കെഎസ്ആർടിസിയുടെ 'റീച്ച് ഓൺ ഫാസ്റ്റ് ബസി'നു വൻ സ്വീകാര്യത; കൊറിയർ അയച്ചാൽ ശരവേഗത്തിൽ ആവശ്യക്കാരന്റെ കൈയിൽ പാഴ്‌സലെത്തും: സേവനമേഖലയിലെ കെഎസ്ആർടിസിയുടെ വ്യത്യസ്ത കാൽവയ്പിനു മലയാളികളുടെ കൈയടി
തിരുവനന്തപുരം: ഒരു അത്യാവശ്യ കാര്യത്തിന് പ്രധാനപ്പെട്ട ഒരു ഡോക്യുമെന്റ് തിരുവനന്തപുരത്തു നിന്നു തൃശൂരിൽ എത്തിക്കണം. ഇന്നു തന്നെ അത് അവിടെ എത്തുകയും വേണം. ഇവിടെ നിന്നു മാറാനും പറ്റാത്ത അവസ്ഥയാണ്. എന്തു ചെയ്യും? കൊറിയർ അയക്കാമെന്നു വച്ചാൽ എത്താൻ ദിവസം ഒന്നു കഴിയും. കൂട്ടുകാരെയോ മറ്റോ പറഞ്ഞുവിടാമെന്നു കരുതിയാലോ, എല്ലാവർക്കും ഒന്ന
തിരുവനന്തപുരം: ഒരു അത്യാവശ്യ കാര്യത്തിന് പ്രധാനപ്പെട്ട ഒരു ഡോക്യുമെന്റ് തിരുവനന്തപുരത്തു നിന്നു തൃശൂരിൽ എത്തിക്കണം. ഇന്നു തന്നെ അത് അവിടെ എത്തുകയും വേണം. ഇവിടെ നിന്നു മാറാനും പറ്റാത്ത അവസ്ഥയാണ്. എന്തു ചെയ്യും? കൊറിയർ അയക്കാമെന്നു വച്ചാൽ എത്താൻ ദിവസം ഒന്നു കഴിയും. കൂട്ടുകാരെയോ മറ്റോ പറഞ്ഞുവിടാമെന്നു കരുതിയാലോ, എല്ലാവർക്കും ഒന്നു മാറി നിൽക്കാൻ പോലും പറ്റാത്ത തിരക്ക്.
ഇത്തരമൊരു അവസ്ഥ നിങ്ങൾക്കുണ്ടായിട്ടുണ്ടോ? എങ്കിലിതാ അതിനൊരു പരിഹാരം. നമ്മുടെ സ്വന്തം കെഎസ്ആർടിസി വക. രാവിലെ ഒരു പാഴ്‌സൽ നമ്മുടെ ആനവണ്ടിയെ ഏൽപ്പിച്ചാൽ അന്നു തന്നെ എത്തിക്കേണ്ട സ്ഥലത്ത് പാഴ്‌സൽ എത്തിക്കും.
'റീച്ച് ഓൺ ഫാസ്റ്റ് ബസ്' എന്ന സർവീസിലൂടെ കുറഞ്ഞ ചെലവിൽ ഉപയോക്താവിന്റെ ആവശ്യങ്ങൾ സാധിക്കുകയാണ് കെഎസ്ആർടിസി. സ്വകാര്യ കമ്പനിയുമായി ചേർന്നാണ് കെഎസ്ആർടിസിയുടെ ഈ സംരംഭം.
കഴിഞ്ഞ വർഷം ജൂലൈയിലാണ് തിരുവനന്തപുരം ഡിപ്പോയിൽ നിന്ന് ഈ സംവിധാനം കെഎസ്ആർടിസി ആരംഭിച്ചത്. ട്രാക്കോൺ എന്ന സ്വകാര്യ കമ്പനിയുമായുള്ള പങ്കാളിത്തത്തോടെയാണു കെഎസ്ആർടിസി കൊറിയർ സർവീസിനു തുടക്കം കുറിച്ചത്. തുടർന്നു മറ്റു ജില്ലകളിലും പ്രധാനപ്പെട്ട ഡിപ്പോകളിൽ കൊറിയർ പോയിന്റുകൾ ആരംഭിച്ചു.
