്പിൽ അംഗങ്ങളെ ചേർത്തിരുന്നുള്ളൂ. അതുകൊണ്ടുതന്നെ പിടിക്കപ്പെടില്ല എന്ന ഉറപ്പിലായിരുന്നു ഗ്രൂപ്പിന്റെ പ്രവർത്തനം. ബലാൽസംഗ വീഡിയോകൾ വരെ ഗ്രൂപ്പിൽ പോസ്റ്റ് ചെയ്തിരുന്നതായാണു വിവരം. ടെലഗ്രാം എന്ന മെസേജിങ് ആപ്പ് വഴി പ്രവർത്തിക്കുന്ന ഗ്രൂപ്പുകളുടെ തലവൻ ഷറഫ് അലിയെ വ്യാഴാഴ്ചയാണ് മലപ്പുറത്ത് നിന്നും വണ്ടൂർ പൊലീസ് അറസ്റ്റ് ചെയ്തത്. പ്രായപൂർത്തിയെത്താത്ത പെൺകുട്ടികളുടെ അശ്ലീല ചിത്രങ്ങൾ പ്രചരിപ്പിക്കുന്ന നാല് ഗ്രൂപ്പുകൾ ഇയാൾ കൈകാര്യം ചെയ്തിരുന്നു.
പൂമ്പാറ്റ എന്ന പേരിൽ പ്രവർത്തിച്ചിരുന്ന ഗ്രൂപ്പുകളുടെയെല്ലാം തലവൻ അലി മാത്രമായിരുന്നു. എം. കോം ബിരുദ ധാരിയായ ഇയാൾ ഞരമ്പു രോഗികളായ ആളുകളെ മാത്രമാണ് ഗ്രൂപ്പിൽ അംഗങ്ങളാക്കിയിരുന്നത്. ഇത് കൂടാതെ പ്രാദേശികമായി സംഘടിപ്പിക്കുന്ന അശ്ലീല വീഡിയോകൾ ഉപയോഗിച്ച് ഇയാൾ ഒരു അശ്ലീല വെബ്‌സൈറ്റും തുടങ്ങിയിരുന്നു. ഇത് പൊലീസ് പൂട്ടിച്ചു. പ്രായപൂർത്തിയെത്താത്ത കുട്ടികളുടെ നഗ്‌നത ആസ്വാദിക്കുന്ന ഗ്രൂപ്പിൽ മലയാളികളോ ഇന്ത്യക്കാരോ കഥാപാത്രങ്ങളല്ലാത്ത ഒരു വീഡിയോയും ചിത്രവും പോസ്റ്റ് ചെയ്യരുതെന്ന് അഡ്‌മിന്റെ കർശന നിർദ്ദേശമുണ്ട്. ഇതിനിടയിൽ ഗ്രൂപ്പിൽ ആക്ടീവ് അല്ലാത്ത ആളുകളെ റിമൂവ് ചെയ്യുമെന്ന ഭീഷണിപ്പെടുത്തലുകളും.
പുതിയ വീഡിയോകൾ ഗ്രൂപ്പിൽ ഷെയർ ചെയ്യാതിരിക്കുന്നത് അഡ്‌മിന്റെ അപ്രീതിക്ക് ഇടയാക്കും. അതിനാൽ തന്നെ എല്ലാവരും ഈ ഗ്രൂപ്പിൽ പുതിയ വീഡിയോകളും ചിത്രങ്ങളും പോസ്റ്റ് ചെയ്യാറുണ്ടായിരുന്നു. മകളുടെ നഗ്‌ന ദൃശ്യങ്ങൾ ഷെയർ ചെയ്യുന്ന പിതാക്കന്മാർ വരെ ഇത്തരം ഗ്രൂപ്പുകളിൽ ഉണ്ടായിരുന്നതായി പറയുന്നു. ഗ്രൂപ്പിലെ സന്ദേശങ്ങൾ വായിച്ച പൊലീസുകാർക്ക് ലഭിച്ചത് മനസാക്ഷിയെ മരവിപ്പിക്കുന്ന അനുഭവമായിരുന്നു.
ഗ്രൂപ്പിലെ ഒരു അംഗത്തിന്റെ നിർദ്ദേശം ഇങ്ങനെ... മൂന്ന് വയസിൽ താഴെയുള്ള കുട്ടികളെ ഉപദ്രവിക്കുന്ന ദൃശ്യങ്ങൾ മാത്രം ചിത്രീകരിച്ചാൽ മതി, അതാകുമ്പോൾ കുട്ടിക്ക് ശരിയായ ഓർമയുമുണ്ടാകില്ല അവർ ഇതൊന്നും പുറത്ത് പറയുകയും ഇല്ല. എന്നാൽ ഇത് അംഗീകരിക്കാതിരുന്ന ഗ്രൂപ്പ് അഡ്‌മിൻ നാല് വയസ് മുതൽ 14 വയസുവരെയുള്ള കുട്ടികളുടെ ദൃശ്യങ്ങൾ മാത്രം ഗ്രൂപ്പിൽ ഷെയർ ചെയ്താൽ മതിയെന്ന് നിർദ്ദേശിക്കുകയായിരുന്നുവെന്നും പൊലീസ് കണ്ടെത്തി.
