പ്രായപൂർത്തിയാകാത്ത പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ചു; യുവാവ് അറസ്റ്റിൽ

കൊല്ലം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച യുവാവ് അറസ്റ്റിൽ . തൃക്കോവിൽവട്ടം കണ്ണനല്ലൂർ കല്ലുവിളയിൽ ഹാഷിം (20) പിടിയിലായത്. സമൂഹമാധ്യമത്തിലൂടെ പരിചയപ്പെട്ട പെൺകുട്ടിയെ ഇയാൾ വിവാഹ വാഗ്ദാനം നൽകി പീഡിപ്പിക്കുകയായിരുന്നു.

പെൺകുട്ടിയെ കാണാതായതിനെത്തുടർന്ന് പിതാവ് ഇരവിപുരം പൊലീസിൽ നൽകിയ പരാതിയെത്തുടർന്ന് രജിസ്റ്റർ ചെയ്ത കേസിലെ അന്വേഷണത്തിൽ പെൺകുട്ടിയെ കണ്ടെത്തുകയായിരുന്നു.

ഇരവിപുരം സിഐ വി.വി. അനിൽകുമാറിന്റെ നേതൃത്വത്തിൽ എസ്‌ഐമാരായ അനുരൂപ, സുനിൽ, സി.പി.ഒ ജാൻസി, അമ്പു എന്നിവർ ചേർന്നാണ് ഇയാളെ പിടികൂടിയത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.