വളരെ പ്രധാനമായ ഡോക്യുമെന്റ്‌സോ, പാർസലുകളോ ദൂരെയുള്ള മറ്റൊരു സ്ഥലത്തോ, ജില്ലയിലോ അന്നേ ദിവസം തന്നെ എത്തിക്കാനുണ്ടെങ്കിൽ കെഎസ്ആർടിസി തീർച്ചയായും സഹായിക്കുക തന്നെ ചെയ്യും. സാധാരണ കൊറിയർ സർവീസുകൾ പാഴ്‌സലുകൾ എത്തിക്കാൻ കുറഞ്ഞത് ഒരു ദിവസം എടുക്കുമ്പോൾ അന്നു തന്നെ ആവശ്യക്കാരന്റെ അടുത്ത് പാഴ്‌സലുകൾ എത്തിക്കുന്ന കെഎസ്ആർടിസി സർവീസ് ഉപഭോക്താവിന് ഏറെ പ്രയോജനപ്രദമാണ്.
ഡിപ്പോയിലെ റീച്ച് ഓൺ ഫാസ്റ്റ് ബസ് കൗണ്ടറിൽ പാർസൽ ഏൽപ്പിക്കുകമ്പോൾ കൊറിയർ ട്രാക്ക് ചെയ്യാനുള്ള നമ്പർ അടക്കം ഒരു എസ്എംഎസ് പാർസൽ ഏറ്റുവാങ്ങേണ്ടയാൾക്ക് ലഭിക്കും. പാർസൽ ലക്ഷ്യ സ്ഥാനത്തെ കൗണ്ടെറിൽ നിന്നോ, ഡിപ്പോയിൽ നിന്നോ കൈപ്പറ്റാനാകും. കൈപ്പറ്റുന്ന മുറയ്ക്ക് പാർസൽ അയച്ചയാൾക്ക് അതറിയിച്ച് ഒരു എസ്എംഎസ് ലഭിക്കുന്നു....
കേരളത്തിലെ റിമോട്ട് ആയ സ്ഥലങ്ങളിലേക്ക് പോലും റൂട്ടുകളുള്ള കെഎസ്ആർടിസിയുടെ ഈ സേവനം അത്യാവശ്യക്കാർക്ക് ഉപയോഗിക്കാവുന്നതാണ്.
സാധാരണ കവറുകൾക്കും മറ്റും 20-25 രൂപയാണ് നിരക്ക്. മൂന്ന് കിലോ വരെയുള്ള പാഴ്‌സലിന് 50 രൂപ. തുടർന്നുള്ളവയ്ക്ക് ആനുപാതികമായി തുക ഈടാക്കും. ആദ്യഘട്ടത്തിൽ കേരളത്തിലെവിടെയും പാഴ്‌സൽ എത്തിക്കുന്നതിനുള്ള സംവിധാനമാണ് നടപ്പാക്കിയത്. കേരളത്തിനു പുറത്തേക്കും സേവനം വ്യാപിപ്പിക്കും.
ഫാസ്റ്റ് പാസഞ്ചർ, സൂപ്പർ ഫാസ്റ്റ്, സൂപ്പർ എക്സ്‌പ്രസ്, വോൾവോ ബസ്സുകളാണ് കൂടുതലായി ഈ സർവീസ് പ്രയോജനപ്പെടുത്തുന്നത്. മേൽവിലാസക്കാരന് അരികിലേക്കു പാഴ്‌സലുകൾ അയക്കുന്ന ഘട്ടം വരുമ്പോൾ, അതായത് ലോക്കൽ പാഴ്‌സലുകൾക്ക്, ഓർഡിനറി സർവീസും ഉപയോഗിക്കും.
തമിഴ്‌നാട്, കർണാടക ട്രാൻസ്‌പോർട്ട് കോർപറേഷനുകൾ നേരത്തെ തന്നെ ഇത്തരത്തിൽ കൊറിയർ സർവീസ് നടത്തുന്നുണ്ടായിരുന്നു. ഇതിന്റെ ചുവടുപിടിച്ചാണ് കേരളത്തിലും കൊറിയർ സർവീസ് ആരംഭിച്ചത്. നഷ്ടത്തിൽ നിന്ന് കെഎസ്ആർടിസിയെ കരകയറ്റാനുള്ള നടപടികളുടെ ഭാഗമായും കൊറിയർ സർവീസിനെ പ്രതീക്ഷയോടെ കാണുന്നുണ്ട്.
കെഎസ്ആർടിസിയുടെ മൂവായിരത്തിലധികം ബസുകളിൽ ഇപ്പോൾ തന്നെ കൊറിയർ ബോക്‌സുകളുണ്ട്. 2007 മുതൽ ബസിന്റെ ബോഡി നിർമ്മാണത്തിനൊപ്പം തന്നെ കൊറിയർ ബോക്‌സുകളും നിർമ്മിക്കുന്നുണ്ട്.
