വിവാഹ മോചിതയായ സ്ത്രീയെ വിവാഹ വാഗ്ദാനം നൽകി പീഡിപ്പിച്ചു; പല തവണയായി പണവും കൈക്കലാക്കി; പന്നിയങ്കര സ്വദേശിയായ യുവാവ് ഒളിവിൽ

കോഴിക്കോട്: വിവാഹമോചിതയായ സ്ത്രീയെ വിവാഹ വാഗ്ദാനം നൽകി പീഡിപ്പിച്ച കേസിൽ പ്രതി ഒളിവിൽ. കോഴിക്കോട് പന്നിയങ്കര സ്വദേശി ഫഹദിനെയാണ് പൊലീസ് തിരയുന്നത്. കോഴിക്കോട് കോർപ്പറേഷനിൽ താൽക്കാലിക ആംബുലൻസ് ഡ്രൈവറും കോവിഡ് വോളന്റിയറുമാണ് ഇയാൾ.

ഫഹദിനെതിരെ പന്നിയങ്കര പൊലീസാണ് കേസെടുത്തത്. വിവാഹ വാഗ്ദാനം നൽകി പീഡിപ്പിച്ചെന്ന വിവാഹമോചിതയായ പെൺകുട്ടിയുടെ പരാതിയുടെ അടിസ്ഥാനത്തിലായിരുന്നു കേസ്. പ്രതി പെൺകുട്ടിയിൽ നിന്ന് പല തവണയായി പണം കൈക്കലാക്കിയതായും പരാതിയിലുണ്ട്. പെൺകുട്ടിയുടെ മൊഴി പൊലീസ് രേഖപ്പെടുത്തി. പെൺകുട്ടി മജിസ്‌ട്രേറ്റിന് മുന്നിൽ 164 സ്റ്റേറ്റ്‌മെന്റും നൽകിയിട്ടുണ്ട്.

പ്രതിക്കായി പൊലീസ് തിരച്ചിൽ ആരംഭിച്ചു. പ്രതിയുടെ ഫോൺ സ്വിച്ച് ഓഫ് ചെയ്ത നിലയിലാണ്. പരാതിക്കാരിയായ പെൺകുട്ടിയുമായുള്ള ബന്ധം മറച്ചുവെച്ച് പ്രതിയായ ഫഹദ് മറ്റൊരു വിവാഹം കഴിച്ചതായും പൊലീസിന് വിവരം ലഭിച്ചിട്ടുണ്ട്.