ഖത്തറില്‍ വാഹനാപകടത്തില്‍ മലയാളി ഉള്‍പ്പെടെ രണ്ടുപേര്‍ മരിച്ചു; അപകടം നിര്‍ത്തിയിട്ടിരുന്ന ട്രെയിലറിന് പിന്നില്‍ ഇടിച്ച്; ഒരാൾക്ക് ഗുരുതര പരിക്ക്

ദോഹ: ഖത്തറില്‍ വാഹനാപകടത്തില്‍ മലയാളി ഉള്‍പ്പെടെ രണ്ടുപേര്‍ മരിച്ചു. അപകടത്തിൽ ഒരാൾക്ക് ഗുരുതര പരിക്ക്. കണ്ണൂര്‍ മട്ടന്നൂര്‍ ചോലയില്‍ രഹനാസാണ് (40) മരിച്ചത്. വെള്ളിയാഴ്ച വൈകുന്നേരമാണ് അപകടമുണ്ടായത്. കൂടെയുണ്ടായിരുന്ന നേപ്പാള്‍ സ്വദേശിയും അപകടത്തില്‍ മരിച്ചു. ഒപ്പമുണ്ടായിരുന്ന മറ്റൊരു നേപ്പാള്‍ സ്വദേശിയെയാണ് ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചിച്ചത്.

രാത്രി ഏഴു മണിയോടെ ഡെലിവറിക്കായി പോകുന്നതിനിടെയാണ് അപകടം ഉണ്ടായത്. ഇവര്‍ സഞ്ചരിച്ച വാഹനം നിര്‍ത്തിയിട്ട ട്രെയിലറിന് പിന്നില്‍ ഇടിച്ചാണ് അപകടം ഉണ്ടായത്. ഖത്തറിലെ സ്വകാര്യ കമ്പനിയില്‍ ജീവനക്കാരാണ് ഇവര്‍.