സംസ്ഥാനത്തു നിരവധി സ്വകാര്യ പാഴ്‌സൽ സർവീസുകൾ ഇപ്പോൾ പ്രവർത്തിക്കുന്നു. ഇവയെല്ലാം നഗരങ്ങൾ കേന്ദ്രീകരിച്ചാണു പ്രവർത്തിക്കുന്നത്. നഗരഗ്രാമ ഭേദമില്ലാതെ കെഎസ്ആർടിസി ബസ് സർവീസ് നടത്തുന്നതിനാൽ കൂടുതൽ സ്ഥലങ്ങളിലേക്കു കെഎസ്ആർടിസിക്കു കൊറിയറുകൾ എത്തിക്കാനാകുമെന്ന പ്രതീക്ഷയിലാണ് അധികൃതർ.
സംസ്ഥാനത്തെ മുഴുവൻ ജില്ലകളിലുമായി 30 ഡിപ്പോകളിൽ ഇതിനോടകം സർവീസ് ആരംഭിച്ചു കഴിഞ്ഞു. തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, ആലുവ, പെരുമ്പാവൂർ, അങ്കമാലി, തൃശ്ശൂർ, പാലക്കാട്, മലപ്പുറം, പെരിന്തൽമണ്ണ, സുൽത്താൻ ബത്തേരി, മാനന്തവാടി, കണ്ണൂർ എന്നിവിടങ്ങളിലാണ് ആദ്യഘട്ടത്തിൽ സർവീസ് വിജയകരമായി നടപ്പിലാക്കിക്കൊണ്ടിരിക്കുന്നത്.
ദുർഘടമായ സ്ഥലങ്ങളൊഴിച്ച് അയക്കുന്ന അന്ന് തന്നെ കൊറിയർ ഉപയോക്താവിന്റെ പക്കലെത്തിക്കും. കേരളത്തിലെ എല്ലാ കെഎസ്ആർടിസി. ബസ് സ്റ്റാൻഡുകളിലും കൊറിയർ കളക്ഷനും ഡെലിവറിക്കുമായി ട്രാക്കോണിന്റെ ഓഫിസ് പ്രവർത്തിക്കുന്നുണ്ട്. കുറഞ്ഞ സമയംകൊണ്ട് സാധനങ്ങൾ എത്തിക്കാമെന്നതിനാൽ അത്യാവശ്യ പ്രമാണങ്ങൾ, അവശ്യ മരുന്നുകൾ, ആഹാര സാധനങ്ങൾ തുടങ്ങിയവ അയയ്ക്കാൻ ഈ സേവനം ഏറെ പ്രയോജനപ്പെടും.
പ്രധാനപ്പെട്ട റീച്ച് ഓൺ ഫാസ്റ്റ് ബസ് സർവീസ് പോയിന്റുകൾ:
- തിരുവനന്തപുരം
9562451999
9847920663 - ആലപ്പുഴ
9387881365
9895620401
04776990401 - ആലുവ
9567211133
9539348308
7034000744
9746091883 - അങ്കമാലി
9645656666
9847931684
04842452838 - ചാലക്കുടി
9995760308
9995181511
9562338856 - എറണാകുളം
7558025222
9656341999 - കണ്ണൂർ
9495659887
04902768887
8281224090 - കരുനാഗപ്പള്ളി
8891123132
9747755808 - കട്ടപ്പന
9747076565
9746401678 - കായംകുളം
9562821999
7558825756
8606849484
9745255750 - കൊല്ലം
9744216340
9562531999
04743242424 - കോട്ടയം
7559060911 - കോഴിക്കോട്
9072755113
04952729455
9072755855 - കുമളി
9400823082 - മലപ്പുറം
04832735761
9497427818 (office)
9539584242 (office)
8089399195 - മാനന്തവാടി
9495641328
04935245528
8606743273 - മൂവാറ്റുപുഴ
9446037539
9446767539 - പാലക്കാട്
9388122578
9846586710
04913169869 - പെരിന്തൽമണ്ണ
9496358533
04933227074
7034196395
9497426818
9539500000 - പെരുമ്പാവൂർ
9961868750
9847931684
04842591455 - പൊന്നാനി
04942668707
9495896538 - സുൽത്താൻ ബത്തേരി
9446924885
04936224485
9495924623 - തൊടുപുഴ
9495834205
8606319160 - തൃശൂർ
9388316953
9446323892
9446031559
9072071757
8137904157 - വൈക്കം
04829233447 - ബംഗളൂരു
9448000877
9342556557 - വൈറ്റില ഹബ്
7558025222
9656341999
